| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਦੁਤਿਯਸੁਤ੍ਤਨ੍ਤਨਿਦ੍ਦੇਸੋ
3. Dutiyasuttantaniddeso
੧੪. ਯਂ ਰੂਪਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ, ਅਯਂ ਰੂਪਸ੍ਸ ਅਸ੍ਸਾਦੋਤਿ – ਪਹਾਨਪ੍ਪਟਿવੇਧੋ ਸਮੁਦਯਸਚ੍ਚਂ। ਯਂ ਰੂਪਂ ਅਨਿਚ੍ਚਂ ਤਂ ਦੁਕ੍ਖਂ વਿਪਰਿਣਾਮਧਮ੍ਮਂ, ਅਯਂ ਰੂਪਸ੍ਸ ਆਦੀਨવੋਤਿ – ਪਰਿਞ੍ਞਾਪਟਿવੇਧੋ ਦੁਕ੍ਖਸਚ੍ਚਂ। ਯੋ ਰੂਪਸ੍ਮਿਂ ਛਨ੍ਦਰਾਗવਿਨਯੋ ਛਨ੍ਦਰਾਗਪ੍ਪਹਾਨਂ, ਇਦਂ ਰੂਪਸ੍ਸ ਨਿਸ੍ਸਰਣਨ੍ਤਿ – ਸਚ੍ਛਿਕਿਰਿਯਾਪਟਿવੇਧੋ ਨਿਰੋਧਸਚ੍ਚਂ। ਯਾ ਇਮੇਸੁ ਤੀਸੁ ਠਾਨੇਸੁ ਦਿਟ੍ਠਿ ਸਙ੍ਕਪ੍ਪੋ વਾਚਾ ਕਮ੍ਮਨ੍ਤੋ ਆਜੀવੋ વਾਯਾਮੋ ਸਤਿ ਸਮਾਧਿ – ਭਾવਨਾਪਟਿવੇਧੋ ਮਗ੍ਗਸਚ੍ਚਂ।
14. Yaṃ rūpaṃ paṭicca uppajjati sukhaṃ somanassaṃ, ayaṃ rūpassa assādoti – pahānappaṭivedho samudayasaccaṃ. Yaṃ rūpaṃ aniccaṃ taṃ dukkhaṃ vipariṇāmadhammaṃ, ayaṃ rūpassa ādīnavoti – pariññāpaṭivedho dukkhasaccaṃ. Yo rūpasmiṃ chandarāgavinayo chandarāgappahānaṃ, idaṃ rūpassa nissaraṇanti – sacchikiriyāpaṭivedho nirodhasaccaṃ. Yā imesu tīsu ṭhānesu diṭṭhi saṅkappo vācā kammanto ājīvo vāyāmo sati samādhi – bhāvanāpaṭivedho maggasaccaṃ.
ਯਂ વੇਦਨਂ ਪਟਿਚ੍ਚ…ਪੇ॰… ਯਂ ਸਞ੍ਞਂ ਪਟਿਚ੍ਚ… ਯਂ ਸਙ੍ਖਾਰੇ ਪਟਿਚ੍ਚ… ਯਂ વਿਞ੍ਞਾਣਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਂ ਸੋਮਨਸ੍ਸਂ, ਅਯਂ વਿਞ੍ਞਾਣਸ੍ਸ ਅਸ੍ਸਾਦੋਤਿ – ਪਹਾਨਪ੍ਪਟਿવੇਧੋ ਸਮੁਦਯਸਚ੍ਚਂ। ਯਂ વਿਞ੍ਞਾਣਂ ਅਨਿਚ੍ਚਂ ਤਂ ਦੁਕ੍ਖਂ વਿਪਰਿਣਾਮਧਮ੍ਮਂ, ਅਯਂ વਿਞ੍ਞਾਣਸ੍ਸ ਆਦੀਨવੋਤਿ – ਪਰਿਞ੍ਞਾਪਟਿવੇਧੋ ਦੁਕ੍ਖਸਚ੍ਚਂ। ਯੋ વਿਞ੍ਞਾਣਸ੍ਮਿਂ ਛਨ੍ਦਰਾਗવਿਨਯੋ ਛਨ੍ਦਰਾਗਪ੍ਪਹਾਨਂ, ਇਦਂ વਿਞ੍ਞਾਣਸ੍ਸ ਨਿਸ੍ਸਰਣਨ੍ਤਿ – ਸਚ੍ਛਿਕਿਰਿਯਾਪਟਿવੇਧੋ ਨਿਰੋਧਸਚ੍ਚਂ। ਯਾ ਇਮੇਸੁ ਤੀਸੁ ਠਾਨੇਸੁ ਦਿਟ੍ਠਿ ਸਙ੍ਕਪ੍ਪੋ વਾਚਾ ਕਮ੍ਮਨ੍ਤੋ ਆਜੀવੋ વਾਯਾਮੋ ਸਤਿ ਸਮਾਧਿ – ਭਾવਨਾਪਟਿવੇਧੋ ਮਗ੍ਗਸਚ੍ਚਂ।
Yaṃ vedanaṃ paṭicca…pe… yaṃ saññaṃ paṭicca… yaṃ saṅkhāre paṭicca… yaṃ viññāṇaṃ paṭicca uppajjati sukhaṃ somanassaṃ, ayaṃ viññāṇassa assādoti – pahānappaṭivedho samudayasaccaṃ. Yaṃ viññāṇaṃ aniccaṃ taṃ dukkhaṃ vipariṇāmadhammaṃ, ayaṃ viññāṇassa ādīnavoti – pariññāpaṭivedho dukkhasaccaṃ. Yo viññāṇasmiṃ chandarāgavinayo chandarāgappahānaṃ, idaṃ viññāṇassa nissaraṇanti – sacchikiriyāpaṭivedho nirodhasaccaṃ. Yā imesu tīsu ṭhānesu diṭṭhi saṅkappo vācā kammanto ājīvo vāyāmo sati samādhi – bhāvanāpaṭivedho maggasaccaṃ.
੧੫. ਸਚ੍ਚਨ੍ਤਿ ਕਤਿਹਾਕਾਰੇਹਿ ਸਚ੍ਚਂ? ਏਸਨਟ੍ਠੇਨ , ਪਰਿਗ੍ਗਹਟ੍ਠੇਨ, ਪਟਿવੇਧਟ੍ਠੇਨ। ਕਥਂ ਏਸਨਟ੍ਠੇਨ ਸਚ੍ਚਂ? ਜਰਾਮਰਣਂ ਕਿਂਨਿਦਾਨਂ, ਕਿਂਸਮੁਦਯਂ, ਕਿਂਜਾਤਿਕਂ, ਕਿਂਪਭવਨ੍ਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਜਰਾਮਰਣਂ ਜਾਤਿਨਿਦਾਨਂ, ਜਾਤਿਸਮੁਦਯਂ, ਜਾਤਿਜਾਤਿਕਂ, ਜਾਤਿਪ੍ਪਭવਨ੍ਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਜਰਾਮਰਣਞ੍ਚ ਪਜਾਨਾਤਿ, ਜਰਾਮਰਣਸਮੁਦਯਞ੍ਚ ਪਜਾਨਾਤਿ, ਜਰਾਮਰਣਨਿਰੋਧਞ੍ਚ ਪਜਾਨਾਤਿ, ਜਰਾਮਰਣਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
15.Saccanti katihākārehi saccaṃ? Esanaṭṭhena , pariggahaṭṭhena, paṭivedhaṭṭhena. Kathaṃ esanaṭṭhena saccaṃ? Jarāmaraṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavanti – evaṃ esanaṭṭhena saccaṃ. Jarāmaraṇaṃ jātinidānaṃ, jātisamudayaṃ, jātijātikaṃ, jātippabhavanti – evaṃ pariggahaṭṭhena saccaṃ. Jarāmaraṇañca pajānāti, jarāmaraṇasamudayañca pajānāti, jarāmaraṇanirodhañca pajānāti, jarāmaraṇanirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਜਾਤਿ ਕਿਂਨਿਦਾਨਾ, ਕਿਂਸਮੁਦਯਾ, ਕਿਂਜਾਤਿਕਾ, ਕਿਂਪਭવਾਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਜਾਤਿ ਭવਨਿਦਾਨਾ, ਭવਸਮੁਦਯਾ, ਭવਜਾਤਿਕਾ, ਭવਪ੍ਪਭવਾਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਜਾਤਿਞ੍ਚ ਪਜਾਨਾਤਿ, ਜਾਤਿਸਮੁਦਯਞ੍ਚ ਪਜਾਨਾਤਿ, ਜਾਤਿਨਿਰੋਧਞ੍ਚ ਪਜਾਨਾਤਿ, ਜਾਤਿਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Jāti kiṃnidānā, kiṃsamudayā, kiṃjātikā, kiṃpabhavāti – evaṃ esanaṭṭhena saccaṃ. Jāti bhavanidānā, bhavasamudayā, bhavajātikā, bhavappabhavāti – evaṃ pariggahaṭṭhena saccaṃ. Jātiñca pajānāti, jātisamudayañca pajānāti, jātinirodhañca pajānāti, jātinirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਭવੋ ਕਿਂਨਿਦਾਨੋ, ਕਿਂਸਮੁਦਯੋ, ਕਿਂਜਾਤਿਕੋ, ਕਿਂਪਭવੋਤਿ – ਏવਂ ਏਸਨਟ੍ਠੇਨ ਸਚ੍ਚਂ । ਭવੋ ਉਪਾਦਾਨਨਿਦਾਨੋ, ਉਪਾਦਾਨਸਮੁਦਯੋ, ਉਪਾਦਾਨਜਾਤਿਕੋ, ਉਪਾਦਾਨਪ੍ਪਭવੋਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਭવਂ ਚ ਪਜਾਨਾਤਿ, ਭવਸਮੁਦਯਞ੍ਚ ਪਜਾਨਾਤਿ, ਭવਨਿਰੋਧਞ੍ਚ ਪਜਾਨਾਤਿ, ਭવਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Bhavo kiṃnidāno, kiṃsamudayo, kiṃjātiko, kiṃpabhavoti – evaṃ esanaṭṭhena saccaṃ . Bhavo upādānanidāno, upādānasamudayo, upādānajātiko, upādānappabhavoti – evaṃ pariggahaṭṭhena saccaṃ. Bhavaṃ ca pajānāti, bhavasamudayañca pajānāti, bhavanirodhañca pajānāti, bhavanirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਉਪਾਦਾਨਂ ਕਿਂਨਿਦਾਨਂ, ਕਿਂਸਮੁਦਯਂ, ਕਿਂਜਾਤਿਕਂ, ਕਿਂਪਭવਨ੍ਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਉਪਾਦਾਨਂ ਤਣ੍ਹਾਨਿਦਾਨਂ, ਤਣ੍ਹਾਸਮੁਦਯਂ, ਤਣ੍ਹਾਜਾਤਿਕਂ, ਤਣ੍ਹਾਪਭવਨ੍ਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਉਪਾਦਾਨਞ੍ਚ ਪਜਾਨਾਤਿ, ਉਪਾਦਾਨਸਮੁਦਯਞ੍ਚ ਪਜਾਨਾਤਿ, ਉਪਾਦਾਨਨਿਰੋਧਞ੍ਚ ਪਜਾਨਾਤਿ ਉਪਾਦਾਨਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Upādānaṃ kiṃnidānaṃ, kiṃsamudayaṃ, kiṃjātikaṃ, kiṃpabhavanti – evaṃ esanaṭṭhena saccaṃ. Upādānaṃ taṇhānidānaṃ, taṇhāsamudayaṃ, taṇhājātikaṃ, taṇhāpabhavanti – evaṃ pariggahaṭṭhena saccaṃ. Upādānañca pajānāti, upādānasamudayañca pajānāti, upādānanirodhañca pajānāti upādānanirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਤਣ੍ਹਾ ਕਿਂਨਿਦਾਨਾ, ਕਿਂਸਮੁਦਯਾ, ਕਿਂਜਾਤਿਕਾ, ਕਿਂਪਭવਾਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਤਣ੍ਹਾ વੇਦਨਾਨਿਦਾਨਾ, વੇਦਨਾਸਮੁਦਯਾ, વੇਦਨਾਜਾਤਿਕਾ, વੇਦਨਾਪਭવਾਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਤਣ੍ਹਞ੍ਚ ਪਜਾਨਾਤਿ, ਤਣ੍ਹਾਸਮੁਦਯਞ੍ਚ ਪਜਾਨਾਤਿ, ਤਣ੍ਹਾਨਿਰੋਧਞ੍ਚ ਪਜਾਨਾਤਿ, ਤਣ੍ਹਾਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Taṇhā kiṃnidānā, kiṃsamudayā, kiṃjātikā, kiṃpabhavāti – evaṃ esanaṭṭhena saccaṃ. Taṇhā vedanānidānā, vedanāsamudayā, vedanājātikā, vedanāpabhavāti – evaṃ pariggahaṭṭhena saccaṃ. Taṇhañca pajānāti, taṇhāsamudayañca pajānāti, taṇhānirodhañca pajānāti, taṇhānirodhagāminiṃ paṭipadañca pajānāti – evaṃ paṭivedhaṭṭhena saccaṃ.
વੇਦਨਾ ਕਿਂਨਿਦਾਨਾ, ਕਿਂਸਮੁਦਯਾ, ਕਿਂਜਾਤਿਕਾ, ਕਿਂਪਭવਾਤਿ – ਏવਂ ਏਸਨਟ੍ਠੇਨ ਸਚ੍ਚਂ। વੇਦਨਾ ਫਸ੍ਸਨਿਦਾਨਾ, ਫਸ੍ਸਸਮੁਦਯਾ, ਫਸ੍ਸਜਾਤਿਕਾ, ਫਸ੍ਸਪ੍ਪਭવਾਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। વੇਦਨਞ੍ਚ ਪਜਾਨਾਤਿ, વੇਦਨਾਸਮੁਦਯਞ੍ਚ ਪਜਾਨਾਤਿ, વੇਦਨਾਨਿਰੋਧਞ੍ਚ ਪਜਾਨਾਤਿ, વੇਦਨਾਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Vedanā kiṃnidānā, kiṃsamudayā, kiṃjātikā, kiṃpabhavāti – evaṃ esanaṭṭhena saccaṃ. Vedanā phassanidānā, phassasamudayā, phassajātikā, phassappabhavāti – evaṃ pariggahaṭṭhena saccaṃ. Vedanañca pajānāti, vedanāsamudayañca pajānāti, vedanānirodhañca pajānāti, vedanānirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਫਸ੍ਸੋ ਕਿਂਨਿਦਾਨੋ, ਕਿਂਸਮੁਦਯੋ, ਕਿਂਜਾਤਿਕੋ, ਕਿਂਪਭવੋਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਫਸ੍ਸੋ ਸਲ਼ਾਯਤਨਨਿਦਾਨੋ, ਸਲ਼ਾਯਤਨਸਮੁਦਯੋ, ਸਲ਼ਾਯਤਨਜਾਤਿਕੋ, ਸਲ਼ਾਯਤਨਪ੍ਪਭવੋਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਫਸ੍ਸਞ੍ਚ ਪਜਾਨਾਤਿ, ਫਸ੍ਸਸਮੁਦਯਞ੍ਚ ਪਜਾਨਾਤਿ, ਫਸ੍ਸਨਿਰੋਧਞ੍ਚ ਪਜਾਨਾਤਿ, ਫਸ੍ਸਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Phasso kiṃnidāno, kiṃsamudayo, kiṃjātiko, kiṃpabhavoti – evaṃ esanaṭṭhena saccaṃ. Phasso saḷāyatananidāno, saḷāyatanasamudayo, saḷāyatanajātiko, saḷāyatanappabhavoti – evaṃ pariggahaṭṭhena saccaṃ. Phassañca pajānāti, phassasamudayañca pajānāti, phassanirodhañca pajānāti, phassanirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਸਲ਼ਾਯਤਨਂ ਕਿਂਨਿਦਾਨਂ, ਕਿਂਸਮੁਦਯਂ, ਕਿਂਜਾਤਿਕਂ, ਕਿਂਪਭવਨ੍ਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਸਲ਼ਾਯਤਨਂ ਨਾਮਰੂਪਨਿਦਾਨਂ, ਨਾਮਰੂਪਸਮੁਦਯਂ, ਨਾਮਰੂਪਜਾਤਿਕਂ, ਨਾਮਰੂਪਪ੍ਪਭવਨ੍ਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਸਲ਼ਾਯਤਨਞ੍ਚ ਪਜਾਨਾਤਿ, ਸਲ਼ਾਯਤਨਸਮੁਦਯਞ੍ਚ ਪਜਾਨਾਤਿ, ਸਲ਼ਾਯਤਨਨਿਰੋਧਞ੍ਚ ਪਜਾਨਾਤਿ, ਸਲ਼ਾਯਤਨਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Saḷāyatanaṃ kiṃnidānaṃ, kiṃsamudayaṃ, kiṃjātikaṃ, kiṃpabhavanti – evaṃ esanaṭṭhena saccaṃ. Saḷāyatanaṃ nāmarūpanidānaṃ, nāmarūpasamudayaṃ, nāmarūpajātikaṃ, nāmarūpappabhavanti – evaṃ pariggahaṭṭhena saccaṃ. Saḷāyatanañca pajānāti, saḷāyatanasamudayañca pajānāti, saḷāyatananirodhañca pajānāti, saḷāyatananirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਨਾਮਰੂਪਂ ਕਿਂਨਿਦਾਨਂ, ਕਿਂਸਮੁਦਯਂ, ਕਿਂਜਾਤਿਕਂ, ਕਿਂਪਭવਨ੍ਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਨਾਮਰੂਪਂ વਿਞ੍ਞਾਣਨਿਦਾਨਂ, વਿਞ੍ਞਾਣਸਮੁਦਯਂ, વਿਞ੍ਞਾਣਜਾਤਿਕਂ, વਿਞ੍ਞਾਣਪ੍ਪਭવਨ੍ਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਨਾਮਰੂਪਞ੍ਚ ਪਜਾਨਾਤਿ, ਨਾਮਰੂਪਸਮੁਦਯਞ੍ਚ ਪਜਾਨਾਤਿ, ਨਾਮਰੂਪਨਿਰੋਧਞ੍ਚ ਪਜਾਨਾਤਿ, ਨਾਮਰੂਪਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Nāmarūpaṃ kiṃnidānaṃ, kiṃsamudayaṃ, kiṃjātikaṃ, kiṃpabhavanti – evaṃ esanaṭṭhena saccaṃ. Nāmarūpaṃ viññāṇanidānaṃ, viññāṇasamudayaṃ, viññāṇajātikaṃ, viññāṇappabhavanti – evaṃ pariggahaṭṭhena saccaṃ. Nāmarūpañca pajānāti, nāmarūpasamudayañca pajānāti, nāmarūpanirodhañca pajānāti, nāmarūpanirodhagāminiṃ paṭipadañca pajānāti – evaṃ paṭivedhaṭṭhena saccaṃ.
વਿਞ੍ਞਾਣਂ ਕਿਂਨਿਦਾਨਂ, ਕਿਂਸਮੁਦਯਂ, ਕਿਂਜਾਤਿਕਂ, ਕਿਂਪਭવਨ੍ਤਿ – ਏવਂ ਏਸਨਟ੍ਠੇਨ ਸਚ੍ਚਂ। વਿਞ੍ਞਾਣਂ ਸਙ੍ਖਾਰਨਿਦਾਨਂ, ਸਙ੍ਖਾਰਸਮੁਦਯਂ, ਸਙ੍ਖਾਰਜਾਤਿਕਂ , ਸਙ੍ਖਾਰਪ੍ਪਭવਨ੍ਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। વਿਞ੍ਞਾਣਞ੍ਚ ਪਜਾਨਾਤਿ, વਿਞ੍ਞਾਣਸਮੁਦਯਞ੍ਚ ਪਜਾਨਾਤਿ, વਿਞ੍ਞਾਣਨਿਰੋਧਞ੍ਚ ਪਜਾਨਾਤਿ, વਿਞ੍ਞਾਣਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Viññāṇaṃ kiṃnidānaṃ, kiṃsamudayaṃ, kiṃjātikaṃ, kiṃpabhavanti – evaṃ esanaṭṭhena saccaṃ. Viññāṇaṃ saṅkhāranidānaṃ, saṅkhārasamudayaṃ, saṅkhārajātikaṃ , saṅkhārappabhavanti – evaṃ pariggahaṭṭhena saccaṃ. Viññāṇañca pajānāti, viññāṇasamudayañca pajānāti, viññāṇanirodhañca pajānāti, viññāṇanirodhagāminiṃ paṭipadañca pajānāti – evaṃ paṭivedhaṭṭhena saccaṃ.
ਸਙ੍ਖਾਰਾ ਕਿਂਨਿਦਾਨਾ, ਕਿਂਸਮੁਦਯਾ, ਕਿਂਜਾਤਿਕਾ, ਕਿਂਪਭવਾਤਿ – ਏવਂ ਏਸਨਟ੍ਠੇਨ ਸਚ੍ਚਂ। ਸਙ੍ਖਾਰਾ ਅવਿਜ੍ਜਾਨਿਦਾਨਾ, ਅવਿਜ੍ਜਾਸਮੁਦਯਾ, ਅવਿਜ੍ਜਾਜਾਤਿਕਾ, ਅવਿਜ੍ਜਾਪਭવਾਤਿ – ਏવਂ ਪਰਿਗ੍ਗਹਟ੍ਠੇਨ ਸਚ੍ਚਂ। ਸਙ੍ਖਾਰੇ ਚ ਪਜਾਨਾਤਿ, ਸਙ੍ਖਾਰਸਮੁਦਯਞ੍ਚ ਪਜਾਨਾਤਿ, ਸਙ੍ਖਾਰਨਿਰੋਧਞ੍ਚ ਪਜਾਨਾਤਿ, ਸਙ੍ਖਾਰਨਿਰੋਧਗਾਮਿਨਿਂ ਪਟਿਪਦਞ੍ਚ ਪਜਾਨਾਤਿ – ਏવਂ ਪਟਿવੇਧਟ੍ਠੇਨ ਸਚ੍ਚਂ।
Saṅkhārā kiṃnidānā, kiṃsamudayā, kiṃjātikā, kiṃpabhavāti – evaṃ esanaṭṭhena saccaṃ. Saṅkhārā avijjānidānā, avijjāsamudayā, avijjājātikā, avijjāpabhavāti – evaṃ pariggahaṭṭhena saccaṃ. Saṅkhāre ca pajānāti, saṅkhārasamudayañca pajānāti, saṅkhāranirodhañca pajānāti, saṅkhāranirodhagāminiṃ paṭipadañca pajānāti – evaṃ paṭivedhaṭṭhena saccaṃ.
੧੬. ਜਰਾਮਰਣਂ ਦੁਕ੍ਖਸਚ੍ਚਂ, ਜਾਤਿ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਜਾਤਿ ਦੁਕ੍ਖਸਚ੍ਚਂ, ਭવੋ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਭવੋ ਦੁਕ੍ਖਸਚ੍ਚਂ, ਉਪਾਦਾਨਂ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਉਪਾਦਾਨਂ ਦੁਕ੍ਖਸਚ੍ਚਂ, ਤਣ੍ਹਾ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਤਣ੍ਹਾ ਦੁਕ੍ਖਸਚ੍ਚਂ, વੇਦਨਾ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। વੇਦਨਾ ਦੁਕ੍ਖਸਚ੍ਚਂ, ਫਸ੍ਸੋ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਫਸ੍ਸੋ ਦੁਕ੍ਖਸਚ੍ਚਂ, ਸਲ਼ਾਯਤਨਂ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਸਲ਼ਾਯਤਨਂ ਦੁਕ੍ਖਸਚ੍ਚਂ, ਨਾਮਰੂਪਂ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਨਾਮਰੂਪਂ ਦੁਕ੍ਖਸਚ੍ਚਂ, વਿਞ੍ਞਾਣਂ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। વਿਞ੍ਞਾਣਂ ਦੁਕ੍ਖਸਚ੍ਚਂ, ਸਙ੍ਖਾਰਾ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਸਙ੍ਖਾਰਾ ਦੁਕ੍ਖਸਚ੍ਚਂ, ਅવਿਜ੍ਜਾ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ।
16. Jarāmaraṇaṃ dukkhasaccaṃ, jāti samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Jāti dukkhasaccaṃ, bhavo samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Bhavo dukkhasaccaṃ, upādānaṃ samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Upādānaṃ dukkhasaccaṃ, taṇhā samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Taṇhā dukkhasaccaṃ, vedanā samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Vedanā dukkhasaccaṃ, phasso samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Phasso dukkhasaccaṃ, saḷāyatanaṃ samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Saḷāyatanaṃ dukkhasaccaṃ, nāmarūpaṃ samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Nāmarūpaṃ dukkhasaccaṃ, viññāṇaṃ samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Viññāṇaṃ dukkhasaccaṃ, saṅkhārā samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Saṅkhārā dukkhasaccaṃ, avijjā samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ.
ਜਰਾਮਰਣਂ ਸਿਯਾ ਦੁਕ੍ਖਸਚ੍ਚਂ, ਸਿਯਾ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਂ। ਜਾਤਿ ਸਿਯਾ ਦੁਕ੍ਖਸਚ੍ਚਂ , ਸਿਯਾ ਸਮੁਦਯਸਚ੍ਚਂ…ਪੇ॰… ਭવੋ ਸਿਯਾ ਦੁਕ੍ਖਸਚ੍ਚਂ, ਸਿਯਾ ਸਮੁਦਯਸਚ੍ਚਂ, ਉਭਿਨ੍ਨਮ੍ਪਿ ਨਿਸ੍ਸਰਣਂ ਨਿਰੋਧਸਚ੍ਚਂ, ਨਿਰੋਧਪ੍ਪਜਾਨਨਾ ਮਗ੍ਗਸਚ੍ਚਨ੍ਤਿ।
Jarāmaraṇaṃ siyā dukkhasaccaṃ, siyā samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccaṃ. Jāti siyā dukkhasaccaṃ , siyā samudayasaccaṃ…pe… bhavo siyā dukkhasaccaṃ, siyā samudayasaccaṃ, ubhinnampi nissaraṇaṃ nirodhasaccaṃ, nirodhappajānanā maggasaccanti.
ਭਾਣવਾਰੋ।
Bhāṇavāro.
ਸਚ੍ਚਕਥਾ ਨਿਟ੍ਠਿਤਾ।
Saccakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੩. ਦੁਤਿਯਸੁਤ੍ਤਨ੍ਤਨਿਦ੍ਦੇਸવਣ੍ਣਨਾ • 3. Dutiyasuttantaniddesavaṇṇanā
