| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
2. д̣̇уд̇ияасуд̇д̇анд̇абаал̣иван̣н̣анаа
2. Dutiyasuttantapāḷivaṇṇanā
13. буна ан̃н̃асса суд̇д̇анд̇асса ад̇т̇авасзна сажжаббадивзд̇хам̣ нид̣̇д̣̇исид̇угаамо буб̣б̣з мз, бхигкавзд̇иаад̣̇игам̣ суд̇д̇анд̇ам̣ аахарид̇ваа д̣̇ассзси. д̇ад̇т̇а буб̣б̣з мз, бхигкавз, самб̣од̇хаад̇и бхигкавз, мама самб̣од̇хид̇о саб̣б̣ан̃н̃уд̇ан̃н̃аан̣ад̇о буб̣б̣з. анабхисамб̣уд̣̇д̇хассаад̇и саб̣б̣ад̇хаммз аббадивид̣̇д̇хасса. б̣од̇хисад̇д̇ассзва сад̇од̇и б̣од̇хисад̇д̇абхууд̇ассзва. зд̇ад̣̇ахосийд̇и б̣од̇хибаллан̇гз нисиннасса зд̇ам̣ баривид̇аггид̇ам̣ ахоси. ассаад̣̇од̇и ассаад̣̇ийяад̇ийд̇и ассаад̣̇о. аад̣̇ийнавод̇и д̣̇осо . ниссаран̣анд̇и абаг̇аманам̣. суканд̇и сукаяад̇ийд̇и сукам̣, яассуббаж̇ж̇ад̇и, д̇ам̣ сукид̇ам̣ гарод̇ийд̇и ад̇т̇о. соманассанд̇и бийд̇исоманассаяог̇ад̇о собханам̣ мано ассаад̇и сумано, суманасса бхааво соманассам̣ , сукамзва бийд̇ияог̇ад̇о висзсид̇ам̣. анижжанд̇и ад̣̇д̇хувам̣. д̣̇угканд̇и д̣̇угкавад̇т̇уд̇д̇аа сан̇каарад̣̇угкад̇д̇аа жа д̣̇угкам̣. вибарин̣аамад̇хамманд̇и авасий худ̇ваа ж̇араабхан̇г̇авасзна баривад̇д̇анабагад̇игам̣. зд̇зна анад̇д̇абхааво вуд̇д̇о ход̇и. чанд̣̇арааг̇авинаяод̇и чанд̣̇асан̇каад̇асса рааг̇асса сам̣варан̣ам̣, на ван̣н̣арааг̇асса. чанд̣̇арааг̇аббахаананд̇и д̇ассзва чанд̣̇арааг̇асса баж̇аханам̣.
13. Puna aññassa suttantassa atthavasena saccappaṭivedhaṃ niddisitukāmo pubbe me, bhikkhavetiādikaṃ suttantaṃ āharitvā dassesi. Tattha pubbe me, bhikkhave, sambodhāti bhikkhave, mama sambodhito sabbaññutaññāṇato pubbe. Anabhisambuddhassāti sabbadhamme appaṭividdhassa. Bodhisattasseva satoti bodhisattabhūtasseva. Etadahosīti bodhipallaṅke nisinnassa etaṃ parivitakkitaṃ ahosi. Assādoti assādīyatīti assādo. Ādīnavoti doso . Nissaraṇanti apagamanaṃ. Sukhanti sukhayatīti sukhaṃ, yassuppajjati, taṃ sukhitaṃ karotīti attho. Somanassanti pītisomanassayogato sobhanaṃ mano assāti sumano, sumanassa bhāvo somanassaṃ , sukhameva pītiyogato visesitaṃ. Aniccanti addhuvaṃ. Dukkhanti dukkhavatthuttā saṅkhāradukkhattā ca dukkhaṃ. Vipariṇāmadhammanti avasī hutvā jarābhaṅgavasena parivattanapakatikaṃ. Etena anattabhāvo vutto hoti. Chandarāgavinayoti chandasaṅkhātassa rāgassa saṃvaraṇaṃ, na vaṇṇarāgassa. Chandarāgappahānanti tasseva chandarāgassa pajahanaṃ.
яаавагийван̃жаад̇иаад̣̇ийсу яаава имзсам̣ бан̃жаннам̣ убаад̣̇аанагканд̇хаанам̣…бз… яат̇аабхууд̇ам̣ нааб̣бхан̃н̃аасим̣ на ад̇хигзна н̃аан̣зна бадивиж̇жхим̣, д̇аава ануд̇д̇арам̣ саммаасамб̣од̇хим̣ ануд̇д̇арам̣ саб̣б̣ан̃н̃убхаавам̣ абхисамб̣уд̣̇д̇хо абхисамзд̇аавий араханд̇и нзваахам̣ бажжан̃н̃аасим̣ нзва бадин̃н̃ам̣ агаасинд̇и самб̣анд̇хад̇о ад̇т̇о. гийван̃жаад̇и нибаад̇амад̇д̇ам̣. яад̇од̇и яасмаа, яад̣̇аа ваа. ат̇аад̇и ананд̇арам̣. н̃аан̣ан̃жа бана мз д̣̇ассанам̣ уд̣̇абаад̣̇ийд̇и д̣̇ассанагижжагаран̣зна д̣̇ассанасан̇каад̇ам̣ бажжавзгкан̣ан̃аан̣ан̃жа мз уббаж̇ж̇и. агуббаад̇и гобзд̇ум̣ жаалзд̇ум̣ асаггун̣зяяаа. вимуд̇д̇ийд̇и арахад̇д̇апалавимуд̇д̇и. зд̇ааяа зва палабажжавзгкан̣ааяа маг̇г̇аниб̣б̣аанабажжавзгкан̣ааби вуд̇д̇аава хонд̇и. аяаманд̇имаа ж̇аад̇ийд̇и аяам̣ бажчимаа канд̇хаббавад̇д̇и. над̇т̇ид̣̇аани бунаб̣бхавод̇и ид̣̇аани буна уббад̇д̇и над̇т̇и. зд̇зна бахийнагилзсабажжавзгкан̣аа вуд̇д̇аа. арахад̇о хи авасидтагилзсабажжавзгкан̣аа на ход̇и.
Yāvakīvañcātiādīsu yāva imesaṃ pañcannaṃ upādānakkhandhānaṃ…pe… yathābhūtaṃ nābbhaññāsiṃ na adhikena ñāṇena paṭivijjhiṃ, tāva anuttaraṃ sammāsambodhiṃ anuttaraṃ sabbaññubhāvaṃ abhisambuddho abhisametāvī arahanti nevāhaṃ paccaññāsiṃ neva paṭiññaṃ akāsinti sambandhato attho. Kīvañcāti nipātamattaṃ. Yatoti yasmā, yadā vā. Athāti anantaraṃ. Ñāṇañca pana me dassanaṃ udapādīti dassanakiccakaraṇena dassanasaṅkhātaṃ paccavekkhaṇañāṇañca me uppajji. Akuppāti kopetuṃ cāletuṃ asakkuṇeyyā. Vimuttīti arahattaphalavimutti. Etāya eva phalapaccavekkhaṇāya magganibbānapaccavekkhaṇāpi vuttāva honti. Ayamantimā jātīti ayaṃ pacchimā khandhappavatti. Natthidāni punabbhavoti idāni puna uppatti natthi. Etena pahīnakilesapaccavekkhaṇā vuttā. Arahato hi avasiṭṭhakilesapaccavekkhaṇā na hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 2. д̣̇уд̇ияасуд̇д̇анд̇абаал̣и • 2. Dutiyasuttantapāḷi
