| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༡༢. དུཏིཡསིངྒཱལསུཏྟཾ
12. Dutiyasiṅgālasuttaṃ
༢༣༤. སཱཝཏྠིཡཾ ཝིཧརཏི…པེ॰… ‘‘ཨསྶུཏྠ ནོ ཏུམྷེ, བྷིཀྑཝེ, རཏྟིཡཱ པཙྩཱུསསམཡཾ ཛརསིངྒཱལསྶ ཝསྶམཱནསྶཱ’’ཏི? ‘‘ཨེཝཾ, བྷནྟེ’’། ‘‘སིཡཱ ཁོ, བྷིཀྑཝེ, ཏསྨིཾ ཛརསིངྒཱལེ ཡཱ ཀཱཙི ཀཏཉྙུཏཱ ཀཏཝེདིཏཱ, ན ཏྭེཝ ཨིདྷེཀཙྩེ སཀྱཔུཏྟིཡཔཊིཉྙེ སིཡཱ ཡཱ ཀཱཙི ཀཏཉྙུཏཱ ཀཏཝེདིཏཱ། ཏསྨཱཏིཧ, བྷིཀྑཝེ, ཨེཝཾ སིཀྑིཏབྦཾ – ‘ཀཏཉྙུནོ བྷཝིསྶཱམ ཀཏཝེདིནོ; ན ཙ ནོ 1 ཨམྷེསུ ཨཔྤཀམྤི ཀཏཾ ནསྶིསྶཏཱི’ཏི 2། ཨེཝཉྷི ཝོ, བྷིཀྑཝེ, སིཀྑིཏབྦ’’ནྟི། དྭཱདསམཾ།
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ཨོཔམྨསཾཡུཏྟཾ སམཏྟཾ།
Opammasaṃyuttaṃ samattaṃ.
ཏསྶུདྡཱནཾ –
Tassuddānaṃ –
ཀཱུཊཾ ནཁསིཁཾ ཀུལཾ, ཨོཀྑཱ སཏྟི དྷནུགྒཧོ།
Kūṭaṃ nakhasikhaṃ kulaṃ, okkhā satti dhanuggaho;
ཨཱཎི ཀལིངྒརོ ནཱགོ, བིལཱ༹རོ དྭེ སིངྒཱལཀཱཏི༎
Āṇi kaliṅgaro nāgo, biḷāro dve siṅgālakāti.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༢. དུཏིཡསིངྒཱལསུཏྟཝཎྞནཱ • 12. Dutiyasiṅgālasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༡༢. དུཏིཡསིངྒཱལསུཏྟཝཎྞནཱ • 12. Dutiyasiṅgālasuttavaṇṇanā
