| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੬. ਦੁਤਿਯਸੁਖਸੁਤ੍ਤਂ
6. Dutiyasukhasuttaṃ
੬੬. ਏਕਂ ਸਮਯਂ ਆਯਸ੍ਮਾ ਸਾਰਿਪੁਤ੍ਤੋ ਮਗਧੇਸੁ વਿਹਰਤਿ ਨਾਲਕਗਾਮਕੇ। ਅਥ ਖੋ ਸਾਮਣ੍ਡਕਾਨਿ ਪਰਿਬ੍ਬਾਜਕੋ ਯੇਨਾਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਆਯਸ੍ਮਤਾ ਸਾਰਿਪੁਤ੍ਤੇਨ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ ਸਾਮਣ੍ਡਕਾਨਿ ਪਰਿਬ੍ਬਾਜਕੋ ਆਯਸ੍ਮਨ੍ਤਂ ਸਾਰਿਪੁਤ੍ਤਂ ਏਤਦવੋਚ –
66. Ekaṃ samayaṃ āyasmā sāriputto magadhesu viharati nālakagāmake. Atha kho sāmaṇḍakāni paribbājako yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sāmaṇḍakāni paribbājako āyasmantaṃ sāriputtaṃ etadavoca –
‘‘ਕਿਂ ਨੁ ਖੋ, ਆવੁਸੋ, ਸਾਰਿਪੁਤ੍ਤ, ਇਮਸ੍ਮਿਂ ਧਮ੍ਮવਿਨਯੇ ਸੁਖਂ, ਕਿਂ ਦੁਕ੍ਖ’’ਨ੍ਤਿ? ‘‘ਅਨਭਿਰਤਿ ਖੋ, ਆવੁਸੋ, ਇਮਸ੍ਮਿਂ ਧਮ੍ਮવਿਨਯੇ ਦੁਕ੍ਖਾ, ਅਭਿਰਤਿ ਸੁਖਾ। ਅਨਭਿਰਤਿਯਾ, ਆવੁਸੋ, ਸਤਿ ਇਦਂ ਦੁਕ੍ਖਂ ਪਾਟਿਕਙ੍ਖਂ – ਗਚ੍ਛਨ੍ਤੋਪਿ ਸੁਖਂ ਸਾਤਂ ਨਾਧਿਗਚ੍ਛਤਿ, ਠਿਤੋਪਿ… ਨਿਸਿਨ੍ਨੋਪਿ… ਸਯਾਨੋਪਿ… ਗਾਮਗਤੋਪਿ… ਅਰਞ੍ਞਗਤੋਪਿ… ਰੁਕ੍ਖਮੂਲਗਤੋਪਿ… ਸੁਞ੍ਞਾਗਾਰਗਤੋਪਿ… ਅਬ੍ਭੋਕਾਸਗਤੋਪਿ… ਭਿਕ੍ਖੁਮਜ੍ਝਗਤੋਪਿ ਸੁਖਂ ਸਾਤਂ ਨਾਧਿਗਚ੍ਛਤਿ। ਅਨਭਿਰਤਿਯਾ, ਆવੁਸੋ, ਸਤਿ ਇਦਂ ਦੁਕ੍ਖਂ ਪਾਟਿਕਙ੍ਖਂ।
‘‘Kiṃ nu kho, āvuso, sāriputta, imasmiṃ dhammavinaye sukhaṃ, kiṃ dukkha’’nti? ‘‘Anabhirati kho, āvuso, imasmiṃ dhammavinaye dukkhā, abhirati sukhā. Anabhiratiyā, āvuso, sati idaṃ dukkhaṃ pāṭikaṅkhaṃ – gacchantopi sukhaṃ sātaṃ nādhigacchati, ṭhitopi… nisinnopi… sayānopi… gāmagatopi… araññagatopi… rukkhamūlagatopi… suññāgāragatopi… abbhokāsagatopi… bhikkhumajjhagatopi sukhaṃ sātaṃ nādhigacchati. Anabhiratiyā, āvuso, sati idaṃ dukkhaṃ pāṭikaṅkhaṃ.
‘‘ਅਭਿਰਤਿਯਾ, ਆવੁਸੋ, ਸਤਿ ਇਦਂ ਸੁਖਂ ਪਾਟਿਕਙ੍ਖਂ – ਗਚ੍ਛਨ੍ਤੋਪਿ ਸੁਖਂ ਸਾਤਂ ਅਧਿਗਚ੍ਛਤਿ, ਠਿਤੋਪਿ… ਨਿਸਿਨ੍ਨੋਪਿ… ਸਯਾਨੋਪਿ… ਗਾਮਗਤੋਪਿ… ਅਰਞ੍ਞਗਤੋਪਿ… ਰੁਕ੍ਖਮੂਲਗਤੋਪਿ… ਸੁਞ੍ਞਾਗਾਰਗਤੋਪਿ… ਅਬ੍ਭੋਕਾਸਗਤੋਪਿ… ਭਿਕ੍ਖੁਮਜ੍ਝਗਤੋਪਿ ਸੁਖਂ ਸਾਤਂ ਅਧਿਗਚ੍ਛਤਿ। ਅਭਿਰਤਿਯਾ, ਆવੁਸੋ, ਸਤਿ ਇਦਂ ਸੁਖਂ ਪਾਟਿਕਙ੍ਖ’’ਨ੍ਤਿ। ਛਟ੍ਠਂ।
‘‘Abhiratiyā, āvuso, sati idaṃ sukhaṃ pāṭikaṅkhaṃ – gacchantopi sukhaṃ sātaṃ adhigacchati, ṭhitopi… nisinnopi… sayānopi… gāmagatopi… araññagatopi… rukkhamūlagatopi… suññāgāragatopi… abbhokāsagatopi… bhikkhumajjhagatopi sukhaṃ sātaṃ adhigacchati. Abhiratiyā, āvuso, sati idaṃ sukhaṃ pāṭikaṅkha’’nti. Chaṭṭhaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫-੭. ਪਠਮਸੁਖਸੁਤ੍ਤਾਦਿવਣ੍ਣਨਾ • 5-7. Paṭhamasukhasuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਅવਿਜ੍ਜਾਸੁਤ੍ਤਾਦਿવਣ੍ਣਨਾ • 1-7. Avijjāsuttādivaṇṇanā
