| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. д̣̇уд̇ияасигкад̇д̇аяасуд̇д̇аван̣н̣анаа
10. Dutiyasikkhattayasuttavaṇṇanā
91. д̣̇асамз аасаваанам̣ каяаад̇и зд̇т̇а арахад̇д̇амаг̇г̇о ад̇хибан̃н̃аасигкаа наама. палам̣ бана сигкид̇асигкасса уббаж̇ж̇анад̇о сигкаад̇и на вад̇д̇аб̣б̣ам̣.
91. Dasame āsavānaṃ khayāti ettha arahattamaggo adhipaññāsikkhā nāma. Phalaṃ pana sikkhitasikkhassa uppajjanato sikkhāti na vattabbaṃ.
яат̇аа бурз д̇ат̇аа бажчаад̇и яат̇аа батамам̣ д̇ийсу сигкаасу сигкад̇и, бажчаа д̇ат̇зва сигкад̇ийд̇и ад̇т̇о. д̣̇уд̇ияабад̣̇зби зсзва наяо. яат̇аа ад̇хо д̇ат̇аа уд̣̇д̇ханд̇и яат̇аа хздтимагааяам̣ асубхавасзна бассад̇и, убаримагааяамби д̇ат̇зва парад̇и. д̣̇уд̇ияабад̣̇зби зсзва наяо. яат̇аа д̣̇иваа д̇ат̇аа рад̇д̇инд̇и яат̇аа д̣̇иваа д̇иссо сигкаа сигкад̇и, рад̇д̇имби д̇ат̇зва сигкад̇ийд̇и ад̇т̇о. абхибхуяяа д̣̇исаа саб̣б̣аад̇и саб̣б̣аа д̣̇исаа аарамман̣авасзна абхибхавид̇ваа. аббамаан̣асамаад̇хинаад̇и арахад̇д̇амаг̇г̇асамаад̇хинаа.
Yathāpure tathā pacchāti yathā paṭhamaṃ tīsu sikkhāsu sikkhati, pacchā tatheva sikkhatīti attho. Dutiyapadepi eseva nayo. Yathā adho tathā uddhanti yathā heṭṭhimakāyaṃ asubhavasena passati, uparimakāyampi tatheva pharati. Dutiyapadepi eseva nayo. Yathā divā tathā rattinti yathā divā tisso sikkhā sikkhati, rattimpi tatheva sikkhatīti attho. Abhibhuyya disā sabbāti sabbā disā ārammaṇavasena abhibhavitvā. Appamāṇasamādhināti arahattamaggasamādhinā.
сзгканд̇и сигкамаанам̣ сагаран̣ийяам̣. бадибад̣̇анд̇и бадибаннагам̣. сам̣суд̣̇д̇хажаарияанд̇и сам̣суд̣̇д̇хажаран̣ам̣ барисуд̣̇д̇хасийлам̣. самб̣уд̣̇д̇ханд̇и жад̇усажжаб̣уд̣̇д̇хам̣. д̇хийрам̣ бадибад̣̇анд̇аг̇унд̇и канд̇хад̇хийраааяад̇анад̇хийравасзна д̇хийрам̣ д̇хид̇исамбаннам̣ бадибад̇д̇ияаа анд̇ам̣ г̇ад̇ам̣. вин̃н̃аан̣ассаад̇и жаримагавин̃н̃аан̣асса. д̇ан̣хаагкаяавимуд̇д̇инод̇и д̇ан̣хаагкаяавимуд̇д̇исан̇каад̇ааяа арахад̇д̇апалавимуд̇д̇ияаа саманнааг̇ад̇асса. баж̇ж̇од̇ассзва ниб̣б̣аананд̇и бад̣̇ийбаниб̣б̣аанам̣ вияа. вимогко ход̇и жзд̇асод̇и жид̇д̇асса вимуд̇д̇и вимужжанаа аббавад̇д̇ибхааво ход̇и. д̇ан̣хаагкаяавимуд̇д̇ино хи кийн̣аасавасса жаримагавин̃н̃аан̣анирод̇хзна бариниб̣б̣аанам̣ вияа жзд̇асо вимогко ход̇и, на г̇ад̇адтаанам̣ бан̃н̃ааяад̇и, абан̣н̣ад̇д̇игабхаавуубаг̇амоязва ход̇ийд̇и ад̇т̇о.
Sekkhanti sikkhamānaṃ sakaraṇīyaṃ. Paṭipadanti paṭipannakaṃ. Saṃsuddhacāriyanti saṃsuddhacaraṇaṃ parisuddhasīlaṃ. Sambuddhanti catusaccabuddhaṃ. Dhīraṃ paṭipadantagunti khandhadhīraāyatanadhīravasena dhīraṃ dhitisampannaṃ paṭipattiyā antaṃ gataṃ. Viññāṇassāti carimakaviññāṇassa. Taṇhākkhayavimuttinoti taṇhākkhayavimuttisaṅkhātāya arahattaphalavimuttiyā samannāgatassa. Pajjotasseva nibbānanti padīpanibbānaṃ viya. Vimokkho hoti cetasoti cittassa vimutti vimuccanā appavattibhāvo hoti. Taṇhākkhayavimuttino hi khīṇāsavassa carimakaviññāṇanirodhena parinibbānaṃ viya cetaso vimokkho hoti, na gataṭṭhānaṃ paññāyati, apaṇṇattikabhāvūpagamoyeva hotīti attho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. д̣̇уд̇ияасигкад̇д̇аяасуд̇д̇ам̣ • 10. Dutiyasikkhattayasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-10. д̣̇уд̇ияасигкаасуд̇д̇аад̣̇иван̣н̣анаа • 7-10. Dutiyasikkhāsuttādivaṇṇanā
