| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. து³தியஸூரியூபமஸுத்தங்
3. Dutiyasūriyūpamasuttaṃ
194. ‘‘ஸூரியஸ்ஸ , பி⁴க்க²வே, உத³யதோ ஏதங் புப்³ப³ங்க³மங் ஏதங் புப்³ப³னிமித்தங், யதி³த³ங் – அருணுக்³க³ங்; ஏவமேவ கோ², பி⁴க்க²வே, பி⁴க்கு²னோ ஸத்தன்னங் பொ³ஜ்ஜ²ங்கா³னங் உப்பாதா³ய ஏதங் புப்³ப³ங்க³மங் ஏதங் புப்³ப³னிமித்தங், யதி³த³ங் – யோனிஸோமனஸிகாரோ. யோனிஸோமனஸிகாரஸம்பன்னஸ்ஸேதங், பி⁴க்க²வே, பி⁴க்கு²னோ பாடிகங்க²ங் – ஸத்த பொ³ஜ்ஜ²ங்கே³ பா⁴வெஸ்ஸதி, ஸத்த பொ³ஜ்ஜ²ங்கே³ ப³ஹுலீகரிஸ்ஸதி.
194. ‘‘Sūriyassa , bhikkhave, udayato etaṃ pubbaṅgamaṃ etaṃ pubbanimittaṃ, yadidaṃ – aruṇuggaṃ; evameva kho, bhikkhave, bhikkhuno sattannaṃ bojjhaṅgānaṃ uppādāya etaṃ pubbaṅgamaṃ etaṃ pubbanimittaṃ, yadidaṃ – yonisomanasikāro. Yonisomanasikārasampannassetaṃ, bhikkhave, bhikkhuno pāṭikaṅkhaṃ – satta bojjhaṅge bhāvessati, satta bojjhaṅge bahulīkarissati.
‘‘கத²ஞ்ச, பி⁴க்க²வே, பி⁴க்கு² யோனிஸோமனஸிகாரஸம்பன்னோ ஸத்த பொ³ஜ்ஜ²ங்கே³ பா⁴வேதி, ஸத்த பொ³ஜ்ஜ²ங்கே³ ப³ஹுலீகரோதி? இத⁴, பி⁴க்க²வே, பி⁴க்கு² ஸதிஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங்…பே॰… உபெக்கா²ஸம்பொ³ஜ்ஜ²ங்க³ங் பா⁴வேதி விவேகனிஸ்ஸிதங் விராக³னிஸ்ஸிதங் நிரோத⁴னிஸ்ஸிதங் வொஸ்ஸக்³க³பரிணாமிங். ஏவங் கோ², பி⁴க்க²வே, பி⁴க்கு² யோனிஸோமனஸிகாரஸம்பன்னோ ஸத்த பொ³ஜ்ஜ²ங்கே³ பா⁴வேதி, ஸத்த பொ³ஜ்ஜ²ங்கே³ ப³ஹுலீகரோதீ’’தி. ததியங்.
‘‘Kathañca, bhikkhave, bhikkhu yonisomanasikārasampanno satta bojjhaṅge bhāveti, satta bojjhaṅge bahulīkaroti? Idha, bhikkhave, bhikkhu satisambojjhaṅgaṃ bhāveti vivekanissitaṃ…pe… upekkhāsambojjhaṅgaṃ bhāveti vivekanissitaṃ virāganissitaṃ nirodhanissitaṃ vossaggapariṇāmiṃ. Evaṃ kho, bhikkhave, bhikkhu yonisomanasikārasampanno satta bojjhaṅge bhāveti, satta bojjhaṅge bahulīkarotī’’ti. Tatiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-3. பாணஸுத்தாதி³வண்ணனா • 1-3. Pāṇasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-3. பாணஸுத்தாதி³வண்ணனா • 1-3. Pāṇasuttādivaṇṇanā
