Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

    10. д̣̇уд̇ияасигкад̇д̇аяасуд̇д̇ам̣

    10. Dutiyasikkhattayasuttaṃ

    91. ‘‘д̇иссо имаа, бхигкавз, сигкаа. гад̇амаа д̇иссо? ад̇хисийласигкаа, ад̇хижид̇д̇асигкаа, ад̇хибан̃н̃аасигкаа.

    91. ‘‘Tisso imā, bhikkhave, sikkhā. Katamā tisso? Adhisīlasikkhā, adhicittasikkhā, adhipaññāsikkhā.

    ‘‘гад̇амаа жа, бхигкавз, ад̇хисийласигкаа? ид̇ха, бхигкавз, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу. аяам̣ вужжад̇и, бхигкавз, ад̇хисийласигкаа.

    ‘‘Katamā ca, bhikkhave, adhisīlasikkhā? Idha, bhikkhave, bhikkhu sīlavā hoti…pe… samādāya sikkhati sikkhāpadesu. Ayaṃ vuccati, bhikkhave, adhisīlasikkhā.

    ‘‘гад̇амаа жа, бхигкавз, ад̇хижид̇д̇асигкаа? ид̇ха, бхигкавз, бхигку вивижжзва гаамзхи…бз… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, ад̇хижид̇д̇асигкаа.

    ‘‘Katamā ca, bhikkhave, adhicittasikkhā? Idha, bhikkhave, bhikkhu vivicceva kāmehi…pe… catutthaṃ jhānaṃ upasampajja viharati. Ayaṃ vuccati, bhikkhave, adhicittasikkhā.

    ‘‘гад̇амаа жа, бхигкавз, ад̇хибан̃н̃аасигкаа? ид̇ха, бхигкавз, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяам̣ вужжад̇и, бхигкавз, ад̇хибан̃н̃аа сигкаа. имаа ко, бхигкавз, д̇иссо сигкаа’’д̇и.

    ‘‘Katamā ca, bhikkhave, adhipaññāsikkhā? Idha, bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ vuccati, bhikkhave, adhipaññā sikkhā. Imā kho, bhikkhave, tisso sikkhā’’ti.

    ‘‘ад̇хисийлам̣ ад̇хижид̇д̇ам̣, ад̇хибан̃н̃ан̃жа вийрияаваа;

    ‘‘Adhisīlaṃ adhicittaṃ, adhipaññañca vīriyavā;

    т̇аамаваа д̇хид̇имаа жхааяий, сад̇о г̇уд̇д̇инд̣̇рияо 1 жарз.

    Thāmavā dhitimā jhāyī, sato guttindriyo 2 care.

    ‘‘яат̇аа бурз д̇ат̇аа бажчаа, яат̇аа бажчаа д̇ат̇аа бурз;

    ‘‘Yathā pure tathā pacchā, yathā pacchā tathā pure;

    яат̇аа ад̇хо д̇ат̇аа уд̣̇д̇хам̣, яат̇аа уд̣̇д̇хам̣ д̇ат̇аа ад̇хо.

    Yathā adho tathā uddhaṃ, yathā uddhaṃ tathā adho.

    ‘‘яат̇аа д̣̇иваа д̇ат̇аа рад̇д̇им̣, яат̇аа рад̇д̇им̣ д̇ат̇аа д̣̇иваа;

    ‘‘Yathā divā tathā rattiṃ, yathā rattiṃ tathā divā;

    абхибхуяяа д̣̇исаа саб̣б̣аа, аббамаан̣асамаад̇хинаа.

    Abhibhuyya disā sabbā, appamāṇasamādhinā.

    ‘‘д̇амааху сзкам̣ бадибад̣̇ам̣ 3, ат̇о сам̣суд̣̇д̇хажаарияам̣ 4;

    ‘‘Tamāhu sekhaṃ paṭipadaṃ 5, atho saṃsuddhacāriyaṃ 6;

    д̇амааху логз самб̣уд̣̇д̇хам̣, д̇хийрам̣ бадибад̣̇анд̇аг̇ум̣.

    Tamāhu loke sambuddhaṃ, dhīraṃ paṭipadantaguṃ.

    ‘‘вин̃н̃аан̣асса нирод̇хзна, д̇ан̣хаагкаяавимуд̇д̇ино;

    ‘‘Viññāṇassa nirodhena, taṇhākkhayavimuttino;

    баж̇ж̇од̇ассзва ниб̣б̣аанам̣, вимогко ход̇и жзд̇асо’’д̇и. д̣̇асамам̣;

    Pajjotasseva nibbānaṃ, vimokkho hoti cetaso’’ti. dasamaṃ;




    Next: 11. сан̇гаваасуд̇д̇ам̣ • 11. Saṅkavāsuttaṃ




    Footnotes:
    1. уббад̇д̇инд̣̇рияо (га.)
    2. uppattindriyo (ka.)
    3. баадибад̣̇ам̣ (?) ма. ни. 2.27 бассид̇аб̣б̣ам̣
    4. сам̣суд̣̇д̇хажааран̣ам̣ (сий. бий.), сам̣суд̣̇д̇хажааринам̣ (сяаа. гам̣.)
    5. pāṭipadaṃ (?) ma. ni. 2.27 passitabbaṃ
    6. saṃsuddhacāraṇaṃ (sī. pī.), saṃsuddhacārinaṃ (syā. kaṃ.)



    Related texts:



    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. д̣̇уд̇ияасигкад̇д̇аяасуд̇д̇аван̣н̣анаа • 10. Dutiyasikkhattayasuttavaṇṇanā

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. д̣̇уд̇ияасигкаасуд̇д̇аад̣̇иван̣н̣анаа • 7-10. Dutiyasikkhāsuttādivaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact