| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๒. ทุติยสิงฺคาลสุตฺตํ
12. Dutiyasiṅgālasuttaṃ
๒๓๔. สาวตฺถิยํ วิหรติ…เป.… ‘‘อสฺสุตฺถ โน ตุเมฺห, ภิกฺขเว, รตฺติยา ปจฺจูสสมยํ ชรสิงฺคาลสฺส วสฺสมานสฺสา’’ติ? ‘‘เอวํ, ภเนฺต’’ฯ ‘‘สิยา โข, ภิกฺขเว, ตสฺมิํ ชรสิงฺคาเล ยา กาจิ กตญฺญุตา กตเวทิตา, น เตฺวว อิเธกเจฺจ สกฺยปุตฺติยปฎิเญฺญ สิยา ยา กาจิ กตญฺญุตา กตเวทิตาฯ ตสฺมาติห, ภิกฺขเว, เอวํ สิกฺขิตพฺพํ – ‘กตญฺญุโน ภวิสฺสาม กตเวทิโน; น จ โน 1 อเมฺหสุ อปฺปกมฺปิ กตํ นสฺสิสฺสตี’ติ 2ฯ เอวญฺหิ โว, ภิกฺขเว, สิกฺขิตพฺพ’’นฺติฯ ทฺวาทสมํฯ
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
โอปมฺมสํยุตฺตํ สมตฺตํฯ
Opammasaṃyuttaṃ samattaṃ.
ตสฺสุทฺทานํ –
Tassuddānaṃ –
กูฎํ นขสิขํ กุลํ, โอกฺขา สตฺติ ธนุคฺคโห;
Kūṭaṃ nakhasikhaṃ kulaṃ, okkhā satti dhanuggaho;
อาณิ กลิงฺคโร นาโค, พิฬาโร เทฺว สิงฺคาลกาติฯ
Āṇi kaliṅgaro nāgo, biḷāro dve siṅgālakāti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑๒. ทุติยสิงฺคาลสุตฺตวณฺณนา • 12. Dutiyasiṅgālasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๒. ทุติยสิงฺคาลสุตฺตวณฺณนา • 12. Dutiyasiṅgālasuttavaṇṇanā
