| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. д̣̇уд̇ияасигкаасуд̇д̇аван̣н̣анаа
7. Dutiyasikkhāsuttavaṇṇanā
88. сад̇д̇амз голам̣голод̇и гулаа гулам̣ г̇аманаго. гуланд̇и жзд̇т̇а бхаво ад̇хиббзд̇о, д̇асмаа ‘‘д̣̇вз ваа д̇ийн̣и ваа гулааний’’д̇и зд̇т̇аби д̣̇вз ваа д̇аяо ваа бхавзд̇и ад̇т̇о взд̣̇ид̇аб̣б̣о. аяан̃хи д̣̇вз ваа бхавз санд̇хаавад̇и д̇аяо ваа, уд̇д̇амагодияаа ча ваа. д̇асмаа д̣̇вз ваа д̇ийн̣и ваа жад̇д̇аари ваа бан̃жа ваа ча ваад̇и звамзд̇т̇а вигаббо д̣̇адтаб̣б̣о. згаб̣ийж̇ийд̇и згассзва бхавасса б̣ийж̇ам̣ зд̇асса ад̇т̇ийд̇и згаб̣ийж̇ий. уд̣̇д̇хам̣сод̇од̇иаад̣̇ийсу ад̇т̇и уд̣̇д̇хам̣сод̇о аганидтаг̇аамий, ад̇т̇и уд̣̇д̇хам̣сод̇о на аганидтаг̇аамий, ад̇т̇и на уд̣̇д̇хам̣сод̇о аганидтаг̇аамий, ад̇т̇и на уд̣̇д̇хам̣сод̇о на аганидтаг̇аамий. д̇ад̇т̇а яо ид̇ха анааг̇аамипалам̣ бад̇ваа авихаад̣̇ийсу ниб̣б̣ад̇д̇о д̇ад̇т̇а яаавад̇ааяугам̣ тад̇ваа убаруубари ниб̣б̣ад̇д̇ид̇ваа аганидтам̣ баабун̣аад̇и, аяам̣ уд̣̇д̇хам̣сод̇о аганидтаг̇аамий наама. яо бана авихаад̣̇ийсу ниб̣б̣ад̇д̇о д̇ад̇т̇зва абариниб̣б̣ааяид̇ваа аганидтамби аббад̇ваа убаримаб̣рахмалогз бариниб̣б̣ааяад̇и, аяам̣ уд̣̇д̇хам̣сод̇о на аганидтаг̇аамий наама. яо ид̇о жавид̇ваа аганидтзязва ниб̣б̣ад̇д̇ад̇и, аяам̣ на уд̣̇д̇хам̣сод̇о аганидтаг̇аамий наама. яо бана авихаад̣̇ийсу жад̇уусу ан̃н̃ад̇арасмим̣ ниб̣б̣ад̇д̇ид̇ваа д̇ад̇т̇зва бариниб̣б̣ааяад̇и, аяам̣ на уд̣̇д̇хам̣сод̇о на аганидтаг̇аамий наама.
88. Sattame kolaṃkoloti kulā kulaṃ gamanako. Kulanti cettha bhavo adhippeto, tasmā ‘‘dve vā tīṇi vā kulānī’’ti etthapi dve vā tayo vā bhaveti attho veditabbo. Ayañhi dve vā bhave sandhāvati tayo vā, uttamakoṭiyā cha vā. Tasmā dve vā tīṇi vā cattāri vā pañca vā cha vāti evamettha vikappo daṭṭhabbo. Ekabījīti ekasseva bhavassa bījaṃ etassa atthīti ekabījī. Uddhaṃsototiādīsu atthi uddhaṃsoto akaniṭṭhagāmī, atthi uddhaṃsoto na akaniṭṭhagāmī, atthi na uddhaṃsoto akaniṭṭhagāmī, atthi na uddhaṃsoto na akaniṭṭhagāmī. Tattha yo idha anāgāmiphalaṃ patvā avihādīsu nibbatto tattha yāvatāyukaṃ ṭhatvā uparūpari nibbattitvā akaniṭṭhaṃ pāpuṇāti, ayaṃ uddhaṃsoto akaniṭṭhagāmī nāma. Yo pana avihādīsu nibbatto tattheva aparinibbāyitvā akaniṭṭhampi appatvā uparimabrahmaloke parinibbāyati, ayaṃ uddhaṃsoto na akaniṭṭhagāmī nāma. Yo ito cavitvā akaniṭṭheyeva nibbattati, ayaṃ na uddhaṃsoto akaniṭṭhagāmī nāma. Yo pana avihādīsu catūsu aññatarasmiṃ nibbattitvā tattheva parinibbāyati, ayaṃ na uddhaṃsoto na akaniṭṭhagāmī nāma.
яад̇т̇а гад̇т̇ажи уббанно бана сасан̇каарзна саббаяог̇зна арахад̇д̇ам̣ бад̇д̇о сасан̇каарабариниб̣б̣ааяий наама. асан̇каарзна аббаяог̇зна бад̇д̇о асан̇каарабариниб̣б̣ааяий наама. яо бана габбасахассааяугзсу авихзсу ниб̣б̣ад̇д̇ид̇ваа бан̃жамам̣ габбасад̇ам̣ ад̇иггамид̇ваа арахад̇д̇ам̣ бад̇д̇о, аяам̣ убахажжабариниб̣б̣ааяий наама. ад̇аббаад̣̇ийсуби зсзва наяо. анд̇араабариниб̣б̣ааяийд̇и яо ааяувзмаж̇жхам̣ анад̇иггамид̇ваа бариниб̣б̣ааяад̇и, со д̇ивид̇хо ход̇и. габбасахассааяугзсу д̇аава авихзсу ниб̣б̣ад̇д̇ид̇ваа зго ниб̣б̣ад̇д̇ад̣̇ивасзязва арахад̇д̇ам̣ баабун̣аад̇и. но жз ниб̣б̣ад̇д̇ад̣̇ивасз баабун̣аад̇и, батамасса бана габбасад̇асса мад̇т̇агз баабун̣аад̇и, аяам̣ батамо анд̇араабариниб̣б̣ааяий. абаро звам̣ асаггонд̇о д̣̇виннам̣ габбасад̇аанам̣ мад̇т̇агз баабун̣аад̇и, аяам̣ д̣̇уд̇ияо. абаро звамби асаггонд̇о жад̇уннам̣ габбасад̇аанам̣ мад̇т̇агз баабун̣аад̇и, аяам̣ д̇ад̇ияо анд̇араабариниб̣б̣ааяий. сзсам̣ вуд̇д̇анаяамзва.
Yattha katthaci uppanno pana sasaṅkhārena sappayogena arahattaṃ patto sasaṅkhāraparinibbāyī nāma. Asaṅkhārena appayogena patto asaṅkhāraparinibbāyī nāma. Yo pana kappasahassāyukesu avihesu nibbattitvā pañcamaṃ kappasataṃ atikkamitvā arahattaṃ patto, ayaṃ upahaccaparinibbāyī nāma. Atappādīsupi eseva nayo. Antarāparinibbāyīti yo āyuvemajjhaṃ anatikkamitvā parinibbāyati, so tividho hoti. Kappasahassāyukesu tāva avihesu nibbattitvā eko nibbattadivaseyeva arahattaṃ pāpuṇāti. No ce nibbattadivase pāpuṇāti, paṭhamassa pana kappasatassa matthake pāpuṇāti, ayaṃ paṭhamo antarāparinibbāyī. Aparo evaṃ asakkonto dvinnaṃ kappasatānaṃ matthake pāpuṇāti, ayaṃ dutiyo. Aparo evampi asakkonto catunnaṃ kappasatānaṃ matthake pāpuṇāti, ayaṃ tatiyo antarāparinibbāyī. Sesaṃ vuttanayameva.
имасмим̣ бана таанз тад̇ваа жад̇увийсад̇и сод̇аабаннаа, д̣̇ваад̣̇аса сагад̣̇ааг̇аамино, адтажад̇д̇аалийса анааг̇аамино, д̣̇ваад̣̇аса жа араханд̇о гат̇зд̇аб̣б̣аа. имасмим̣ хи саасанз сад̣̇д̇хаад̇хурам̣ бан̃н̃аад̇хуранд̇и д̣̇вз д̇хураани, д̣̇угкабадибад̣̇аад̣̇анд̇хаабхин̃н̃аад̣̇аяо жад̇ассо бадибад̣̇аа. д̇ад̇т̇зго сад̣̇д̇хаад̇хурзна абхинивисид̇ваа сод̇аабад̇д̇ипалам̣ бад̇ваа згамзва бхавам̣ ниб̣б̣ад̇д̇ид̇ваа д̣̇угкассанд̇ам̣ гарод̇и, аяамзго згаб̣ийж̇ий. со бадибад̣̇аавасзна жад̇уб̣б̣ид̇хо ход̇и. яат̇аа жзса, звам̣ бан̃н̃аад̇хурзна абхинивидтобийд̇и адта згаб̣ийж̇ино. д̇ат̇аа голам̣голаа сад̇д̇агкад̇д̇убарамаа жаад̇и имз жад̇увийсад̇и сод̇аабаннаа наама. д̇ийсу бана вимогкзсу сун̃н̃ад̇авимогкзна сагад̣̇ааг̇аамибхуумим̣ бад̇д̇аа жад̇уннам̣ бадибад̣̇аанам̣ васзна жад̇д̇ааро сагад̣̇ааг̇аамино, д̇ат̇аа анимид̇д̇авимогкзна бад̇д̇аа жад̇д̇ааро, аббан̣ихид̇авимогкзна бад̇д̇аа жад̇д̇аарод̇и имз д̣̇ваад̣̇аса сагад̣̇ааг̇аамино. авихзсу бана д̇аяо анд̇араабариниб̣б̣ааяино, зго убахажжабариниб̣б̣ааяий, зго уд̣̇д̇хам̣сод̇о аганидтаг̇аамийд̇и бан̃жа анааг̇аамино, д̇з асан̇каарабариниб̣б̣ааяино бан̃жа, сасан̇каарабариниб̣б̣ааяино бан̃жаад̇и д̣̇аса хонд̇и, д̇ат̇аа ад̇аббаад̣̇ийсу. аганидтзсу бана уд̣̇д̇хам̣сод̇о над̇т̇и , д̇асмаа д̇ад̇т̇а жад̇д̇ааро сасан̇каарабариниб̣б̣ааяий, жад̇д̇ааро асан̇каарабариниб̣б̣ааяийд̇и адта, имз адтажад̇д̇аалийса анааг̇аамино. яат̇аа бана сагад̣̇ааг̇аамино, д̇ат̇зва араханд̇оби д̣̇ваад̣̇аса взд̣̇ид̇аб̣б̣аа. ид̇хааби д̇иссо сигкаа миссигаава гат̇ид̇аа.
Imasmiṃ pana ṭhāne ṭhatvā catuvīsati sotāpannā, dvādasa sakadāgāmino, aṭṭhacattālīsa anāgāmino, dvādasa ca arahanto kathetabbā. Imasmiṃ hi sāsane saddhādhuraṃ paññādhuranti dve dhurāni, dukkhapaṭipadādandhābhiññādayo catasso paṭipadā. Tattheko saddhādhurena abhinivisitvā sotāpattiphalaṃ patvā ekameva bhavaṃ nibbattitvā dukkhassantaṃ karoti, ayameko ekabījī. So paṭipadāvasena catubbidho hoti. Yathā cesa, evaṃ paññādhurena abhiniviṭṭhopīti aṭṭha ekabījino. Tathā kolaṃkolā sattakkhattuparamā cāti ime catuvīsati sotāpannā nāma. Tīsu pana vimokkhesu suññatavimokkhena sakadāgāmibhūmiṃ pattā catunnaṃ paṭipadānaṃ vasena cattāro sakadāgāmino, tathā animittavimokkhena pattā cattāro, appaṇihitavimokkhena pattā cattāroti ime dvādasa sakadāgāmino. Avihesu pana tayo antarāparinibbāyino, eko upahaccaparinibbāyī, eko uddhaṃsoto akaniṭṭhagāmīti pañca anāgāmino, te asaṅkhāraparinibbāyino pañca, sasaṅkhāraparinibbāyino pañcāti dasa honti, tathā atappādīsu. Akaniṭṭhesu pana uddhaṃsoto natthi , tasmā tattha cattāro sasaṅkhāraparinibbāyī, cattāro asaṅkhāraparinibbāyīti aṭṭha, ime aṭṭhacattālīsa anāgāmino. Yathā pana sakadāgāmino, tatheva arahantopi dvādasa veditabbā. Idhāpi tisso sikkhā missikāva kathitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. д̣̇уд̇ияасигкаасуд̇д̇ам̣ • 7. Dutiyasikkhāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. д̣̇уд̇ияасигкаасуд̇д̇аад̣̇иван̣н̣анаа • 7-10. Dutiyasikkhāsuttādivaṇṇanā
