| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൧൨. ദുതിയസിങ്ഗാലസുത്തം
12. Dutiyasiṅgālasuttaṃ
൨൩൪. സാവത്ഥിയം വിഹരതി…പേ॰… ‘‘അസ്സുത്ഥ നോ തുമ്ഹേ, ഭിക്ഖവേ, രത്തിയാ പച്ചൂസസമയം ജരസിങ്ഗാലസ്സ വസ്സമാനസ്സാ’’തി? ‘‘ഏവം, ഭന്തേ’’. ‘‘സിയാ ഖോ, ഭിക്ഖവേ, തസ്മിം ജരസിങ്ഗാലേ യാ കാചി കതഞ്ഞുതാ കതവേദിതാ, ന ത്വേവ ഇധേകച്ചേ സക്യപുത്തിയപടിഞ്ഞേ സിയാ യാ കാചി കതഞ്ഞുതാ കതവേദിതാ. തസ്മാതിഹ, ഭിക്ഖവേ, ഏവം സിക്ഖിതബ്ബം – ‘കതഞ്ഞുനോ ഭവിസ്സാമ കതവേദിനോ; ന ച നോ 1 അമ്ഹേസു അപ്പകമ്പി കതം നസ്സിസ്സതീ’തി 2. ഏവഞ്ഹി വോ, ഭിക്ഖവേ, സിക്ഖിതബ്ബ’’ന്തി. ദ്വാദസമം.
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ഓപമ്മസംയുത്തം സമത്തം.
Opammasaṃyuttaṃ samattaṃ.
തസ്സുദ്ദാനം –
Tassuddānaṃ –
കൂടം നഖസിഖം കുലം, ഓക്ഖാ സത്തി ധനുഗ്ഗഹോ;
Kūṭaṃ nakhasikhaṃ kulaṃ, okkhā satti dhanuggaho;
ആണി കലിങ്ഗരോ നാഗോ, ബിളാരോ ദ്വേ സിങ്ഗാലകാതി.
Āṇi kaliṅgaro nāgo, biḷāro dve siṅgālakāti.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧൨. ദുതിയസിങ്ഗാലസുത്തവണ്ണനാ • 12. Dutiyasiṅgālasuttavaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൨. ദുതിയസിങ്ഗാലസുത്തവണ്ണനാ • 12. Dutiyasiṅgālasuttavaṇṇanā
