| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౧౨. దుతియసిఙ్గాలసుత్తం
12. Dutiyasiṅgālasuttaṃ
౨౩౪. సావత్థియం విహరతి…పే॰… ‘‘అస్సుత్థ నో తుమ్హే, భిక్ఖవే, రత్తియా పచ్చూససమయం జరసిఙ్గాలస్స వస్సమానస్సా’’తి? ‘‘ఏవం, భన్తే’’. ‘‘సియా ఖో, భిక్ఖవే, తస్మిం జరసిఙ్గాలే యా కాచి కతఞ్ఞుతా కతవేదితా, న త్వేవ ఇధేకచ్చే సక్యపుత్తియపటిఞ్ఞే సియా యా కాచి కతఞ్ఞుతా కతవేదితా. తస్మాతిహ, భిక్ఖవే, ఏవం సిక్ఖితబ్బం – ‘కతఞ్ఞునో భవిస్సామ కతవేదినో; న చ నో 1 అమ్హేసు అప్పకమ్పి కతం నస్సిస్సతీ’తి 2. ఏవఞ్హి వో, భిక్ఖవే, సిక్ఖితబ్బ’’న్తి. ద్వాదసమం.
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ఓపమ్మసంయుత్తం సమత్తం.
Opammasaṃyuttaṃ samattaṃ.
తస్సుద్దానం –
Tassuddānaṃ –
కూటం నఖసిఖం కులం, ఓక్ఖా సత్తి ధనుగ్గహో;
Kūṭaṃ nakhasikhaṃ kulaṃ, okkhā satti dhanuggaho;
ఆణి కలిఙ్గరో నాగో, బిళారో ద్వే సిఙ్గాలకాతి.
Āṇi kaliṅgaro nāgo, biḷāro dve siṅgālakāti.
Footnotes:
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧౨. దుతియసిఙ్గాలసుత్తవణ్ణనా • 12. Dutiyasiṅgālasuttavaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧౨. దుతియసిఙ్గాలసుత్తవణ్ణనా • 12. Dutiyasiṅgālasuttavaṇṇanā
