| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
2. දුතියසික්‌ඛාපදවණ්‌ණනා
2. Dutiyasikkhāpadavaṇṇanā
1030. භික්‌ඛුනී චෙ භික්‌ඛුං අක්‌කොසති, ඉමිනා සික්‌ඛාපදෙන පාචිත්‌තියං. භික්‌ඛුනිං චෙ අක්‌කොසති, ඔමසවාදෙන ආපජ්‌ජති. ඔමසවාදෙ සම්‌මුඛාව රුහති, ඉධ පන පරම්‌මුඛාපි.
1030. Bhikkhunī ce bhikkhuṃ akkosati, iminā sikkhāpadena pācittiyaṃ. Bhikkhuniṃ ce akkosati, omasavādena āpajjati. Omasavāde sammukhāva ruhati, idha pana parammukhāpi.
තත්‍රායං විචාරණා – භික්‌ඛුවිභඞ්‌ගෙ ඔසමවාදසික්‌ඛාපදෙ භික්‌ඛුනී අනුපසම්‌පන්‌නට්‌ඨානෙ තිට්‌ඨතීති කත්‌වා භික්‌ඛුනිවිභඞ්‌ගෙපි ඔමසවාදසික්‌ඛාපදෙ භික්‌ඛු භික්‌ඛුනියා අනුපසම්‌පන්‌නට්‌ඨානෙ තිට්‌ඨතීති සිද්‌ධං. ඉධ ච අනුපසම්‌පන්‌නස්‌ස අක්‌කොසනෙ දුක්‌කටං වුත්‌තං, භික්‌ඛුස්‌ස උපසම්‌පන්‌නස්‌ස අක්‌කොසනෙ පාචිත්‌තියං වුත්‌තං, තස්‌මා ඉමානි ද්‌වෙ සික්‌ඛාපදානි භික්‌ඛුම්‌හි සංසන්‌දියමානානි අඤ්‌ඤමඤ්‌ඤං න සමෙන්‌ති. යථා සමෙන්‌ති, තථා ජානිතබ්‌බං. තත්‌ථ පොරාණගණ්‌ඨිපදෙ වුත්‌තනයෙන භික්‌ඛුනීනං ඔමසවාදසික්‌ඛාපදෙ අනුපසම්‌පන්‌නොති න ගහෙතබ්‌බො, ඉදමෙත්‌ථ යුත්‌තං. පරිභාසෙය්‍යාති අඤ්‌ඤත්‍ර අක්‌කොසවත්‌ථූහි. තෙසු හි අඤ්‌ඤතරස්‌මිං සති ඔමසවාදපාචිත්‌තියමෙවාති එකෙ, තං න යුත්‌තං . ඔමසවාදෙ පාළිමුත්‌තකඅක්‌කොසෙ හි දුක්‌කටං හොතීති. දුක්‌කටොකාසෙ ඉදං පාචිත්‌තියං තෙහි නිද්‌දිට්‌ඨං හොති, තස්‌මා ‘‘බාලා එතා’’ති පාළියං ඉධ ආගතපදානංයෙව වසෙන පරිභාසනං වෙදිතබ්‌බං.
Tatrāyaṃ vicāraṇā – bhikkhuvibhaṅge osamavādasikkhāpade bhikkhunī anupasampannaṭṭhāne tiṭṭhatīti katvā bhikkhunivibhaṅgepi omasavādasikkhāpade bhikkhu bhikkhuniyā anupasampannaṭṭhāne tiṭṭhatīti siddhaṃ. Idha ca anupasampannassa akkosane dukkaṭaṃ vuttaṃ, bhikkhussa upasampannassa akkosane pācittiyaṃ vuttaṃ, tasmā imāni dve sikkhāpadāni bhikkhumhi saṃsandiyamānāni aññamaññaṃ na samenti. Yathā samenti, tathā jānitabbaṃ. Tattha porāṇagaṇṭhipade vuttanayena bhikkhunīnaṃ omasavādasikkhāpade anupasampannoti na gahetabbo, idamettha yuttaṃ. Paribhāseyyāti aññatra akkosavatthūhi. Tesu hi aññatarasmiṃ sati omasavādapācittiyamevāti eke, taṃ na yuttaṃ . Omasavāde pāḷimuttakaakkose hi dukkaṭaṃ hotīti. Dukkaṭokāse idaṃ pācittiyaṃ tehi niddiṭṭhaṃ hoti, tasmā ‘‘bālā etā’’ti pāḷiyaṃ idha āgatapadānaṃyeva vasena paribhāsanaṃ veditabbaṃ.
දුතියසික්‌ඛාපදවණ්‌ණනා නිට්‌ඨිතා.
Dutiyasikkhāpadavaṇṇanā niṭṭhitā.
1033. තතියසික්‌ඛාපදං උත්‌තානත්‌ථමෙව.
1033. Tatiyasikkhāpadaṃ uttānatthameva.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / භික්‌ඛුනීවිභඞ්‌ග • Bhikkhunīvibhaṅga
2. දුතියසික්‌ඛාපදං • 2. Dutiyasikkhāpadaṃ
3. තතියසික්‌ඛාපදං • 3. Tatiyasikkhāpadaṃ
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 1. පඨමාදිසික්‌ඛාපදවණ්‌ණනා • 1. Paṭhamādisikkhāpadavaṇṇanā
