| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೨. ದುತಿಯಸಿಙ್ಗಾಲಸುತ್ತಂ
12. Dutiyasiṅgālasuttaṃ
೨೩೪. ಸಾವತ್ಥಿಯಂ ವಿಹರತಿ…ಪೇ॰… ‘‘ಅಸ್ಸುತ್ಥ ನೋ ತುಮ್ಹೇ, ಭಿಕ್ಖವೇ, ರತ್ತಿಯಾ ಪಚ್ಚೂಸಸಮಯಂ ಜರಸಿಙ್ಗಾಲಸ್ಸ ವಸ್ಸಮಾನಸ್ಸಾ’’ತಿ? ‘‘ಏವಂ, ಭನ್ತೇ’’। ‘‘ಸಿಯಾ ಖೋ, ಭಿಕ್ಖವೇ, ತಸ್ಮಿಂ ಜರಸಿಙ್ಗಾಲೇ ಯಾ ಕಾಚಿ ಕತಞ್ಞುತಾ ಕತವೇದಿತಾ, ನ ತ್ವೇವ ಇಧೇಕಚ್ಚೇ ಸಕ್ಯಪುತ್ತಿಯಪಟಿಞ್ಞೇ ಸಿಯಾ ಯಾ ಕಾಚಿ ಕತಞ್ಞುತಾ ಕತವೇದಿತಾ। ತಸ್ಮಾತಿಹ, ಭಿಕ್ಖವೇ, ಏವಂ ಸಿಕ್ಖಿತಬ್ಬಂ – ‘ಕತಞ್ಞುನೋ ಭವಿಸ್ಸಾಮ ಕತವೇದಿನೋ; ನ ಚ ನೋ 1 ಅಮ್ಹೇಸು ಅಪ್ಪಕಮ್ಪಿ ಕತಂ ನಸ್ಸಿಸ್ಸತೀ’ತಿ 2। ಏವಞ್ಹಿ ವೋ, ಭಿಕ್ಖವೇ, ಸಿಕ್ಖಿತಬ್ಬ’’ನ್ತಿ। ದ್ವಾದಸಮಂ।
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ಓಪಮ್ಮಸಂಯುತ್ತಂ ಸಮತ್ತಂ।
Opammasaṃyuttaṃ samattaṃ.
ತಸ್ಸುದ್ದಾನಂ –
Tassuddānaṃ –
ಕೂಟಂ ನಖಸಿಖಂ ಕುಲಂ, ಓಕ್ಖಾ ಸತ್ತಿ ಧನುಗ್ಗಹೋ।
Kūṭaṃ nakhasikhaṃ kulaṃ, okkhā satti dhanuggaho;
ಆಣಿ ಕಲಿಙ್ಗರೋ ನಾಗೋ, ಬಿಳಾರೋ ದ್ವೇ ಸಿಙ್ಗಾಲಕಾತಿ॥
Āṇi kaliṅgaro nāgo, biḷāro dve siṅgālakāti.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧೨. ದುತಿಯಸಿಙ್ಗಾಲಸುತ್ತವಣ್ಣನಾ • 12. Dutiyasiṅgālasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧೨. ದುತಿಯಸಿಙ್ಗಾಲಸುತ್ತವಣ್ಣನಾ • 12. Dutiyasiṅgālasuttavaṇṇanā
