Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya

    12. දුතියසිඞ්‌ගාලසුත්‌තං

    12. Dutiyasiṅgālasuttaṃ

    234. සාවත්‌ථියං විහරති…පෙ.… ‘‘අස්‌සුත්‌ථ නො තුම්‌හෙ, භික්‌ඛවෙ, රත්‌තියා පච්‌චූසසමයං ජරසිඞ්‌ගාලස්‌ස වස්‌සමානස්‌සා’’ති? ‘‘එවං, භන්‌තෙ’’. ‘‘සියා ඛො, භික්‌ඛවෙ, තස්‌මිං ජරසිඞ්‌ගාලෙ යා කාචි කතඤ්‌ඤුතා කතවෙදිතා, න ත්‌වෙව ඉධෙකච්‌චෙ සක්‍යපුත්‌තියපටිඤ්‌ඤෙ සියා යා කාචි කතඤ්‌ඤුතා කතවෙදිතා. තස්‌මාතිහ, භික්‌ඛවෙ, එවං සික්‌ඛිතබ්‌බං – ‘කතඤ්‌ඤුනො භවිස්‌සාම කතවෙදිනො; න ච නො 1 අම්‌හෙසු අප්‌පකම්‌පි කතං නස්‌සිස්‌සතී’ති 2. එවඤ්‌හි වො, භික්‌ඛවෙ, සික්‌ඛිතබ්‌බ’’න්‌ති. ද්‌වාදසමං.

    234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.

    ඔපම්‌මසංයුත්‌තං සමත්‌තං.

    Opammasaṃyuttaṃ samattaṃ.

    තස්‌සුද්‌දානං –

    Tassuddānaṃ –

    කූටං නඛසිඛං කුලං, ඔක්‌ඛා සත්‌ති ධනුග්‌ගහො;

    Kūṭaṃ nakhasikhaṃ kulaṃ, okkhā satti dhanuggaho;

    ආණි කලිඞ්‌ගරො නාගො, බිළාරො ද්‌වෙ සිඞ්‌ගාලකාති.

    Āṇi kaliṅgaro nāgo, biḷāro dve siṅgālakāti.







    Footnotes:
    1. න ච නොති ඉදං සී. පී. පොත්‌ථකෙසු නත්‌ථි
    2. මා නස්‌සිස්‌සතීති (සී. පී.), විනස්‌සිස්‌සතීති (ස්‍යා. කං.)
    3. na ca noti idaṃ sī. pī. potthakesu natthi
    4. mā nassissatīti (sī. pī.), vinassissatīti (syā. kaṃ.)



    Related texts:



    අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 12. දුතියසිඞ්‌ගාලසුත්‌තවණ්‌ණනා • 12. Dutiyasiṅgālasuttavaṇṇanā

    ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 12. දුතියසිඞ්‌ගාලසුත්‌තවණ්‌ණනා • 12. Dutiyasiṅgālasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact