| Library / Tipiṭaka / तिपिटक • Tipiṭaka / इतिवुत्तक-अट्ठकथा • Itivuttaka-aṭṭhakathā |
६. दुतियसीलसुत्तवण्णना
6. Dutiyasīlasuttavaṇṇanā
३३. छट्ठे भद्दकेन च सीलेनाति कायसुचरितादिचतुपारिसुद्धिसीलेन। तञ्हि अखण्डादिसीलभावेन सयञ्च कल्याणं, समथविपस्सनादिकल्याणगुणावहं चाति ‘‘भद्दक’’न्ति वुच्चति। भद्दिकाय च दिट्ठियाति कम्मस्सकताञाणेन चेव कम्मपथसम्मादिट्ठिया च। तत्थ भद्दकेन सीलेन पयोगसम्पन्नो होति, भद्दिकाय दिट्ठिया आसयसम्पन्नो। इति पयोगासयसम्पन्नो पुग्गलो सग्गूपगो होति। तेन वुत्तं – ‘‘इमेहि, खो, भिक्खवे, द्वीहि धम्मेहि समन्नागतो पुग्गलो यथाभतं निक्खित्तो, एवं सग्गे’’ति। सप्पञ्ञोति पञ्ञवा। सेसं सुविञ्ञेय्यमेव।
33. Chaṭṭhe bhaddakena ca sīlenāti kāyasucaritādicatupārisuddhisīlena. Tañhi akhaṇḍādisīlabhāvena sayañca kalyāṇaṃ, samathavipassanādikalyāṇaguṇāvahaṃ cāti ‘‘bhaddaka’’nti vuccati. Bhaddikāya ca diṭṭhiyāti kammassakatāñāṇena ceva kammapathasammādiṭṭhiyā ca. Tattha bhaddakena sīlena payogasampanno hoti, bhaddikāya diṭṭhiyā āsayasampanno. Iti payogāsayasampanno puggalo saggūpago hoti. Tena vuttaṃ – ‘‘imehi, kho, bhikkhave, dvīhi dhammehi samannāgato puggalo yathābhataṃ nikkhitto, evaṃ sagge’’ti. Sappaññoti paññavā. Sesaṃ suviññeyyameva.
छट्ठसुत्तवण्णना निट्ठिता।
Chaṭṭhasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / इतिवुत्तकपाळि • Itivuttakapāḷi / ६. दुतियसीलसुत्तं • 6. Dutiyasīlasuttaṃ
