| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੨. ਦੁਤਿਯਸਿਙ੍ਗਾਲਸੁਤ੍ਤવਣ੍ਣਨਾ
12. Dutiyasiṅgālasuttavaṇṇanā
੨੩੪. ਦ੍વਾਦਸਮੇ ਕਤਞ੍ਞੁਤਾਤਿ ਕਤਜਾਨਨਂ। ਕਤવੇਦਿਤਾਤਿ ਕਤવਿਸੇਸਜਾਨਨਂ। ਤਤ੍ਰਿਦਂ ਜਰਸਿਙ੍ਗਾਲਸ੍ਸ ਕਤਞ੍ਞੁਤਾਯ વਤ੍ਥੁ – ਸਤ੍ਤ ਕਿਰ ਭਾਤਰੋ ਖੇਤ੍ਤਂ ਕਸਨ੍ਤਿ। ਤੇਸਂ ਸਬ੍ਬਕਨਿਟ੍ਠੋ ਖੇਤ੍ਤਪਰਿਯਨ੍ਤੇ ਠਤ੍વਾ ਗਾવੋ ਰਕ੍ਖਤਿ। ਅਥੇਕਂ ਜਰਸਿਙ੍ਗਾਲਂ ਅਜਗਰੋ ਗਣ੍ਹਿ, ਸੋ ਤਂ ਦਿਸ੍વਾ ਯਟ੍ਠਿਯਾ ਪੋਥੇਤ੍વਾ વਿਸ੍ਸਜ੍ਜਾਪੇਸਿ। ਅਜਗਰੋ ਸਿਙ੍ਗਾਲਂ વਿਸ੍ਸਜ੍ਜੇਤ੍વਾ ਤਮੇવ ਗਣ੍ਹਿ। ਸਿਙ੍ਗਾਲੋ ਚਿਨ੍ਤੇਸਿ – ‘‘ਮਯ੍ਹਂ ਇਮਿਨਾ ਜੀવਿਤਂ ਦਿਨ੍ਨਂ, ਅਹਮ੍ਪਿ ਇਮਸ੍ਸ ਦਸ੍ਸਾਮੀ’’ਤਿ ਯਾਗੁਘਟਸ੍ਸ ਉਪਰਿ ਠਪਿਤਂ વਾਸਿਂ ਮੁਖੇਨ ਡਂਸਿਤ੍વਾ ਤਸ੍ਸ ਸਨ੍ਤਿਕਂ ਅਗਮਾਸਿ। ਇਤਰੇ ਭਾਤਰੋ ਦਿਸ੍વਾ, ‘‘ਸਿਙ੍ਗਾਲੋ વਾਸਿਂ ਹਰਤੀ’’ਤਿ ਅਨੁਬਨ੍ਧਿਂਸੁ। ਸੋ ਤੇਹਿ ਦਿਟ੍ਠਭਾવਂ ਞਤ੍વਾ વਾਸਿਂ ਤਸ੍ਸ ਸਨ੍ਤਿਕੇ ਛਡ੍ਡੇਤ੍વਾ ਪਲਾਯਿ। ਇਤਰੇ ਆਗਨ੍ਤ੍વਾ ਕਨਿਟ੍ਠਂ ਅਜਗਰੇਨ ਗਹਿਤਂ ਦਿਸ੍વਾ વਾਸਿਯਾ ਅਜਗਰਂ ਛਿਨ੍ਦਿਤ੍વਾ ਤਂ ਗਹੇਤ੍વਾ ਅਗਮਂਸੁ। ਏવਂ ਜਰਸਿਙ੍ਗਾਲੇ ਸਿਯਾ ਯਾ ਕਾਚਿ ਕਤਞ੍ਞੁਤਾ ਕਤવੇਦਿਤਾ। ਸਕ੍ਯਪੁਤ੍ਤਿਯਪਟਿਞ੍ਞੇਤਿ ਇਦਮ੍ਪਿ ਦੇવਦਤ੍ਤਸ੍ਸ ਆਚਾਰਮੇવ ਸਨ੍ਧਾਯ વੁਤ੍ਤਨ੍ਤਿ। ਦ੍વਾਦਸਮਂ।
234. Dvādasame kataññutāti katajānanaṃ. Kataveditāti katavisesajānanaṃ. Tatridaṃ jarasiṅgālassa kataññutāya vatthu – satta kira bhātaro khettaṃ kasanti. Tesaṃ sabbakaniṭṭho khettapariyante ṭhatvā gāvo rakkhati. Athekaṃ jarasiṅgālaṃ ajagaro gaṇhi, so taṃ disvā yaṭṭhiyā pothetvā vissajjāpesi. Ajagaro siṅgālaṃ vissajjetvā tameva gaṇhi. Siṅgālo cintesi – ‘‘mayhaṃ iminā jīvitaṃ dinnaṃ, ahampi imassa dassāmī’’ti yāgughaṭassa upari ṭhapitaṃ vāsiṃ mukhena ḍaṃsitvā tassa santikaṃ agamāsi. Itare bhātaro disvā, ‘‘siṅgālo vāsiṃ haratī’’ti anubandhiṃsu. So tehi diṭṭhabhāvaṃ ñatvā vāsiṃ tassa santike chaḍḍetvā palāyi. Itare āgantvā kaniṭṭhaṃ ajagarena gahitaṃ disvā vāsiyā ajagaraṃ chinditvā taṃ gahetvā agamaṃsu. Evaṃ jarasiṅgāle siyā yā kāci kataññutā kataveditā. Sakyaputtiyapaṭiññeti idampi devadattassa ācārameva sandhāya vuttanti. Dvādasamaṃ.
ਓਪਮ੍ਮਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।
Opammasaṃyuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੨. ਦੁਤਿਯਸਿਙ੍ਗਾਲਸੁਤ੍ਤਂ • 12. Dutiyasiṅgālasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੨. ਦੁਤਿਯਸਿਙ੍ਗਾਲਸੁਤ੍ਤવਣ੍ਣਨਾ • 12. Dutiyasiṅgālasuttavaṇṇanā
