| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਦੁਤਿਯਸੂਰਿਯਸੁਤ੍ਤਂ
8. Dutiyasūriyasuttaṃ
੧੧੦੮. ‘‘ਯਾવਕੀવਞ੍ਚ , ਭਿਕ੍ਖવੇ, ਚਨ੍ਦਿਮਸੂਰਿਯਾ ਲੋਕੇ ਨੁਪ੍ਪਜ੍ਜਨ੍ਤਿ, ਨੇવ ਤਾવ ਮਹਤੋ ਆਲੋਕਸ੍ਸ ਪਾਤੁਭਾવੋ ਹੋਤਿ ਮਹਤੋ ਓਭਾਸਸ੍ਸ। ਅਨ੍ਧਤਮਂ ਤਦਾ ਹੋਤਿ ਅਨ੍ਧਕਾਰਤਿਮਿਸਾ । ਨੇવ ਤਾવ ਰਤ੍ਤਿਨ੍ਦਿવਾ 1 ਪਞ੍ਞਾਯਨ੍ਤਿ, ਨ ਮਾਸਦ੍ਧਮਾਸਾ ਪਞ੍ਞਾਯਨ੍ਤਿ, ਨ ਉਤੁਸਂવਚ੍ਛਰਾ ਪਞ੍ਞਾਯਨ੍ਤਿ।
1108. ‘‘Yāvakīvañca , bhikkhave, candimasūriyā loke nuppajjanti, neva tāva mahato ālokassa pātubhāvo hoti mahato obhāsassa. Andhatamaṃ tadā hoti andhakāratimisā . Neva tāva rattindivā 2 paññāyanti, na māsaddhamāsā paññāyanti, na utusaṃvaccharā paññāyanti.
‘‘ਯਤੋ ਚ ਖੋ, ਭਿਕ੍ਖવੇ, ਚਨ੍ਦਿਮਸੂਰਿਯਾ ਲੋਕੇ ਉਪ੍ਪਜ੍ਜਨ੍ਤਿ, ਅਥ ਮਹਤੋ ਆਲੋਕਸ੍ਸ ਪਾਤੁਭਾવੋ ਹੋਤਿ ਮਹਤੋ ਓਭਾਸਸ੍ਸ। ਨੇવ ਅਨ੍ਧਕਾਰਤਮਂ ਤਦਾ ਹੋਤਿ ਨ ਅਨ੍ਧਕਾਰਤਿਮਿਸਾ। ਅਥ ਰਤ੍ਤਿਨ੍ਦਿવਾ ਪਞ੍ਞਾਯਨ੍ਤਿ, ਮਾਸਦ੍ਧਮਾਸਾ ਪਞ੍ਞਾਯਨ੍ਤਿ, ਉਤੁਸਂવਚ੍ਛਰਾ ਪਞ੍ਞਾਯਨ੍ਤਿ। ਏવਮੇવ ਖੋ, ਭਿਕ੍ਖવੇ, ਯਾવਕੀવਞ੍ਚ ਤਥਾਗਤੋ ਲੋਕੇ ਨੁਪ੍ਪਜ੍ਜਤਿ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਨੇવ ਤਾવ ਮਹਤੋ ਆਲੋਕਸ੍ਸ ਪਾਤੁਭਾવੋ ਹੋਤਿ ਮਹਤੋ ਓਭਾਸਸ੍ਸ। ਅਨ੍ਧਤਮਂ ਤਦਾ ਹੋਤਿ ਅਨ੍ਧਕਾਰਤਿਮਿਸਾ। ਨੇવ ਤਾવ ਚਤੁਨ੍ਨਂ ਅਰਿਯਸਚ੍ਚਾਨਂ ਆਚਿਕ੍ਖਣਾ ਹੋਤਿ ਦੇਸਨਾ ਪਞ੍ਞਾਪਨਾ ਪਟ੍ਠਪਨਾ વਿવਰਣਾ વਿਭਜਨਾ ਉਤ੍ਤਾਨੀਕਮ੍ਮਂ।
‘‘Yato ca kho, bhikkhave, candimasūriyā loke uppajjanti, atha mahato ālokassa pātubhāvo hoti mahato obhāsassa. Neva andhakāratamaṃ tadā hoti na andhakāratimisā. Atha rattindivā paññāyanti, māsaddhamāsā paññāyanti, utusaṃvaccharā paññāyanti. Evameva kho, bhikkhave, yāvakīvañca tathāgato loke nuppajjati arahaṃ sammāsambuddho, neva tāva mahato ālokassa pātubhāvo hoti mahato obhāsassa. Andhatamaṃ tadā hoti andhakāratimisā. Neva tāva catunnaṃ ariyasaccānaṃ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṃ.
‘‘ਯਤੋ ਚ ਖੋ, ਭਿਕ੍ਖવੇ, ਤਥਾਗਤੋ ਲੋਕੇ ਉਪ੍ਪਜ੍ਜਤਿ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਅਥ ਮਹਤੋ ਆਲੋਕਸ੍ਸ ਪਾਤੁਭਾવੋ ਹੋਤਿ ਮਹਤੋ ਓਭਾਸਸ੍ਸ। ਨੇવ ਅਨ੍ਧਤਮਂ ਤਦਾ ਹੋਤਿ ਨ ਅਨ੍ਧਕਾਰਤਿਮਿਸਾ। ਅਥ ਖੋ ਚਤੁਨ੍ਨਂ ਅਰਿਯਸਚ੍ਚਾਨਂ ਆਚਿਕ੍ਖਣਾ ਹੋਤਿ ਦੇਸਨਾ ਪਞ੍ਞਾਪਨਾ ਪਟ੍ਠਪਨਾ વਿવਰਣਾ વਿਭਜਨਾ ਉਤ੍ਤਾਨੀਕਮ੍ਮਂ। ਕਤਮੇਸਂ ਚਤੁਨ੍ਨਂ? ਦੁਕ੍ਖਸ੍ਸ ਅਰਿਯਸਚ੍ਚਸ੍ਸ…ਪੇ॰… ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਰਿਯਸਚ੍ਚਸ੍ਸ ।
‘‘Yato ca kho, bhikkhave, tathāgato loke uppajjati arahaṃ sammāsambuddho, atha mahato ālokassa pātubhāvo hoti mahato obhāsassa. Neva andhatamaṃ tadā hoti na andhakāratimisā. Atha kho catunnaṃ ariyasaccānaṃ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa .
‘‘ਤਸ੍ਮਾਤਿਹ, ਭਿਕ੍ਖવੇ, ‘ਇਦਂ ਦੁਕ੍ਖ’ਨ੍ਤਿ ਯੋਗੋ ਕਰਣੀਯੋ…ਪੇ॰… ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਯੋਗੋ ਕਰਣੀਯੋ’’ਤਿ। ਅਟ੍ਠਮਂ।
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Aṭṭhamaṃ.
Footnotes:
