| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
১২. দুতিযসিঙ্গালসুত্তং
12. Dutiyasiṅgālasuttaṃ
২৩৪. সাৰত্থিযং ৰিহরতি…পে॰… ‘‘অস্সুত্থ নো তুম্হে, ভিক্খৰে, রত্তিযা পচ্চূসসমযং জরসিঙ্গালস্স ৰস্সমানস্সা’’তি? ‘‘এৰং, ভন্তে’’। ‘‘সিযা খো, ভিক্খৰে, তস্মিং জরসিঙ্গালে যা কাচি কতঞ্ঞুতা কতৰেদিতা, ন ত্ৰেৰ ইধেকচ্চে সক্যপুত্তিযপটিঞ্ঞে সিযা যা কাচি কতঞ্ঞুতা কতৰেদিতা। তস্মাতিহ, ভিক্খৰে, এৰং সিক্খিতব্বং – ‘কতঞ্ঞুনো ভৰিস্সাম কতৰেদিনো; ন চ নো 1 অম্হেসু অপ্পকম্পি কতং নস্সিস্সতী’তি 2। এৰঞ্হি ৰো, ভিক্খৰে, সিক্খিতব্ব’’ন্তি। দ্ৰাদসমং।
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ওপম্মসংযুত্তং সমত্তং।
Opammasaṃyuttaṃ samattaṃ.
তস্সুদ্দানং –
Tassuddānaṃ –
কূটং নখসিখং কুলং, ওক্খা সত্তি ধনুগ্গহো।
Kūṭaṃ nakhasikhaṃ kulaṃ, okkhā satti dhanuggaho;
আণি কলিঙ্গরো নাগো, বিল়ারো দ্ৰে সিঙ্গালকাতি॥
Āṇi kaliṅgaro nāgo, biḷāro dve siṅgālakāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১২. দুতিযসিঙ্গালসুত্তৰণ্ণনা • 12. Dutiyasiṅgālasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১২. দুতিযসিঙ্গালসুত্তৰণ্ণনা • 12. Dutiyasiṅgālasuttavaṇṇanā
