| Library / Tipiṭaka / තිපිටක • Tipiṭaka / ඉතිවුත්‌තක-අට්‌ඨකථා • Itivuttaka-aṭṭhakathā |
6. දුතියසීලසුත්‌තවණ්‌ණනා
6. Dutiyasīlasuttavaṇṇanā
33. ඡට්‌ඨෙ භද්‌දකෙන ච සීලෙනාති කායසුචරිතාදිචතුපාරිසුද්‌ධිසීලෙන. තඤ්‌හි අඛණ්‌ඩාදිසීලභාවෙන සයඤ්‌ච කල්‍යාණං, සමථවිපස්‌සනාදිකල්‍යාණගුණාවහං චාති ‘‘භද්‌දක’’න්‌ති වුච්‌චති. භද්‌දිකාය ච දිට්‌ඨියාති කම්‌මස්‌සකතාඤාණෙන චෙව කම්‌මපථසම්‌මාදිට්‌ඨියා ච. තත්‌ථ භද්‌දකෙන සීලෙන පයොගසම්‌පන්‌නො හොති, භද්‌දිකාය දිට්‌ඨියා ආසයසම්‌පන්‌නො. ඉති පයොගාසයසම්‌පන්‌නො පුග්‌ගලො සග්‌ගූපගො හොති. තෙන වුත්‌තං – ‘‘ඉමෙහි, ඛො, භික්‌ඛවෙ, ද්‌වීහි ධම්‌මෙහි සමන්‌නාගතො පුග්‌ගලො යථාභතං නික්‌ඛිත්‌තො, එවං සග්‌ගෙ’’ති. සප්‌පඤ්‌ඤොති පඤ්‌ඤවා. සෙසං සුවිඤ්‌ඤෙය්‍යමෙව.
33. Chaṭṭhe bhaddakena ca sīlenāti kāyasucaritādicatupārisuddhisīlena. Tañhi akhaṇḍādisīlabhāvena sayañca kalyāṇaṃ, samathavipassanādikalyāṇaguṇāvahaṃ cāti ‘‘bhaddaka’’nti vuccati. Bhaddikāya ca diṭṭhiyāti kammassakatāñāṇena ceva kammapathasammādiṭṭhiyā ca. Tattha bhaddakena sīlena payogasampanno hoti, bhaddikāya diṭṭhiyā āsayasampanno. Iti payogāsayasampanno puggalo saggūpago hoti. Tena vuttaṃ – ‘‘imehi, kho, bhikkhave, dvīhi dhammehi samannāgato puggalo yathābhataṃ nikkhitto, evaṃ sagge’’ti. Sappaññoti paññavā. Sesaṃ suviññeyyameva.
ඡට්‌ඨසුත්‌තවණ්‌ණනා නිට්‌ඨිතා.
Chaṭṭhasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / ඛුද්‌දකනිකාය • Khuddakanikāya / ඉතිවුත්‌තකපාළි • Itivuttakapāḷi / 6. දුතියසීලසුත්‌තං • 6. Dutiyasīlasuttaṃ
