| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
12. து³தியஸிங்கா³லஸுத்தவண்ணனா
12. Dutiyasiṅgālasuttavaṇṇanā
234. த்³வாத³ஸமே கதஞ்ஞுதாதி கதஜானநங். கதவேதி³தாதி கதவிஸேஸஜானநங். தத்ரித³ங் ஜரஸிங்கா³லஸ்ஸ கதஞ்ஞுதாய வத்து² – ஸத்த கிர பா⁴தரோ கெ²த்தங் கஸந்தி. தேஸங் ஸப்³ப³கனிட்டோ² கெ²த்தபரியந்தே ட²த்வா கா³வோ ரக்க²தி. அதே²கங் ஜரஸிங்கா³லங் அஜக³ரோ க³ண்ஹி, ஸோ தங் தி³ஸ்வா யட்டி²யா போதெ²த்வா விஸ்ஸஜ்ஜாபேஸி. அஜக³ரோ ஸிங்கா³லங் விஸ்ஸஜ்ஜெத்வா தமேவ க³ண்ஹி. ஸிங்கா³லோ சிந்தேஸி – ‘‘மய்ஹங் இமினா ஜீவிதங் தி³ன்னங், அஹம்பி இமஸ்ஸ த³ஸ்ஸாமீ’’தி யாகு³க⁴டஸ்ஸ உபரி ட²பிதங் வாஸிங் முகே²ன ட³ங்ஸித்வா தஸ்ஸ ஸந்திகங் அக³மாஸி. இதரே பா⁴தரோ தி³ஸ்வா, ‘‘ஸிங்கா³லோ வாஸிங் ஹரதீ’’தி அனுப³ந்தி⁴ங்ஸு. ஸோ தேஹி தி³ட்ட²பா⁴வங் ஞத்வா வாஸிங் தஸ்ஸ ஸந்திகே ச²ட்³டெ³த்வா பலாயி. இதரே ஆக³ந்த்வா கனிட்ட²ங் அஜக³ரேன க³ஹிதங் தி³ஸ்வா வாஸியா அஜக³ரங் சி²ந்தி³த்வா தங் க³ஹெத்வா அக³மங்ஸு. ஏவங் ஜரஸிங்கா³லே ஸியா யா காசி கதஞ்ஞுதா கதவேதி³தா. ஸக்யபுத்தியபடிஞ்ஞேதி இத³ம்பி தே³வத³த்தஸ்ஸ ஆசாரமேவ ஸந்தா⁴ய வுத்தந்தி. த்³வாத³ஸமங்.
234. Dvādasame kataññutāti katajānanaṃ. Kataveditāti katavisesajānanaṃ. Tatridaṃ jarasiṅgālassa kataññutāya vatthu – satta kira bhātaro khettaṃ kasanti. Tesaṃ sabbakaniṭṭho khettapariyante ṭhatvā gāvo rakkhati. Athekaṃ jarasiṅgālaṃ ajagaro gaṇhi, so taṃ disvā yaṭṭhiyā pothetvā vissajjāpesi. Ajagaro siṅgālaṃ vissajjetvā tameva gaṇhi. Siṅgālo cintesi – ‘‘mayhaṃ iminā jīvitaṃ dinnaṃ, ahampi imassa dassāmī’’ti yāgughaṭassa upari ṭhapitaṃ vāsiṃ mukhena ḍaṃsitvā tassa santikaṃ agamāsi. Itare bhātaro disvā, ‘‘siṅgālo vāsiṃ haratī’’ti anubandhiṃsu. So tehi diṭṭhabhāvaṃ ñatvā vāsiṃ tassa santike chaḍḍetvā palāyi. Itare āgantvā kaniṭṭhaṃ ajagarena gahitaṃ disvā vāsiyā ajagaraṃ chinditvā taṃ gahetvā agamaṃsu. Evaṃ jarasiṅgāle siyā yā kāci kataññutā kataveditā. Sakyaputtiyapaṭiññeti idampi devadattassa ācārameva sandhāya vuttanti. Dvādasamaṃ.
ஓபம்மஸங்யுத்தவண்ணனா நிட்டி²தா.
Opammasaṃyuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 12. து³தியஸிங்கா³லஸுத்தங் • 12. Dutiyasiṅgālasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 12. து³தியஸிங்கா³லஸுத்தவண்ணனா • 12. Dutiyasiṅgālasuttavaṇṇanā
