| Library / Tipiṭaka / ਤਿਪਿਟਕ • Tipiṭaka / વਿਮਾਨવਤ੍ਥੁ-ਅਟ੍ਠਕਥਾ • Vimānavatthu-aṭṭhakathā |
੧੪. ਦੁਤਿਯਸੁਣਿਸਾવਿਮਾਨવਣ੍ਣਨਾ
14. Dutiyasuṇisāvimānavaṇṇanā
ਅਭਿਕ੍ਕਨ੍ਤੇਨ વਣ੍ਣੇਨਾਤਿ ਦੁਤਿਯਸੁਣਿਸਾવਿਮਾਨਂ। ਏਤ੍ਥ ਪਨ ਅਪੁਬ੍ਬਂ ਨਤ੍ਥਿ, ਅਟ੍ਠੁਪ੍ਪਤ੍ਤਿਯਂ ਕੁਮ੍ਮਾਸਦਾਨਮੇવ વਿਸੇਸੋ। ਤੇਨ વੁਤ੍ਤਂ –
Abhikkantenavaṇṇenāti dutiyasuṇisāvimānaṃ. Ettha pana apubbaṃ natthi, aṭṭhuppattiyaṃ kummāsadānameva viseso. Tena vuttaṃ –
੧੧੬.
116.
‘‘ਅਭਿਕ੍ਕਨ੍ਤੇਨ વਣ੍ਣੇਨ, ਯਾ ਤ੍વਂ ਤਿਟ੍ਠਸਿ ਦੇવਤੇ।
‘‘Abhikkantena vaṇṇena, yā tvaṃ tiṭṭhasi devate;
ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ વਿਯ ਤਾਰਕਾ॥
Obhāsentī disā sabbā, osadhī viya tārakā.
੧੧੭.
117.
‘‘ਕੇਨ ਤੇਤਾਦਿਸੋ વਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ।
‘‘Kena tetādiso vaṇṇo, kena te idha mijjhati;
ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca te bhogā, ye keci manaso piyā.
੧੧੮.
118.
‘‘ਪੁਚ੍ਛਾਮਿ ਤਂ ਦੇવਿ ਮਹਾਨੁਭਾવੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ।
‘‘Pucchāmi taṃ devi mahānubhāve, manussabhūtā kimakāsi puññaṃ;
ਕੇਨਾਸਿ ਏવਂ ਜਲਿਤਾਨੁਭਾવਾ, વਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ॥
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
੧੧੯.
119.
‘‘ਸਾ ਦੇવਤਾ ਅਤ੍ਤਮਨਾ, ਮੋਗ੍ਗਲ੍ਲਾਨੇਨ ਪੁਚ੍ਛਿਤਾ।
‘‘Sā devatā attamanā, moggallānena pucchitā;
ਪਞ੍ਹਂ ਪੁਟ੍ਠਾ વਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ’’॥
Pañhaṃ puṭṭhā viyākāsi, yassa kammassidaṃ phalaṃ’’.
੧੨੦.
120.
‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਸੁਣਿਸਾ ਅਹੋਸਿਂ ਸਸੁਰਸ੍ਸ ਗੇਹੇ॥
‘‘Ahaṃ manussesu manussabhūtā, suṇisā ahosiṃ sasurassa gehe.
੧੨੧.
121.
‘‘ਅਦ੍ਦਸਂ વਿਰਜਂ ਭਿਕ੍ਖੁਂ, વਿਪ੍ਪਸਨ੍ਨਮਨਾવਿਲਂ।
‘‘Addasaṃ virajaṃ bhikkhuṃ, vippasannamanāvilaṃ;
ਤਸ੍ਸ ਅਦਾਸਹਂ ਭਾਗਂ, ਪਸਨ੍ਨਾ ਸੇਹਿ ਪਾਣਿਭਿ।
Tassa adāsahaṃ bhāgaṃ, pasannā sehi pāṇibhi;
ਕੁਮ੍ਮਾਸਪਿਣ੍ਡਂ ਦਤ੍વਾਨ, ਮੋਦਾਮਿ ਨਨ੍ਦਨੇ વਨੇ॥
Kummāsapiṇḍaṃ datvāna, modāmi nandane vane.
੧੨੨.
122.
‘‘ਤੇਨ ਮੇਤਾਦਿਸੋ વਣ੍ਣੋ, ਤੇਨ ਮੇ ਇਧ ਮਿਜ੍ਝਤਿ।
‘‘Tena metādiso vaṇṇo, tena me idha mijjhati;
ਉਪ੍ਪਜ੍ਜਨ੍ਤਿ ਚ ਮੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ॥
Uppajjanti ca me bhogā, ye keci manaso piyā.
੧੨੩.
123.
‘‘ਅਕ੍ਖਾਮਿ ਤੇ ਭਿਕ੍ਖੁ ਮਹਾਨੁਭਾવ, ਮਨੁਸ੍ਸਭੂਤਾ ਯਮਕਾਸਿ ਪੁਞ੍ਞਂ।
‘‘Akkhāmi te bhikkhu mahānubhāva, manussabhūtā yamakāsi puññaṃ;
ਤੇਨਮ੍ਹਿ ਏવਂ ਜਲਿਤਾਨੁਭਾવਾ, વਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ॥
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
੧੨੧. ਤਤ੍ਥ ਭਾਗਨ੍ਤਿ ਕੁਮ੍ਮਾਸਕੋਟ੍ਠਾਸਂ। ਤੇਨਾਹ ‘‘ਕੁਮ੍ਮਾਸਪਿਣ੍ਡਂ ਦਤ੍વਾਨਾ’’ਤਿ। ਕੁਮ੍ਮਾਸੋਤਿ ਚ ਯવਕੁਮ੍ਮਾਸੋ વੁਤ੍ਤੋ। ਸੇਸਂ વੁਤ੍ਤਨਯਮੇવ।
121. Tattha bhāganti kummāsakoṭṭhāsaṃ. Tenāha ‘‘kummāsapiṇḍaṃ datvānā’’ti. Kummāsoti ca yavakummāso vutto. Sesaṃ vuttanayameva.
ਦੁਤਿਯਸੁਣਿਸਾવਿਮਾਨવਣ੍ਣਨਾ ਨਿਟ੍ਠਿਤਾ।
Dutiyasuṇisāvimānavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / વਿਮਾਨવਤ੍ਥੁਪਾਲ਼ਿ • Vimānavatthupāḷi / ੧੪. ਦੁਤਿਯਸੁਣਿਸਾવਿਮਾਨવਤ੍ਥੁ • 14. Dutiyasuṇisāvimānavatthu
