| Library / Tipiṭaka / তিপিটক • Tipiṭaka / ইতিৰুত্তক-অট্ঠকথা • Itivuttaka-aṭṭhakathā |
৬. দুতিযসীলসুত্তৰণ্ণনা
6. Dutiyasīlasuttavaṇṇanā
৩৩. ছট্ঠে ভদ্দকেন চ সীলেনাতি কাযসুচরিতাদিচতুপারিসুদ্ধিসীলেন। তঞ্হি অখণ্ডাদিসীলভাৰেন সযঞ্চ কল্যাণং, সমথৰিপস্সনাদিকল্যাণগুণাৰহং চাতি ‘‘ভদ্দক’’ন্তি ৰুচ্চতি। ভদ্দিকায চ দিট্ঠিযাতি কম্মস্সকতাঞাণেন চেৰ কম্মপথসম্মাদিট্ঠিযা চ। তত্থ ভদ্দকেন সীলেন পযোগসম্পন্নো হোতি, ভদ্দিকায দিট্ঠিযা আসযসম্পন্নো। ইতি পযোগাসযসম্পন্নো পুগ্গলো সগ্গূপগো হোতি। তেন ৰুত্তং – ‘‘ইমেহি, খো, ভিক্খৰে, দ্ৰীহি ধম্মেহি সমন্নাগতো পুগ্গলো যথাভতং নিক্খিত্তো, এৰং সগ্গে’’তি। সপ্পঞ্ঞোতি পঞ্ঞৰা। সেসং সুৰিঞ্ঞেয্যমেৰ।
33. Chaṭṭhe bhaddakena ca sīlenāti kāyasucaritādicatupārisuddhisīlena. Tañhi akhaṇḍādisīlabhāvena sayañca kalyāṇaṃ, samathavipassanādikalyāṇaguṇāvahaṃ cāti ‘‘bhaddaka’’nti vuccati. Bhaddikāya ca diṭṭhiyāti kammassakatāñāṇena ceva kammapathasammādiṭṭhiyā ca. Tattha bhaddakena sīlena payogasampanno hoti, bhaddikāya diṭṭhiyā āsayasampanno. Iti payogāsayasampanno puggalo saggūpago hoti. Tena vuttaṃ – ‘‘imehi, kho, bhikkhave, dvīhi dhammehi samannāgato puggalo yathābhataṃ nikkhitto, evaṃ sagge’’ti. Sappaññoti paññavā. Sesaṃ suviññeyyameva.
ছট্ঠসুত্তৰণ্ণনা নিট্ঠিতা।
Chaṭṭhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / ইতিৰুত্তকপাল়ি • Itivuttakapāḷi / ৬. দুতিযসীলসুত্তং • 6. Dutiyasīlasuttaṃ
