| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨. ਦੁਤਿਯਸੁਤ੍ਤਨ੍ਤਨਿਦ੍ਦੇਸੋ
2. Dutiyasuttantaniddeso
੧੮੭. ਸਾવਤ੍ਥਿਨਿਦਾਨਂ। ‘‘ਪਞ੍ਚਿਮਾਨਿ, ਭਿਕ੍ਖવੇ, ਇਨ੍ਦ੍ਰਿਯਾਨਿ। ਕਤਮਾਨਿ ਪਞ੍ਚ? ਸਦ੍ਧਿਨ੍ਦ੍ਰਿਯਂ, વੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ , ਪਞ੍ਞਿਨ੍ਦ੍ਰਿਯਂ। ਯੇ ਹਿ ਕੇਚਿ, ਭਿਕ੍ਖવੇ, ਸਮਣਾ વਾ ਬ੍ਰਾਹ੍ਮਣਾ વਾ ਇਮੇਸਂ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯਞ੍ਚ ਅਤ੍ਥਙ੍ਗਮਞ੍ਚ ਅਸ੍ਸਾਦਞ੍ਚ ਆਦੀਨવਞ੍ਚ ਨਿਸ੍ਸਰਣਞ੍ਚ ਯਥਾਭੂਤਂ ਨਪ੍ਪਜਾਨਨ੍ਤਿ, ਨ ਮੇ ਤੇ, ਭਿਕ੍ਖવੇ, ਸਮਣਾ વਾ ਬ੍ਰਾਹ੍ਮਣਾ વਾ ਸਮਣੇਸੁ 1 વਾ ਸਮਣਸਮ੍ਮਤਾ, ਬ੍ਰਾਹ੍ਮਣੇਸੁ વਾ ਬ੍ਰਾਹ੍ਮਣਸਮ੍ਮਤਾ; ਨ ਚ ਪਨੇਤੇ ਆਯਸ੍ਮਨ੍ਤਾ 2 ਸਾਮਞ੍ਞਤ੍ਥਂ વਾ ਬ੍ਰਹ੍ਮਞ੍ਞਤ੍ਥਂ વਾ ਦਿਟ੍ਠੇવ ਧਮ੍ਮੇ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਉਪਸਮ੍ਪਜ੍ਜ વਿਹਰਨ੍ਤਿ। ਯੇ ਚ ਖੋ ਕੇਚਿ 3 ਭਿਕ੍ਖવੇ ਸਮਣਾ વਾ ਬ੍ਰਾਹ੍ਮਣਾ વਾ ਇਮੇਸਂ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯਞ੍ਚ ਅਤ੍ਥਙ੍ਗਮਞ੍ਚ ਅਸ੍ਸਾਦਞ੍ਚ ਆਦੀਨવਞ੍ਚ ਨਿਸ੍ਸਰਣਞ੍ਚ ਯਥਾਭੂਤਂ ਪਜਾਨਨ੍ਤਿ, ਤੇ ਖੋ ਮੇ, ਭਿਕ੍ਖવੇ, ਸਮਣਾ વਾ ਬ੍ਰਾਹ੍ਮਣਾ વਾ ਸਮਣੇਸੁ વਾ ਸਮਣਸਮ੍ਮਤਾ, ਬ੍ਰਾਹ੍ਮਣੇਸੁ વਾ ਬ੍ਰਾਹ੍ਮਣਸਮ੍ਮਤਾ; ਤੇ ਚ ਪਨਾਯਸ੍ਮਨ੍ਤਾ ਸਾਮਞ੍ਞਤ੍ਥਞ੍ਚ ਬ੍ਰਹ੍ਮਞ੍ਞਤ੍ਥਞ੍ਚ ਦਿਟ੍ਠੇવ ਧਮ੍ਮੇ ਸਯਂ ਅਭਿਞ੍ਞਾ ਸਚ੍ਛਿਕਤ੍વਾ ਉਪਸਮ੍ਪਜ੍ਜ વਿਹਰਨ੍ਤੀ’’ਤਿ।
187. Sāvatthinidānaṃ. ‘‘Pañcimāni, bhikkhave, indriyāni. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ , paññindriyaṃ. Ye hi keci, bhikkhave, samaṇā vā brāhmaṇā vā imesaṃ pañcannaṃ indriyānaṃ samudayañca atthaṅgamañca assādañca ādīnavañca nissaraṇañca yathābhūtaṃ nappajānanti, na me te, bhikkhave, samaṇā vā brāhmaṇā vā samaṇesu 4 vā samaṇasammatā, brāhmaṇesu vā brāhmaṇasammatā; na ca panete āyasmantā 5 sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti. Ye ca kho keci 6 bhikkhave samaṇā vā brāhmaṇā vā imesaṃ pañcannaṃ indriyānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānanti, te kho me, bhikkhave, samaṇā vā brāhmaṇā vā samaṇesu vā samaṇasammatā, brāhmaṇesu vā brāhmaṇasammatā; te ca panāyasmantā sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti.
੧੮੮. ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯੋ ਹੋਤਿ; ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯਂ ਪਜਾਨਾਤਿ? ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮੋ ਹੋਤਿ; ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮਂ ਪਜਾਨਾਤਿ? ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦੋ ਹੋਤਿ, ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦਂ ਪਜਾਨਾਤਿ? ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવੋ ਹੋਤਿ; ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવਂ ਪਜਾਨਾਤਿ? ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਹੋਤਿ; ਕਤਿਹਾਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਪਜਾਨਾਤਿ?
188. Katihākārehi pañcannaṃ indriyānaṃ samudayo hoti; katihākārehi pañcannaṃ indriyānaṃ samudayaṃ pajānāti? Katihākārehi pañcannaṃ indriyānaṃ atthaṅgamo hoti; katihākārehi pañcannaṃ indriyānaṃ atthaṅgamaṃ pajānāti? Katihākārehi pañcannaṃ indriyānaṃ assādo hoti, katihākārehi pañcannaṃ indriyānaṃ assādaṃ pajānāti? Katihākārehi pañcannaṃ indriyānaṃ ādīnavo hoti; katihākārehi pañcannaṃ indriyānaṃ ādīnavaṃ pajānāti? Katihākārehi pañcannaṃ indriyānaṃ nissaraṇaṃ hoti; katihākārehi pañcannaṃ indriyānaṃ nissaraṇaṃ pajānāti?
ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯੋ ਹੋਤਿ; ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯਂ ਪਜਾਨਾਤਿ। ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮੋ ਹੋਤਿ; ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮਂ ਪਜਾਨਾਤਿ। ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦੋ ਹੋਤਿ; ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦਂ ਪਜਾਨਾਤਿ। ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવੋ ਹੋਤਿ; ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવਂ ਪਜਾਨਾਤਿ। ਅਸੀਤਿਸਤਂ ਆਕਾਰੇਹਿ 7 ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਹੋਤਿ; ਅਸੀਤਿਸਤਂ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਪਜਾਨਾਤਿ।
Cattārīsāya ākārehi pañcannaṃ indriyānaṃ samudayo hoti; cattārīsāya ākārehi pañcannaṃ indriyānaṃ samudayaṃ pajānāti. Cattārīsāya ākārehi pañcannaṃ indriyānaṃ atthaṅgamo hoti; cattārīsāya ākārehi pañcannaṃ indriyānaṃ atthaṅgamaṃ pajānāti. Pañcavīsatiyā ākārehi pañcannaṃ indriyānaṃ assādo hoti; pañcavīsatiyā ākārehi pañcannaṃ indriyānaṃ assādaṃ pajānāti. Pañcavīsatiyā ākārehi pañcannaṃ indriyānaṃ ādīnavo hoti; pañcavīsatiyā ākārehi pañcannaṃ indriyānaṃ ādīnavaṃ pajānāti. Asītisataṃ ākārehi 8 pañcannaṃ indriyānaṃ nissaraṇaṃ hoti; asītisataṃ ākārehi pañcannaṃ indriyānaṃ nissaraṇaṃ pajānāti.
ਕਤਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯੋ ਹੋਤਿ; ਕਤਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯਂ ਪਜਾਨਾਤਿ? ਅਧਿਮੋਕ੍ਖਤ੍ਥਾਯ ਆવਜ੍ਜਨਾਯ ਸਮੁਦਯੋ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਅਧਿਮੋਕ੍ਖવਸੇਨ ਛਨ੍ਦਸ੍ਸ ਸਮੁਦਯੋ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਅਧਿਮੋਕ੍ਖવਸੇਨ ਮਨਸਿਕਾਰਸ੍ਸ ਸਮੁਦਯੋ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ; ਪਗ੍ਗਹਤ੍ਥਾਯ ਆવਜ੍ਜਨਾਯ ਸਮੁਦਯੋ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਪਗ੍ਗਹવਸੇਨ ਛਨ੍ਦਸ੍ਸ ਸਮੁਦਯੋ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਪਗ੍ਗਹવਸੇਨ ਮਨਸਿਕਾਰਸ੍ਸ ਸਮੁਦਯੋ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, વੀਰਿਯਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ; ਉਪਟ੍ਠਾਨਤ੍ਥਾਯ ਆવਜ੍ਜਨਾਯ ਸਮੁਦਯੋ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਉਪਟ੍ਠਾਨવਸੇਨ ਛਨ੍ਦਸ੍ਸ ਸਮੁਦਯੋ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਉਪਟ੍ਠਾਨવਸੇਨ ਮਨਸਿਕਾਰਸ੍ਸ ਸਮੁਦਯੋ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਸਤਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ; ਅવਿਕ੍ਖੇਪਤ੍ਥਾਯ ਆવਜ੍ਜਨਾਯ ਸਮੁਦਯੋ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਅવਿਕ੍ਖੇਪવਸੇਨ ਛਨ੍ਦਸ੍ਸ ਸਮੁਦਯੋ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਅવਿਕ੍ਖੇਪવਸੇਨ ਮਨਸਿਕਾਰਸ੍ਸ ਸਮੁਦਯੋ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ; ਦਸ੍ਸਨਤ੍ਥਾਯ ਆવਜ੍ਜਨਾਯ ਸਮੁਦਯੋ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਦਸ੍ਸਨવਸੇਨ ਛਨ੍ਦਸ੍ਸ ਸਮੁਦਯੋ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਦਸ੍ਸਨવਸੇਨ ਮਨਸਿਕਾਰਸ੍ਸ ਸਮੁਦਯੋ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ। ਅਧਿਮੋਕ੍ਖਤ੍ਥਾਯ ਆવਜ੍ਜਨਾਯ ਸਮੁਦਯੋ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਪਗ੍ਗਹਤ੍ਥਾਯ ਆવਜ੍ਜਨਾਯ ਸਮੁਦਯੋ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਉਪਟ੍ਠਾਨਤ੍ਥਾਯ ਆવਜ੍ਜਨਾਯ ਸਮੁਦਯੋ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਅવਿਕ੍ਖੇਪਤ੍ਥਾਯ ਆવਜ੍ਜਨਾਯ ਸਮੁਦਯੋ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਦਸ੍ਸਨਤ੍ਥਾਯ ਆવਜ੍ਜਨਾਯ ਸਮੁਦਯੋ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ। ਅਧਿਮੋਕ੍ਖવਸੇਨ ਛਨ੍ਦਸ੍ਸ ਸਮੁਦਯੋ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਪਗ੍ਗਹવਸੇਨ ਛਨ੍ਦਸ੍ਸ ਸਮੁਦਯੋ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਉਪਟ੍ਠਾਨવਸੇਨ ਛਨ੍ਦਸ੍ਸ ਸਮੁਦਯੋ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਅવਿਕ੍ਖੇਪવਸੇਨ ਛਨ੍ਦਸ੍ਸ ਸਮੁਦਯੋ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਦਸ੍ਸਨવਸੇਨ ਛਨ੍ਦਸ੍ਸ ਸਮੁਦਯੋ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ। ਅਧਿਮੋਕ੍ਖવਸੇਨ ਮਨਸਿਕਾਰਸ੍ਸ ਸਮੁਦਯੋ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਪਗ੍ਗਹવਸੇਨ ਮਨਸਿਕਾਰਸ੍ਸ ਸਮੁਦਯੋ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਉਪਟ੍ਠਾਨવਸੇਨ ਮਨਸਿਕਾਰਸ੍ਸ ਸਮੁਦਯੋ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਅવਿਕ੍ਖੇਪવਸੇਨ ਮਨਸਿਕਾਰਸ੍ਸ ਸਮੁਦਯੋ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਦਸ੍ਸਨવਸੇਨ ਮਨਸਿਕਾਰਸ੍ਸ ਸਮੁਦਯੋ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ। ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਸਦ੍ਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ વੀਰਿਯਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਸਤਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ , ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤੁਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਸਮੁਦਯੋ ਹੋਤਿ।
Katamehi cattārīsāya ākārehi pañcannaṃ indriyānaṃ samudayo hoti; katamehi cattārīsāya ākārehi pañcannaṃ indriyānaṃ samudayaṃ pajānāti? Adhimokkhatthāya āvajjanāya samudayo saddhindriyassa samudayo hoti, adhimokkhavasena chandassa samudayo saddhindriyassa samudayo hoti, adhimokkhavasena manasikārassa samudayo saddhindriyassa samudayo hoti, saddhindriyassa vasena ekattupaṭṭhānaṃ saddhindriyassa samudayo hoti; paggahatthāya āvajjanāya samudayo vīriyindriyassa samudayo hoti, paggahavasena chandassa samudayo vīriyindriyassa samudayo hoti, paggahavasena manasikārassa samudayo vīriyindriyassa samudayo hoti, vīriyindriyassa vasena ekattupaṭṭhānaṃ vīriyindriyassa samudayo hoti; upaṭṭhānatthāya āvajjanāya samudayo satindriyassa samudayo hoti, upaṭṭhānavasena chandassa samudayo satindriyassa samudayo hoti, upaṭṭhānavasena manasikārassa samudayo satindriyassa samudayo hoti, satindriyassa vasena ekattupaṭṭhānaṃ satindriyassa samudayo hoti; avikkhepatthāya āvajjanāya samudayo samādhindriyassa samudayo hoti, avikkhepavasena chandassa samudayo samādhindriyassa samudayo hoti, avikkhepavasena manasikārassa samudayo samādhindriyassa samudayo hoti, samādhindriyassa vasena ekattupaṭṭhānaṃ samādhindriyassa samudayo hoti; dassanatthāya āvajjanāya samudayo paññindriyassa samudayo hoti, dassanavasena chandassa samudayo paññindriyassa samudayo hoti, dassanavasena manasikārassa samudayo paññindriyassa samudayo hoti, paññindriyassa vasena ekattupaṭṭhānaṃ paññindriyassa samudayo hoti. Adhimokkhatthāya āvajjanāya samudayo saddhindriyassa samudayo hoti, paggahatthāya āvajjanāya samudayo vīriyindriyassa samudayo hoti, upaṭṭhānatthāya āvajjanāya samudayo satindriyassa samudayo hoti, avikkhepatthāya āvajjanāya samudayo samādhindriyassa samudayo hoti, dassanatthāya āvajjanāya samudayo paññindriyassa samudayo hoti. Adhimokkhavasena chandassa samudayo saddhindriyassa samudayo hoti, paggahavasena chandassa samudayo vīriyindriyassa samudayo hoti, upaṭṭhānavasena chandassa samudayo satindriyassa samudayo hoti, avikkhepavasena chandassa samudayo samādhindriyassa samudayo hoti, dassanavasena chandassa samudayo paññindriyassa samudayo hoti. Adhimokkhavasena manasikārassa samudayo saddhindriyassa samudayo hoti, paggahavasena manasikārassa samudayo vīriyindriyassa samudayo hoti, upaṭṭhānavasena manasikārassa samudayo satindriyassa samudayo hoti, avikkhepavasena manasikārassa samudayo samādhindriyassa samudayo hoti, dassanavasena manasikārassa samudayo paññindriyassa samudayo hoti. Saddhindriyassa vasena ekattupaṭṭhānaṃ saddhindriyassa samudayo hoti vīriyindriyassa vasena ekattupaṭṭhānaṃ vīriyindriyassa samudayo hoti, satindriyassa vasena ekattupaṭṭhānaṃ satindriyassa samudayo hoti, samādhindriyassa vasena ekattupaṭṭhānaṃ samādhindriyassa samudayo hoti , paññindriyassa vasena ekattupaṭṭhānaṃ paññindriyassa samudayo hoti.
ਇਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯੋ ਹੋਤਿ, ਇਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮੁਦਯਂ ਪਜਾਨਾਤਿ।
Imehi cattārīsāya ākārehi pañcannaṃ indriyānaṃ samudayo hoti, imehi cattārīsāya ākārehi pañcannaṃ indriyānaṃ samudayaṃ pajānāti.
ਕਤਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮੋ ਹੋਤਿ; ਕਤਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮਂ ਪਜਾਨਾਤਿ? ਅਧਿਮੋਕ੍ਖਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਸਦ੍ਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਅਧਿਮੋਕ੍ਖવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਸਦ੍ਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਅਧਿਮੋਕ੍ਖવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਸਦ੍ਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ 9 ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਅਤ੍ਥਙ੍ਗਮੋ ਹੋਤਿ; ਪਗ੍ਗਹਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਪਗ੍ਗਹવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਪਗ੍ਗਹવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, વੀਰਿਯਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ; ਉਪਟ੍ਠਾਨਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਉਪਟ੍ਠਾਨવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਉਪਟ੍ਠਾਨવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਸਤਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ; ਅવਿਕ੍ਖੇਪਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਅવਿਕ੍ਖੇਪવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਅવਿਕ੍ਖੇਪવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ; ਦਸ੍ਸਨਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਦਸ੍ਸਨવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਦਸ੍ਸਨવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ।
Katamehi cattārīsāya ākārehi pañcannaṃ indriyānaṃ atthaṅgamo hoti; katamehi cattārīsāya ākārehi pañcannaṃ indriyānaṃ atthaṅgamaṃ pajānāti? Adhimokkhatthāya āvajjanāya atthaṅgamo saddhindriyassa atthaṅgamo hoti, adhimokkhavasena chandassa atthaṅgamo saddhindriyassa atthaṅgamo hoti, adhimokkhavasena manasikārassa atthaṅgamo saddhindriyassa atthaṅgamo hoti, saddhindriyassa vasena ekattaanupaṭṭhānaṃ 10 saddhindriyassa vasena atthaṅgamo hoti; paggahatthāya āvajjanāya atthaṅgamo vīriyindriyassa atthaṅgamo hoti, paggahavasena chandassa atthaṅgamo vīriyindriyassa atthaṅgamo hoti, paggahavasena manasikārassa atthaṅgamo vīriyindriyassa atthaṅgamo hoti, vīriyindriyassa vasena ekattaanupaṭṭhānaṃ vīriyindriyassa atthaṅgamo hoti; upaṭṭhānatthāya āvajjanāya atthaṅgamo satindriyassa atthaṅgamo hoti, upaṭṭhānavasena chandassa atthaṅgamo satindriyassa atthaṅgamo hoti, upaṭṭhānavasena manasikārassa atthaṅgamo satindriyassa atthaṅgamo hoti, satindriyassa vasena ekattaanupaṭṭhānaṃ satindriyassa atthaṅgamo hoti; avikkhepatthāya āvajjanāya atthaṅgamo samādhindriyassa atthaṅgamo hoti, avikkhepavasena chandassa atthaṅgamo samādhindriyassa atthaṅgamo hoti, avikkhepavasena manasikārassa atthaṅgamo samādhindriyassa atthaṅgamo hoti, samādhindriyassa vasena ekattaanupaṭṭhānaṃ samādhindriyassa atthaṅgamo hoti; dassanatthāya āvajjanāya atthaṅgamo paññindriyassa atthaṅgamo hoti, dassanavasena chandassa atthaṅgamo paññindriyassa atthaṅgamo hoti, dassanavasena manasikārassa atthaṅgamo paññindriyassa atthaṅgamo hoti, paññindriyassa vasena ekattaanupaṭṭhānaṃ paññindriyassa atthaṅgamo hoti.
ਅਧਿਮੋਕ੍ਖਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਸਦ੍ਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਪਗ੍ਗਹਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਉਪਟ੍ਠਾਨਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਅવਿਕ੍ਖੇਪਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਦਸ੍ਸਨਤ੍ਥਾਯ ਆવਜ੍ਜਨਾਯ ਅਤ੍ਥਙ੍ਗਮੋ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ। ਅਧਿਮੋਕ੍ਖવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਸਦ੍ਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਪਗ੍ਗਹવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਉਪਟ੍ਠਾਨવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਅવਿਕ੍ਖੇਪવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਦਸ੍ਸਨવਸੇਨ ਛਨ੍ਦਸ੍ਸ ਅਤ੍ਥਙ੍ਗਮੋ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ। ਅਧਿਮੋਕ੍ਖવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਸਦ੍ਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਪਗ੍ਗਹવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਉਪਟ੍ਠਾਨવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਅવਿਕ੍ਖੇਪવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਦਸ੍ਸਨવਸੇਨ ਮਨਸਿਕਾਰਸ੍ਸ ਅਤ੍ਥਙ੍ਗਮੋ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ। ਸਦ੍ਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ ਸਦ੍ਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, વੀਰਿਯਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਸਤਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਸਮਾਧਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ, ਪਞ੍ਞਿਨ੍ਦ੍ਰਿਯਸ੍ਸ વਸੇਨ ਏਕਤ੍ਤਅਨੁਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਅਤ੍ਥਙ੍ਗਮੋ ਹੋਤਿ।
Adhimokkhatthāya āvajjanāya atthaṅgamo saddhindriyassa atthaṅgamo hoti, paggahatthāya āvajjanāya atthaṅgamo vīriyindriyassa atthaṅgamo hoti, upaṭṭhānatthāya āvajjanāya atthaṅgamo satindriyassa atthaṅgamo hoti, avikkhepatthāya āvajjanāya atthaṅgamo samādhindriyassa atthaṅgamo hoti, dassanatthāya āvajjanāya atthaṅgamo paññindriyassa atthaṅgamo hoti. Adhimokkhavasena chandassa atthaṅgamo saddhindriyassa atthaṅgamo hoti, paggahavasena chandassa atthaṅgamo vīriyindriyassa atthaṅgamo hoti, upaṭṭhānavasena chandassa atthaṅgamo satindriyassa atthaṅgamo hoti, avikkhepavasena chandassa atthaṅgamo samādhindriyassa atthaṅgamo hoti, dassanavasena chandassa atthaṅgamo paññindriyassa atthaṅgamo hoti. Adhimokkhavasena manasikārassa atthaṅgamo saddhindriyassa atthaṅgamo hoti, paggahavasena manasikārassa atthaṅgamo vīriyindriyassa atthaṅgamo hoti, upaṭṭhānavasena manasikārassa atthaṅgamo satindriyassa atthaṅgamo hoti, avikkhepavasena manasikārassa atthaṅgamo samādhindriyassa atthaṅgamo hoti, dassanavasena manasikārassa atthaṅgamo paññindriyassa atthaṅgamo hoti. Saddhindriyassa vasena ekattaanupaṭṭhānaṃ saddhindriyassa atthaṅgamo hoti, vīriyindriyassa vasena ekattaanupaṭṭhānaṃ vīriyindriyassa atthaṅgamo hoti, satindriyassa vasena ekattaanupaṭṭhānaṃ satindriyassa atthaṅgamo hoti, samādhindriyassa vasena ekattaanupaṭṭhānaṃ samādhindriyassa atthaṅgamo hoti, paññindriyassa vasena ekattaanupaṭṭhānaṃ paññindriyassa atthaṅgamo hoti.
ਇਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮੋ ਹੋਤਿ; ਇਮੇਹਿ ਚਤ੍ਤਾਰੀਸਾਯ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਤ੍ਥਙ੍ਗਮਂ ਪਜਾਨਾਤਿ।
Imehi cattārīsāya ākārehi pañcannaṃ indriyānaṃ atthaṅgamo hoti; imehi cattārīsāya ākārehi pañcannaṃ indriyānaṃ atthaṅgamaṃ pajānāti.
ਕ. ਅਸ੍ਸਾਦਨਿਦ੍ਦੇਸੋ
Ka. assādaniddeso
੧੮੯. ਕਤਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦੋ ਹੋਤਿ; ਕਤਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦਂ ਪਜਾਨਾਤਿ? ਅਸ੍ਸਦ੍ਧਿਯਸ੍ਸ ਅਨੁਪਟ੍ਠਾਨਂ ਸਦ੍ਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਅਸ੍ਸਦ੍ਧਿਯਪਰਿਲ਼ਾਹਸ੍ਸ ਅਨੁਪਟ੍ਠਾਨਂ ਸਦ੍ਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਅਧਿਮੋਕ੍ਖਚਰਿਯਾਯ વੇਸਾਰਜ੍ਜਂ ਸਦ੍ਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਸਨ੍ਤੋ ਚ વਿਹਾਰਾਧਿਗਮੋ ਸਦ੍ਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਯਂ ਸਦ੍ਧਿਨ੍ਦ੍ਰਿਯਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ ਅਯਂ ਸਦ੍ਧਿਨ੍ਦ੍ਰਿਯਸ੍ਸ ਅਸ੍ਸਾਦੋ।
189. Katamehi pañcavīsatiyā ākārehi pañcannaṃ indriyānaṃ assādo hoti; katamehi pañcavīsatiyā ākārehi pañcannaṃ indriyānaṃ assādaṃ pajānāti? Assaddhiyassa anupaṭṭhānaṃ saddhindriyassa assādo hoti, assaddhiyapariḷāhassa anupaṭṭhānaṃ saddhindriyassa assādo hoti, adhimokkhacariyāya vesārajjaṃ saddhindriyassa assādo hoti, santo ca vihārādhigamo saddhindriyassa assādo hoti, yaṃ saddhindriyaṃ paṭicca uppajjati sukhaṃ somanassaṃ ayaṃ saddhindriyassa assādo.
ਕੋਸਜ੍ਜਸ੍ਸ ਅਨੁਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਕੋਸਜ੍ਜਪਰਿਲ਼ਾਹਸ੍ਸ ਅਨੁਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਪਗ੍ਗਹਚਰਿਯਾਯ વੇਸਾਰਜ੍ਜਂ વੀਰਿਯਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਸਨ੍ਤੋ ਚ વਿਹਾਰਾਧਿਗਮੋ વੀਰਿਯਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਯਂ વੀਰਿਯਿਨ੍ਦ੍ਰਿਯਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ ਅਯਂ વੀਰਿਯਿਨ੍ਦ੍ਰਿਯਸ੍ਸ ਅਸ੍ਸਾਦੋ।
Kosajjassa anupaṭṭhānaṃ vīriyindriyassa assādo hoti, kosajjapariḷāhassa anupaṭṭhānaṃ vīriyindriyassa assādo hoti, paggahacariyāya vesārajjaṃ vīriyindriyassa assādo hoti, santo ca vihārādhigamo vīriyindriyassa assādo hoti, yaṃ vīriyindriyaṃ paṭicca uppajjati sukhaṃ somanassaṃ ayaṃ vīriyindriyassa assādo.
ਪਮਾਦਸ੍ਸ ਅਨੁਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਪਮਾਦਪਰਿਲ਼ਾਹਸ੍ਸ ਅਨੁਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਉਪਟ੍ਠਾਨਚਰਿਯਾਯ વੇਸਾਰਜ੍ਜਂ ਸਤਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਸਨ੍ਤੋ ਚ વਿਹਾਰਾਧਿਗਮੋ ਸਤਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਯਂ ਸਤਿਨ੍ਦ੍ਰਿਯਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ ਅਯਂ ਸਤਿਨ੍ਦ੍ਰਿਯਸ੍ਸ ਅਸ੍ਸਾਦੋ।
Pamādassa anupaṭṭhānaṃ satindriyassa assādo hoti, pamādapariḷāhassa anupaṭṭhānaṃ satindriyassa assādo hoti, upaṭṭhānacariyāya vesārajjaṃ satindriyassa assādo hoti, santo ca vihārādhigamo satindriyassa assādo hoti, yaṃ satindriyaṃ paṭicca uppajjati sukhaṃ somanassaṃ ayaṃ satindriyassa assādo.
ਉਦ੍ਧਚ੍ਚਸ੍ਸ ਅਨੁਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਉਦ੍ਧਚ੍ਚਪਰਿਲ਼ਾਹਸ੍ਸ ਅਨੁਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਅવਿਕ੍ਖੇਪਚਰਿਯਾਯ વੇਸਾਰਜ੍ਜਂ ਸਮਾਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਸਨ੍ਤੋ ਚ વਿਹਾਰਾਧਿਗਮੋ ਸਮਾਧਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਯਂ ਸਮਾਧਿਨ੍ਦ੍ਰਿਯਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ ਅਯਂ ਸਮਾਧਿਨ੍ਦ੍ਰਿਯਸ੍ਸ ਅਸ੍ਸਾਦੋ।
Uddhaccassa anupaṭṭhānaṃ samādhindriyassa assādo hoti, uddhaccapariḷāhassa anupaṭṭhānaṃ samādhindriyassa assādo hoti, avikkhepacariyāya vesārajjaṃ samādhindriyassa assādo hoti, santo ca vihārādhigamo samādhindriyassa assādo hoti, yaṃ samādhindriyaṃ paṭicca uppajjati sukhaṃ somanassaṃ ayaṃ samādhindriyassa assādo.
ਅવਿਜ੍ਜਾਯ ਅਨੁਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਅવਿਜ੍ਜਾਪਰਿਲ਼ਾਹਸ੍ਸ ਅਨੁਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਦਸ੍ਸਨਚਰਿਯਾਯ વੇਸਾਰਜ੍ਜਂ ਪਞ੍ਞਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ , ਸਨ੍ਤੋ ਚ વਿਹਾਰਾਧਿਗਮੋ ਪਞ੍ਞਿਨ੍ਦ੍ਰਿਯਸ੍ਸ ਅਸ੍ਸਾਦੋ ਹੋਤਿ, ਯਂ ਪਞ੍ਞਿਨ੍ਦ੍ਰਿਯਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ ਅਯਂ ਪਞ੍ਞਿਨ੍ਦ੍ਰਿਯਸ੍ਸ ਅਸ੍ਸਾਦੋ।
Avijjāya anupaṭṭhānaṃ paññindriyassa assādo hoti, avijjāpariḷāhassa anupaṭṭhānaṃ paññindriyassa assādo hoti, dassanacariyāya vesārajjaṃ paññindriyassa assādo hoti , santo ca vihārādhigamo paññindriyassa assādo hoti, yaṃ paññindriyaṃ paṭicca uppajjati sukhaṃ somanassaṃ ayaṃ paññindriyassa assādo.
ਇਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦੋ ਹੋਤਿ; ਇਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਅਸ੍ਸਾਦਂ ਪਜਾਨਾਤਿ।
Imehi pañcavīsatiyā ākārehi pañcannaṃ indriyānaṃ assādo hoti; imehi pañcavīsatiyā ākārehi pañcannaṃ indriyānaṃ assādaṃ pajānāti.
ਖ. ਆਦੀਨવਨਿਦ੍ਦੇਸੋ
Kha. ādīnavaniddeso
੧੯੦. ਕਤਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવੋ ਹੋਤਿ; ਕਤਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવਂ ਪਜਾਨਾਤਿ? ਅਸ੍ਸਦ੍ਧਿਯਸ੍ਸ ਉਪਟ੍ਠਾਨਂ ਸਦ੍ਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਸ੍ਸਦ੍ਧਿਯਪਰਿਲ਼ਾਹਸ੍ਸ ਉਪਟ੍ਠਾਨਂ ਸਦ੍ਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਨਿਚ੍ਚਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਦੁਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਨਤ੍ਤਟ੍ਠੇਨ ਸਦ੍ਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ।
190. Katamehi pañcavīsatiyā ākārehi pañcannaṃ indriyānaṃ ādīnavo hoti; katamehi pañcavīsatiyā ākārehi pañcannaṃ indriyānaṃ ādīnavaṃ pajānāti? Assaddhiyassa upaṭṭhānaṃ saddhindriyassa ādīnavo hoti, assaddhiyapariḷāhassa upaṭṭhānaṃ saddhindriyassa ādīnavo hoti, aniccaṭṭhena saddhindriyassa ādīnavo hoti, dukkhaṭṭhena saddhindriyassa ādīnavo hoti, anattaṭṭhena saddhindriyassa ādīnavo hoti.
ਕੋਸਜ੍ਜਸ੍ਸ ਉਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਕੋਸਜ੍ਜਪਰਿਲ਼ਾਹਸ੍ਸ ਉਪਟ੍ਠਾਨਂ વੀਰਿਯਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਨਿਚ੍ਚਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਦੁਕ੍ਖਟ੍ਠੇਨ…ਪੇ॰… ਅਨਤ੍ਤਟ੍ਠੇਨ વੀਰਿਯਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ।
Kosajjassa upaṭṭhānaṃ vīriyindriyassa ādīnavo hoti, kosajjapariḷāhassa upaṭṭhānaṃ vīriyindriyassa ādīnavo hoti, aniccaṭṭhena vīriyindriyassa ādīnavo hoti, dukkhaṭṭhena…pe… anattaṭṭhena vīriyindriyassa ādīnavo hoti.
ਪਮਾਦਸ੍ਸ ਉਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਪਮਾਦਪਰਿਲ਼ਾਹਸ੍ਸ ਉਪਟ੍ਠਾਨਂ ਸਤਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਨਿਚ੍ਚਟ੍ਠੇਨ ਸਤਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਦੁਕ੍ਖਟ੍ਠੇਨ…ਪੇ॰… ਅਨਤ੍ਤਟ੍ਠੇਨ ਸਤਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ।
Pamādassa upaṭṭhānaṃ satindriyassa ādīnavo hoti, pamādapariḷāhassa upaṭṭhānaṃ satindriyassa ādīnavo hoti, aniccaṭṭhena satindriyassa ādīnavo hoti, dukkhaṭṭhena…pe… anattaṭṭhena satindriyassa ādīnavo hoti.
ਉਦ੍ਧਚ੍ਚਸ੍ਸ ਉਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਉਦ੍ਧਚ੍ਚਪਰਿਲ਼ਾਹਸ੍ਸ ਉਪਟ੍ਠਾਨਂ ਸਮਾਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਨਿਚ੍ਚਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਦੁਕ੍ਖਟ੍ਠੇਨ…ਪੇ॰… ਅਨਤ੍ਤਟ੍ਠੇਨ ਸਮਾਧਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ।
Uddhaccassa upaṭṭhānaṃ samādhindriyassa ādīnavo hoti, uddhaccapariḷāhassa upaṭṭhānaṃ samādhindriyassa ādīnavo hoti, aniccaṭṭhena samādhindriyassa ādīnavo hoti, dukkhaṭṭhena…pe… anattaṭṭhena samādhindriyassa ādīnavo hoti.
ਅવਿਜ੍ਜਾਯ ਉਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅવਿਜ੍ਜਾਪਰਿਲ਼ਾਹਸ੍ਸ ਉਪਟ੍ਠਾਨਂ ਪਞ੍ਞਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਨਿਚ੍ਚਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਦੁਕ੍ਖਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ, ਅਨਤ੍ਤਟ੍ਠੇਨ ਪਞ੍ਞਿਨ੍ਦ੍ਰਿਯਸ੍ਸ ਆਦੀਨવੋ ਹੋਤਿ।
Avijjāya upaṭṭhānaṃ paññindriyassa ādīnavo hoti, avijjāpariḷāhassa upaṭṭhānaṃ paññindriyassa ādīnavo hoti, aniccaṭṭhena paññindriyassa ādīnavo hoti, dukkhaṭṭhena paññindriyassa ādīnavo hoti, anattaṭṭhena paññindriyassa ādīnavo hoti.
ਇਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવੋ ਹੋਤਿ; ਇਮੇਹਿ ਪਞ੍ਚવੀਸਤਿਯਾ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਆਦੀਨવਂ ਪਜਾਨਾਤਿ।
Imehi pañcavīsatiyā ākārehi pañcannaṃ indriyānaṃ ādīnavo hoti; imehi pañcavīsatiyā ākārehi pañcannaṃ indriyānaṃ ādīnavaṃ pajānāti.
ਗ. ਨਿਸ੍ਸਰਣਨਿਦ੍ਦੇਸੋ
Ga. nissaraṇaniddeso
੧੯੧. ਕਤਮੇਹਿ ਅਸੀਤਿਸਤਂ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਹੋਤਿ; ਕਤਮੇਹਿ ਅਸੀਤਿਸਤਂ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਪਜਾਨਾਤਿ? ਅਧਿਮੋਕ੍ਖਟ੍ਠੇਨ ਸਦ੍ਧਿਨ੍ਦ੍ਰਿਯਂ ਅਸ੍ਸਦ੍ਧਿਯਾ ਨਿਸ੍ਸਟਂ ਹੋਤਿ, ਅਸ੍ਸਦ੍ਧਿਯਪਰਿਲ਼ਾਹਾ ਨਿਸ੍ਸਟਂ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਨਿਸ੍ਸਟਂ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਨਿਸ੍ਸਟਂ ਹੋਤਿ, ਤਤੋ ਪਣੀਤਤਰਸਦ੍ਧਿਨ੍ਦ੍ਰਿਯਸ੍ਸ ਪਟਿਲਾਭਾ ਪੁਰਿਮਤਰਸਦ੍ਧਿਨ੍ਦ੍ਰਿਯਾ ਨਿਸ੍ਸਟਂ ਹੋਤਿ; ਪਗ੍ਗਹਟ੍ਠੇਨ વੀਰਿਯਿਨ੍ਦ੍ਰਿਯਂ ਕੋਸਜ੍ਜਾ ਨਿਸ੍ਸਟਂ ਹੋਤਿ, ਕੋਸਜ੍ਜਪਰਿਲ਼ਾਹਾ ਨਿਸ੍ਸਟਂ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਨਿਸ੍ਸਟਂ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਨਿਸ੍ਸਟਂ ਹੋਤਿ, ਤਤੋ ਪਣੀਤਤਰવੀਰਿਯਿਨ੍ਦ੍ਰਿਯਸ੍ਸ ਪਟਿਲਾਭਾ ਪੁਰਿਮਤਰવੀਰਿਯਿਨ੍ਦ੍ਰਿਯਾ ਨਿਸ੍ਸਟਂ ਹੋਤਿ; ਉਪਟ੍ਠਾਨਟ੍ਠੇਨ ਸਤਿਨ੍ਦ੍ਰਿਯਂ ਪਮਾਦਾ ਨਿਸ੍ਸਟਂ ਹੋਤਿ, ਪਮਾਦਪਰਿਲ਼ਾਹਾ ਨਿਸ੍ਸਟਂ ਹੋਤਿ , ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਨਿਸ੍ਸਟਂ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਨਿਸ੍ਸਟਂ ਹੋਤਿ, ਤਤੋ ਪਣੀਤਤਰਸਤਿਨ੍ਦ੍ਰਿਯਸ੍ਸ ਪਟਿਲਾਭਾ ਪੁਰਿਮਤਰਸਤਿਨ੍ਦ੍ਰਿਯਾ ਨਿਸ੍ਸਟਂ ਹੋਤਿ; ਅવਿਕ੍ਖੇਪਟ੍ਠੇਨ ਸਮਾਧਿਨ੍ਦ੍ਰਿਯਂ ਉਦ੍ਧਚ੍ਚਾ ਨਿਸ੍ਸਟਂ ਹੋਤਿ, ਉਦ੍ਧਚ੍ਚਪਰਿਲ਼ਾਹਾ ਨਿਸ੍ਸਟਂ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਨਿਸ੍ਸਟਂ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਨਿਸ੍ਸਟਂ ਹੋਤਿ, ਤਤੋ ਪਣੀਤਤਰਸਮਾਧਿਨ੍ਦ੍ਰਿਯਸ੍ਸ ਪਟਿਲਾਭਾ ਪੁਰਿਮਤਰਸਮਾਧਿਨ੍ਦ੍ਰਿਯਾ ਨਿਸ੍ਸਟਂ ਹੋਤਿ; ਦਸ੍ਸਨਟ੍ਠੇਨ ਪਞ੍ਞਿਨ੍ਦ੍ਰਿਯਂ ਅવਿਜ੍ਜਾਯ ਨਿਸ੍ਸਟਂ ਹੋਤਿ, ਅવਿਜ੍ਜਾਪਰਿਲ਼ਾਹਾ ਨਿਸ੍ਸਟਂ ਹੋਤਿ, ਤਦਨੁવਤ੍ਤਕਕਿਲੇਸੇਹਿ ਚ ਖਨ੍ਧੇਹਿ ਚ ਨਿਸ੍ਸਟਂ ਹੋਤਿ, ਬਹਿਦ੍ਧਾ ਚ ਸਬ੍ਬਨਿਮਿਤ੍ਤੇਹਿ ਨਿਸ੍ਸਟਂ ਹੋਤਿ, ਤਤੋ ਪਣੀਤਤਰਪਞ੍ਞਿਨ੍ਦ੍ਰਿਯਸ੍ਸ ਪਟਿਲਾਭਾ ਪੁਰਿਮਤਰਪਞ੍ਞਿਨ੍ਦ੍ਰਿਯਾ ਨਿਸ੍ਸਟਂ ਹੋਤਿ।
191. Katamehi asītisataṃ ākārehi pañcannaṃ indriyānaṃ nissaraṇaṃ hoti; katamehi asītisataṃ ākārehi pañcannaṃ indriyānaṃ nissaraṇaṃ pajānāti? Adhimokkhaṭṭhena saddhindriyaṃ assaddhiyā nissaṭaṃ hoti, assaddhiyapariḷāhā nissaṭaṃ hoti, tadanuvattakakilesehi ca khandhehi ca nissaṭaṃ hoti, bahiddhā ca sabbanimittehi nissaṭaṃ hoti, tato paṇītatarasaddhindriyassa paṭilābhā purimatarasaddhindriyā nissaṭaṃ hoti; paggahaṭṭhena vīriyindriyaṃ kosajjā nissaṭaṃ hoti, kosajjapariḷāhā nissaṭaṃ hoti, tadanuvattakakilesehi ca khandhehi ca nissaṭaṃ hoti, bahiddhā ca sabbanimittehi nissaṭaṃ hoti, tato paṇītataravīriyindriyassa paṭilābhā purimataravīriyindriyā nissaṭaṃ hoti; upaṭṭhānaṭṭhena satindriyaṃ pamādā nissaṭaṃ hoti, pamādapariḷāhā nissaṭaṃ hoti , tadanuvattakakilesehi ca khandhehi ca nissaṭaṃ hoti, bahiddhā ca sabbanimittehi nissaṭaṃ hoti, tato paṇītatarasatindriyassa paṭilābhā purimatarasatindriyā nissaṭaṃ hoti; avikkhepaṭṭhena samādhindriyaṃ uddhaccā nissaṭaṃ hoti, uddhaccapariḷāhā nissaṭaṃ hoti, tadanuvattakakilesehi ca khandhehi ca nissaṭaṃ hoti, bahiddhā ca sabbanimittehi nissaṭaṃ hoti, tato paṇītatarasamādhindriyassa paṭilābhā purimatarasamādhindriyā nissaṭaṃ hoti; dassanaṭṭhena paññindriyaṃ avijjāya nissaṭaṃ hoti, avijjāpariḷāhā nissaṭaṃ hoti, tadanuvattakakilesehi ca khandhehi ca nissaṭaṃ hoti, bahiddhā ca sabbanimittehi nissaṭaṃ hoti, tato paṇītatarapaññindriyassa paṭilābhā purimatarapaññindriyā nissaṭaṃ hoti.
੧੯੨. ਪੁਬ੍ਬਭਾਗੇ ਪਞ੍ਚਹਿ ਇਨ੍ਦ੍ਰਿਯੇਹਿ ਪਠਮਜ੍ਝਾਨવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਪਠਮੇ ਝਾਨੇ ਪਞ੍ਚਹਿਨ੍ਦ੍ਰਿਯੇਹਿ ਦੁਤਿਯਜ੍ਝਾਨવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਦੁਤਿਯੇ ਝਾਨੇ ਪਞ੍ਚਹਿਨ੍ਦ੍ਰਿਯੇਹਿ ਤਤਿਯਜ੍ਝਾਨવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਤਤਿਯੇ ਝਾਨੇ ਪਞ੍ਚਹਿਨ੍ਦ੍ਰਿਯੇਹਿ ਚਤੁਤ੍ਥਜ੍ਝਾਨવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਚਤੁਤ੍ਥੇ ਝਾਨੇ ਪਞ੍ਚਹਿਨ੍ਦ੍ਰਿਯੇਹਿ ਆਕਾਸਾਨਞ੍ਚਾਯਤਨਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ , ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ ਪਞ੍ਚਹਿਨ੍ਦ੍ਰਿਯੇਹਿ વਿਞ੍ਞਾਣਞ੍ਚਾਯਤਨਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, વਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ ਪਞ੍ਚਹਿਨ੍ਦ੍ਰਿਯੇਹਿ ਆਕਿਞ੍ਚਞ੍ਞਾਯਤਨਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ ਪਞ੍ਚਹਿਨ੍ਦ੍ਰਿਯੇਹਿ ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਪਞ੍ਚਹਿਨ੍ਦ੍ਰਿਯੇਹਿ ਅਨਿਚ੍ਚਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ।
192. Pubbabhāge pañcahi indriyehi paṭhamajjhānavasena pañcindriyāni nissaṭāni honti, paṭhame jhāne pañcahindriyehi dutiyajjhānavasena pañcindriyāni nissaṭāni honti, dutiye jhāne pañcahindriyehi tatiyajjhānavasena pañcindriyāni nissaṭāni honti, tatiye jhāne pañcahindriyehi catutthajjhānavasena pañcindriyāni nissaṭāni honti, catutthe jhāne pañcahindriyehi ākāsānañcāyatanasamāpattivasena pañcindriyāni nissaṭāni honti , ākāsānañcāyatanasamāpattiyā pañcahindriyehi viññāṇañcāyatanasamāpattivasena pañcindriyāni nissaṭāni honti, viññāṇañcāyatanasamāpattiyā pañcahindriyehi ākiñcaññāyatanasamāpattivasena pañcindriyāni nissaṭāni honti, ākiñcaññāyatanasamāpattiyā pañcahindriyehi nevasaññānāsaññāyatanasamāpattivasena pañcindriyāni nissaṭāni honti, nevasaññānāsaññāyatanasamāpattiyā pañcahindriyehi aniccānupassanāvasena pañcindriyāni nissaṭāni honti.
ਅਨਿਚ੍ਚਾਨੁਪਸ੍ਸਨਾ ਪਞ੍ਚਹਿਨ੍ਦ੍ਰਿਯੇਹਿ ਦੁਕ੍ਖਾਨੁਪਸ੍ਸਨਾવਸੇ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਦੁਕ੍ਖਾਨੁਪਸ੍ਸਨਾ ਪਞ੍ਚਹਿਨ੍ਦ੍ਰਿਯੇਹਿ ਅਨਤ੍ਤਾਨੁਪਸ੍ਸਨਾવਸੇ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਅਨਤ੍ਤਾਨੁਪਸ੍ਸਨਾ ਪਞ੍ਚਹਿਨ੍ਦ੍ਰਿਯੇਹਿ ਨਿਬ੍ਬਿਦਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਨਿਬ੍ਬਿਦਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ વਿਰਾਗਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, વਿਰਾਗਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਨਿਰੋਧਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਨਿਰੋਧਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਪਟਿਨਿਸ੍ਸਗ੍ਗਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਪਟਿਨਿਸ੍ਸਗ੍ਗਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਖਯਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਖਯਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ વਯਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, વਯਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ વਿਪਰਿਣਾਮਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, વਿਪਰਿਣਾਮਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਅਨਿਮਿਤ੍ਤਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਅਨਿਮਿਤ੍ਤਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਅਪ੍ਪਣਿਹਿਤਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਅਪ੍ਪਣਿਹਿਤਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਸੁਞ੍ਞਤਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ ਸੁਞ੍ਞਤਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਅਧਿਪਞ੍ਞਾਧਮ੍ਮવਿਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ। ਅਧਿਪਞ੍ਞਾਧਮ੍ਮવਿਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਯਥਾਭੂਤਞਾਣਦਸ੍ਸਨવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਯਥਾਭੂਤਞਾਣਦਸ੍ਸਨੇ ਪਞ੍ਚਹਿਨ੍ਦ੍ਰਿਯੇਹਿ ਆਦੀਨવਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਆਦੀਨવਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਪਟਿਸਙ੍ਖਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਪਟਿਸਙ੍ਖਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ વਿવਟ੍ਟਨਾਨੁਪਸ੍ਸਨਾવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ। વਿવਟ੍ਟਨਾਨੁਪਸ੍ਸਨਾਯ ਪਞ੍ਚਹਿਨ੍ਦ੍ਰਿਯੇਹਿ ਸੋਤਾਪਤ੍ਤਿਮਗ੍ਗવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ।
Aniccānupassanā pañcahindriyehi dukkhānupassanāvase pañcindriyāni nissaṭāni honti, dukkhānupassanā pañcahindriyehi anattānupassanāvase pañcindriyāni nissaṭāni honti, anattānupassanā pañcahindriyehi nibbidānupassanāvasena pañcindriyāni nissaṭāni honti, nibbidānupassanāya pañcahindriyehi virāgānupassanāvasena pañcindriyāni nissaṭāni honti, virāgānupassanāya pañcahindriyehi nirodhānupassanāvasena pañcindriyāni nissaṭāni honti, nirodhānupassanāya pañcahindriyehi paṭinissaggānupassanāvasena pañcindriyāni nissaṭāni honti, paṭinissaggānupassanāya pañcahindriyehi khayānupassanāvasena pañcindriyāni nissaṭāni honti, khayānupassanāya pañcahindriyehi vayānupassanāvasena pañcindriyāni nissaṭāni honti, vayānupassanāya pañcahindriyehi vipariṇāmānupassanāvasena pañcindriyāni nissaṭāni honti, vipariṇāmānupassanāya pañcahindriyehi animittānupassanāvasena pañcindriyāni nissaṭāni honti, animittānupassanāya pañcahindriyehi appaṇihitānupassanāvasena pañcindriyāni nissaṭāni honti, appaṇihitānupassanāya pañcahindriyehi suññatānupassanāvasena pañcindriyāni nissaṭāni honti suññatānupassanāya pañcahindriyehi adhipaññādhammavipassanāvasena pañcindriyāni nissaṭāni honti. Adhipaññādhammavipassanāya pañcahindriyehi yathābhūtañāṇadassanavasena pañcindriyāni nissaṭāni honti, yathābhūtañāṇadassane pañcahindriyehi ādīnavānupassanāvasena pañcindriyāni nissaṭāni honti, ādīnavānupassanāya pañcahindriyehi paṭisaṅkhānupassanāvasena pañcindriyāni nissaṭāni honti, paṭisaṅkhānupassanāya pañcahindriyehi vivaṭṭanānupassanāvasena pañcindriyāni nissaṭāni honti. Vivaṭṭanānupassanāya pañcahindriyehi sotāpattimaggavasena pañcindriyāni nissaṭāni honti.
ਸੋਤਾਪਤ੍ਤਿਮਗ੍ਗੇ ਪਞ੍ਚਹਿਨ੍ਦ੍ਰਿਯੇਹਿ ਸੋਤਾਪਤ੍ਤਿਫਲਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਸੋਤਾਪਤ੍ਤਿਫਲਸਮਾਪਤ੍ਤਿਯਾ ਪਞ੍ਚਹਿਨ੍ਦ੍ਰਿਯੇਹਿ ਸਕਦਾਗਾਮਿਮਗ੍ਗવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਸਕਦਾਗਾਮਿਮਗ੍ਗੇ ਪਞ੍ਚਹਿਨ੍ਦ੍ਰਿਯੇਹਿ ਸਕਦਾਗਾਮਿਫਲਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਸਕਦਾਗਾਮਿਫਲਸਮਾਪਤ੍ਤਿਯਾ ਪਞ੍ਚਹਿਨ੍ਦ੍ਰਿਯੇਹਿ ਅਨਾਗਾਮਿਮਗ੍ਗવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਅਨਾਗਾਮਿਮਗ੍ਗੇ ਪਞ੍ਚਹਿਨ੍ਦ੍ਰਿਯੇਹਿ ਅਨਾਗਾਮਿਫਲਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਅਨਾਗਾਮਿਫਲਸਮਾਪਤ੍ਤਿਯਾ ਪਞ੍ਚਹਿਨ੍ਦ੍ਰਿਯੇਹਿ ਅਰਹਤ੍ਤਮਗ੍ਗવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ, ਅਰਹਤ੍ਤਮਗ੍ਗੇ ਪਞ੍ਚਹਿਨ੍ਦ੍ਰਿਯੇਹਿ ਅਰਹਤ੍ਤਫਲਸਮਾਪਤ੍ਤਿવਸੇਨ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਹੋਨ੍ਤਿ।
Sotāpattimagge pañcahindriyehi sotāpattiphalasamāpattivasena pañcindriyāni nissaṭāni honti, sotāpattiphalasamāpattiyā pañcahindriyehi sakadāgāmimaggavasena pañcindriyāni nissaṭāni honti, sakadāgāmimagge pañcahindriyehi sakadāgāmiphalasamāpattivasena pañcindriyāni nissaṭāni honti, sakadāgāmiphalasamāpattiyā pañcahindriyehi anāgāmimaggavasena pañcindriyāni nissaṭāni honti, anāgāmimagge pañcahindriyehi anāgāmiphalasamāpattivasena pañcindriyāni nissaṭāni honti, anāgāmiphalasamāpattiyā pañcahindriyehi arahattamaggavasena pañcindriyāni nissaṭāni honti, arahattamagge pañcahindriyehi arahattaphalasamāpattivasena pañcindriyāni nissaṭāni honti.
ਨੇਕ੍ਖਮ੍ਮੇ ਪਞ੍ਚਿਨ੍ਦ੍ਰਿਯਾਨਿ ਕਾਮਚ੍ਛਨ੍ਦਤੋ ਨਿਸ੍ਸਟਾਨਿ ਹੋਨ੍ਤਿ, ਅਬ੍ਯਾਪਾਦੇ ਪਞ੍ਚਿਨ੍ਦ੍ਰਿਯਾਨਿ ਬ੍ਯਾਪਾਦਤੋ ਨਿਸ੍ਸਟਾਨਿ ਹੋਨ੍ਤਿ, ਆਲੋਕਸਞ੍ਞਾਯ ਪਞ੍ਚਿਨ੍ਦ੍ਰਿਯਾਨਿ ਥਿਨਮਿਦ੍ਧਤੋ ਨਿਸ੍ਸਟਾਨਿ ਹੋਨ੍ਤਿ, ਅવਿਕ੍ਖੇਪੇ ਪਞ੍ਚਿਨ੍ਦ੍ਰਿਯਾਨਿ ਉਦ੍ਧਚ੍ਚਤੋ ਨਿਸ੍ਸਟਾਨਿ ਹੋਨ੍ਤਿ, ਧਮ੍ਮવવਤ੍ਥਾਨੇ ਪਞ੍ਚਿਨ੍ਦ੍ਰਿਯਾਨਿ વਿਚਿਕਿਚ੍ਛਾਯ ਨਿਸ੍ਸਟਾਨਿ ਹੋਨ੍ਤਿ, ਞਾਣੇ ਪਞ੍ਚਿਨ੍ਦ੍ਰਿਯਾਨਿ ਅવਿਜ੍ਜਾਯ ਨਿਸ੍ਸਟਾਨਿ ਹੋਨ੍ਤਿ, ਪਾਮੋਜ੍ਜੇ ਪਞ੍ਚਿਨ੍ਦ੍ਰਿਯਾਨਿ ਅਰਤਿਯਾ ਨਿਸ੍ਸਟਾਨਿ ਹੋਨ੍ਤਿ।
Nekkhamme pañcindriyāni kāmacchandato nissaṭāni honti, abyāpāde pañcindriyāni byāpādato nissaṭāni honti, ālokasaññāya pañcindriyāni thinamiddhato nissaṭāni honti, avikkhepe pañcindriyāni uddhaccato nissaṭāni honti, dhammavavatthāne pañcindriyāni vicikicchāya nissaṭāni honti, ñāṇe pañcindriyāni avijjāya nissaṭāni honti, pāmojje pañcindriyāni aratiyā nissaṭāni honti.
੧੯੩. ਪਠਮੇ ਝਾਨੇ ਪਞ੍ਚਿਨ੍ਦ੍ਰਿਯਾਨਿ ਨੀવਰਣੇਹਿ ਨਿਸ੍ਸਟਾਨਿ ਹੋਨ੍ਤਿ, ਦੁਤਿਯੇ ਝਾਨੇ ਪਞ੍ਚਿਨ੍ਦ੍ਰਿਯਾਨਿ વਿਤਕ੍ਕવਿਚਾਰੇਹਿ ਨਿਸ੍ਸਟਾਨਿ ਹੋਨ੍ਤਿ, ਤਤਿਯੇ ਝਾਨੇ ਪਞ੍ਚਿਨ੍ਦ੍ਰਿਯਾਨਿ ਪੀਤਿਯਾ ਨਿਸ੍ਸਟਾਨਿ ਹੋਨ੍ਤਿ, ਚਤੁਤ੍ਥੇ ਝਾਨੇ ਪਞ੍ਚਿਨ੍ਦ੍ਰਿਯਾਨਿ ਸੁਖਦੁਕ੍ਖੇਹਿ ਨਿਸ੍ਸਟਾਨਿ ਹੋਨ੍ਤਿ, ਆਕਾਸਾਨਞ੍ਚਾਯਤਨਸਮਾਪਤ੍ਤਿਯਾ ਪਞ੍ਚਿਨ੍ਦ੍ਰਿਯਾਨਿ ਰੂਪਸਞ੍ਞਾਯ ਪਟਿਘਸਞ੍ਞਾਯ ਨਾਨਤ੍ਤਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ, વਿਞ੍ਞਾਣਞ੍ਚਾਯਤਨਸਮਾਪਤ੍ਤਿਯਾ ਪਞ੍ਚਿਨ੍ਦ੍ਰਿਯਾਨਿ ਆਕਾਸਾਨਞ੍ਚਾਯਤਨਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ, ਆਕਿਞ੍ਚਞ੍ਞਾਯਤਨਸਮਾਪਤ੍ਤਿਯਾ ਪਞ੍ਚਿਨ੍ਦ੍ਰਿਯਾਨਿ વਿਞ੍ਞਾਣਞ੍ਚਾਯਤਨਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ, ਨੇવਸਞ੍ਞਾਨਾਸਞ੍ਞਾਯਤਨਸਮਾਪਤ੍ਤਿਯਾ ਪਞ੍ਚਿਨ੍ਦ੍ਰਿਯਾਨਿ ਆਕਿਞ੍ਚਞ੍ਞਾਯਤਨਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ।
193. Paṭhame jhāne pañcindriyāni nīvaraṇehi nissaṭāni honti, dutiye jhāne pañcindriyāni vitakkavicārehi nissaṭāni honti, tatiye jhāne pañcindriyāni pītiyā nissaṭāni honti, catutthe jhāne pañcindriyāni sukhadukkhehi nissaṭāni honti, ākāsānañcāyatanasamāpattiyā pañcindriyāni rūpasaññāya paṭighasaññāya nānattasaññāya nissaṭāni honti, viññāṇañcāyatanasamāpattiyā pañcindriyāni ākāsānañcāyatanasaññāya nissaṭāni honti, ākiñcaññāyatanasamāpattiyā pañcindriyāni viññāṇañcāyatanasaññāya nissaṭāni honti, nevasaññānāsaññāyatanasamāpattiyā pañcindriyāni ākiñcaññāyatanasaññāya nissaṭāni honti.
ਅਨਿਚ੍ਚਾਨੁਪਸ੍ਸਨਾ ਪਞ੍ਚਿਨ੍ਦ੍ਰਿਯਾਨਿ ਨਿਚ੍ਚਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ, ਦੁਕ੍ਖਾਨੁਪਸ੍ਸਨਾ ਪਞ੍ਚਿਨ੍ਦ੍ਰਿਯਾਨਿ ਸੁਖਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ, ਅਨਤ੍ਤਾਨੁਪਸ੍ਸਨਾ ਪਞ੍ਚਿਨ੍ਦ੍ਰਿਯਾਨਿ ਅਤ੍ਤਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ, ਨਿਬ੍ਬਿਦਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਨਨ੍ਦਿਯਾ ਨਿਸ੍ਸਟਾਨਿ ਹੋਨ੍ਤਿ, વਿਰਾਗਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਰਾਗਤੋ ਨਿਸ੍ਸਟਾਨਿ ਹੋਨ੍ਤਿ, ਨਿਰੋਧਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਸਮੁਦਯਤੋ ਨਿਸ੍ਸਟਾਨਿ ਹੋਨ੍ਤਿ, ਪਟਿਨਿਸ੍ਸਗ੍ਗਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਆਦਾਨਤੋ ਨਿਸ੍ਸਟਾਨਿ ਹੋਨ੍ਤਿ, ਖਯਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਘਨਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ , વਯਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਆਯੂਹਨਤੋ ਨਿਸ੍ਸਟਾਨਿ ਹੋਨ੍ਤਿ, વਿਪਰਿਣਾਮਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਧੁવਸਞ੍ਞਾਯ ਨਿਸ੍ਸਟਾਨਿ ਹੋਨ੍ਤਿ, ਅਨਿਮਿਤ੍ਤਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਨਿਮਿਤ੍ਤਤੋ ਨਿਸ੍ਸਟਾਨਿ ਹੋਨ੍ਤਿ, ਅਪ੍ਪਣਿਹਿਤਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਪਣਿਧਿਯਾ ਨਿਸ੍ਸਟਾਨਿ ਹੋਨ੍ਤਿ, ਸੁਞ੍ਞਤਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਅਭਿਨਿવੇਸਤੋ ਨਿਸ੍ਸਟਾਨਿ ਹੋਨ੍ਤਿ। ਅਧਿਪਞ੍ਞਾਧਮ੍ਮવਿਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਸਾਰਾਦਾਨਾਭਿਨਿવੇਸਤੋ ਨਿਸ੍ਸਟਾਨਿ ਹੋਨ੍ਤਿ, ਯਥਾਭੂਤਞਾਣਦਸ੍ਸਨੇ ਪਞ੍ਚਿਨ੍ਦ੍ਰਿਯਾਨਿ ਸਮ੍ਮੋਹਾਭਿਨਿવੇਸਤੋ ਨਿਸ੍ਸਟਾਨਿ ਹੋਨ੍ਤਿ, ਆਦੀਨવਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਆਲਯਾਭਿਨਿવੇਸਤੋ ਨਿਸ੍ਸਟਾਨਿ ਹੋਨ੍ਤਿ, ਪਟਿਸਙ੍ਖਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਅਪ੍ਪਟਿਸਙ੍ਖਾਯ ਨਿਸ੍ਸਟਾਨਿ ਹੋਨ੍ਤਿ, વਿવਟ੍ਟਨਾਨੁਪਸ੍ਸਨਾਯ ਪਞ੍ਚਿਨ੍ਦ੍ਰਿਯਾਨਿ ਸਞ੍ਞੋਗਾਭਿਨਿવੇਸਤੋ ਨਿਸ੍ਸਟਾਨਿ ਹੋਨ੍ਤਿ।
Aniccānupassanā pañcindriyāni niccasaññāya nissaṭāni honti, dukkhānupassanā pañcindriyāni sukhasaññāya nissaṭāni honti, anattānupassanā pañcindriyāni attasaññāya nissaṭāni honti, nibbidānupassanāya pañcindriyāni nandiyā nissaṭāni honti, virāgānupassanāya pañcindriyāni rāgato nissaṭāni honti, nirodhānupassanāya pañcindriyāni samudayato nissaṭāni honti, paṭinissaggānupassanāya pañcindriyāni ādānato nissaṭāni honti, khayānupassanāya pañcindriyāni ghanasaññāya nissaṭāni honti , vayānupassanāya pañcindriyāni āyūhanato nissaṭāni honti, vipariṇāmānupassanāya pañcindriyāni dhuvasaññāya nissaṭāni honti, animittānupassanāya pañcindriyāni nimittato nissaṭāni honti, appaṇihitānupassanāya pañcindriyāni paṇidhiyā nissaṭāni honti, suññatānupassanāya pañcindriyāni abhinivesato nissaṭāni honti. Adhipaññādhammavipassanāya pañcindriyāni sārādānābhinivesato nissaṭāni honti, yathābhūtañāṇadassane pañcindriyāni sammohābhinivesato nissaṭāni honti, ādīnavānupassanāya pañcindriyāni ālayābhinivesato nissaṭāni honti, paṭisaṅkhānupassanāya pañcindriyāni appaṭisaṅkhāya nissaṭāni honti, vivaṭṭanānupassanāya pañcindriyāni saññogābhinivesato nissaṭāni honti.
ਸੋਤਾਪਤ੍ਤਿਮਗ੍ਗੇ ਪਞ੍ਚਿਨ੍ਦ੍ਰਿਯਾਨਿ ਦਿਟ੍ਠੇਕਟ੍ਠੇਹਿ ਕਿਲੇਸੇਹਿ ਨਿਸ੍ਸਟਾਨਿ ਹੋਨ੍ਤਿ, ਸਕਦਾਗਾਮਿਮਗ੍ਗੇ ਪਞ੍ਚਿਨ੍ਦ੍ਰਿਯਾਨਿ ਓਲ਼ਾਰਿਕੇਹਿ ਕਿਲੇਸੇਹਿ ਨਿਸ੍ਸਟਾਨਿ ਹੋਨ੍ਤਿ, ਅਨਾਗਾਮਿਮਗ੍ਗੇ ਪਞ੍ਚਿਨ੍ਦ੍ਰਿਯਾਨਿ ਅਨੁਸਹਗਤੇਹਿ ਕਿਲੇਸੇਹਿ ਨਿਸ੍ਸਟਾਨਿ ਹੋਨ੍ਤਿ, ਅਰਹਤ੍ਤਮਗ੍ਗੇ ਪਞ੍ਚਿਨ੍ਦ੍ਰਿਯਾਨਿ ਸਬ੍ਬਕਿਲੇਸੇਹਿ ਨਿਸ੍ਸਟਾਨਿ ਹੋਨ੍ਤਿ, ਸਬ੍ਬੇਸਞ੍ਞੇવ ਖੀਣਾਸવਾਨਂ ਤਤ੍ਥ ਤਤ੍ਥ ਪਞ੍ਚਿਨ੍ਦ੍ਰਿਯਾਨਿ ਨਿਸ੍ਸਟਾਨਿ ਚੇવ ਹੋਨ੍ਤਿ ਸੁਨਿਸ੍ਸਟਾਨਿ ਚ ਪਟਿਪ੍ਪਸ੍ਸਦ੍ਧਾਨਿ ਚ ਸੁਪ੍ਪਟਿਪ੍ਪਸ੍ਸਦ੍ਧਾਨਿ ਚ।
Sotāpattimagge pañcindriyāni diṭṭhekaṭṭhehi kilesehi nissaṭāni honti, sakadāgāmimagge pañcindriyāni oḷārikehi kilesehi nissaṭāni honti, anāgāmimagge pañcindriyāni anusahagatehi kilesehi nissaṭāni honti, arahattamagge pañcindriyāni sabbakilesehi nissaṭāni honti, sabbesaññeva khīṇāsavānaṃ tattha tattha pañcindriyāni nissaṭāni ceva honti sunissaṭāni ca paṭippassaddhāni ca suppaṭippassaddhāni ca.
ਇਮੇਹਿ ਅਸੀਤਿਸਤਂ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਹੋਤਿ; ਇਮੇਹਿ ਅਸੀਤਿਸਤਂ ਆਕਾਰੇਹਿ ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਨਿਸ੍ਸਰਣਂ ਪਜਾਨਾਤਿ।
Imehi asītisataṃ ākārehi pañcannaṃ indriyānaṃ nissaraṇaṃ hoti; imehi asītisataṃ ākārehi pañcannaṃ indriyānaṃ nissaraṇaṃ pajānāti.
ਸੁਤ੍ਤਨ੍ਤਨਿਦ੍ਦੇਸੋ ਦੁਤਿਯੋ।
Suttantaniddeso dutiyo.
ਪਠਮਭਾਣવਾਰੋ।
Paṭhamabhāṇavāro.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨. ਦੁਤਿਯਸੁਤ੍ਤਨ੍ਤਨਿਦ੍ਦੇਸવਣ੍ਣਨਾ • 2. Dutiyasuttantaniddesavaṇṇanā
