| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༦. དུཏིཡསུཁསུཏྟཾ
6. Dutiyasukhasuttaṃ
༦༦. ཨེཀཾ སམཡཾ ཨཱཡསྨཱ སཱརིཔུཏྟོ མགདྷེསུ ཝིཧརཏི ནཱལཀགཱམཀེ། ཨཐ ཁོ སཱམཎྜཀཱནི པརིབྦཱཛཀོ ཡེནཱཡསྨཱ སཱརིཔུཏྟོ ཏེནུཔསངྐམི; ཨུཔསངྐམིཏྭཱ ཨཱཡསྨཏཱ སཱརིཔུཏྟེན སདྡྷིཾ སམྨོདི། སམྨོདནཱིཡཾ ཀཐཾ སཱརཎཱིཡཾ ཝཱིཏིསཱརེཏྭཱ ཨེཀམནྟཾ ནིསཱིདི། ཨེཀམནྟཾ ནིསིནྣོ ཁོ སཱམཎྜཀཱནི པརིབྦཱཛཀོ ཨཱཡསྨནྟཾ སཱརིཔུཏྟཾ ཨེཏདཝོཙ –
66. Ekaṃ samayaṃ āyasmā sāriputto magadhesu viharati nālakagāmake. Atha kho sāmaṇḍakāni paribbājako yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sāmaṇḍakāni paribbājako āyasmantaṃ sāriputtaṃ etadavoca –
‘‘ཀིཾ ནུ ཁོ, ཨཱཝུསོ, སཱརིཔུཏྟ, ཨིམསྨིཾ དྷམྨཝིནཡེ སུཁཾ, ཀིཾ དུཀྑ’’ནྟི? ‘‘ཨནབྷིརཏི ཁོ, ཨཱཝུསོ, ཨིམསྨིཾ དྷམྨཝིནཡེ དུཀྑཱ, ཨབྷིརཏི སུཁཱ། ཨནབྷིརཏིཡཱ, ཨཱཝུསོ, སཏི ཨིདཾ དུཀྑཾ པཱཊིཀངྑཾ – གཙྪནྟོཔི སུཁཾ སཱཏཾ ནཱདྷིགཙྪཏི, ཋིཏོཔི… ནིསིནྣོཔི… སཡཱནོཔི… གཱམགཏོཔི… ཨརཉྙགཏོཔི… རུཀྑམཱུལགཏོཔི… སུཉྙཱགཱརགཏོཔི… ཨབྦྷོཀཱསགཏོཔི… བྷིཀྑུམཛ྄ཛྷགཏོཔི སུཁཾ སཱཏཾ ནཱདྷིགཙྪཏི། ཨནབྷིརཏིཡཱ, ཨཱཝུསོ, སཏི ཨིདཾ དུཀྑཾ པཱཊིཀངྑཾ།
‘‘Kiṃ nu kho, āvuso, sāriputta, imasmiṃ dhammavinaye sukhaṃ, kiṃ dukkha’’nti? ‘‘Anabhirati kho, āvuso, imasmiṃ dhammavinaye dukkhā, abhirati sukhā. Anabhiratiyā, āvuso, sati idaṃ dukkhaṃ pāṭikaṅkhaṃ – gacchantopi sukhaṃ sātaṃ nādhigacchati, ṭhitopi… nisinnopi… sayānopi… gāmagatopi… araññagatopi… rukkhamūlagatopi… suññāgāragatopi… abbhokāsagatopi… bhikkhumajjhagatopi sukhaṃ sātaṃ nādhigacchati. Anabhiratiyā, āvuso, sati idaṃ dukkhaṃ pāṭikaṅkhaṃ.
‘‘ཨབྷིརཏིཡཱ, ཨཱཝུསོ, སཏི ཨིདཾ སུཁཾ པཱཊིཀངྑཾ – གཙྪནྟོཔི སུཁཾ སཱཏཾ ཨདྷིགཙྪཏི, ཋིཏོཔི… ནིསིནྣོཔི… སཡཱནོཔི… གཱམགཏོཔི… ཨརཉྙགཏོཔི… རུཀྑམཱུལགཏོཔི… སུཉྙཱགཱརགཏོཔི… ཨབྦྷོཀཱསགཏོཔི… བྷིཀྑུམཛ྄ཛྷགཏོཔི སུཁཾ སཱཏཾ ཨདྷིགཙྪཏི། ཨབྷིརཏིཡཱ, ཨཱཝུསོ, སཏི ཨིདཾ སུཁཾ པཱཊིཀངྑ’’ནྟི། ཚཊྛཾ།
‘‘Abhiratiyā, āvuso, sati idaṃ sukhaṃ pāṭikaṅkhaṃ – gacchantopi sukhaṃ sātaṃ adhigacchati, ṭhitopi… nisinnopi… sayānopi… gāmagatopi… araññagatopi… rukkhamūlagatopi… suññāgāragatopi… abbhokāsagatopi… bhikkhumajjhagatopi sukhaṃ sātaṃ adhigacchati. Abhiratiyā, āvuso, sati idaṃ sukhaṃ pāṭikaṅkha’’nti. Chaṭṭhaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༥-༧. པཋམསུཁསུཏྟཱདིཝཎྞནཱ • 5-7. Paṭhamasukhasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཨཝིཛྫཱསུཏྟཱདིཝཎྞནཱ • 1-7. Avijjāsuttādivaṇṇanā
