| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
10. දුතියතජ්‌ඣානසුත්‌තං
10. Dutiyatajjhānasuttaṃ
74. ‘‘ඡ , භික්‌ඛවෙ, ධම්‌මෙ අප්‌පහාය අභබ්‌බො පඨමං ඣානං උපසම්‌පජ්‌ජ විහරිතුං. කතමෙ ඡ? කාමවිතක්‌කං, බ්‍යාපාදවිතක්‌කං, විහිංසාවිතක්‌කං, කාමසඤ්‌ඤං, බ්‍යාපාදසඤ්‌ඤං, විහිංසාසඤ්‌ඤං – ඉමෙ ඛො, භික්‌ඛවෙ, ඡ ධම්‌මෙ අප්‌පහාය අභබ්‌බො පඨමං ඣානං උපසම්‌පජ්‌ජ විහරිතුං.
74. ‘‘Cha , bhikkhave, dhamme appahāya abhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme appahāya abhabbo paṭhamaṃ jhānaṃ upasampajja viharituṃ.
‘‘ඡ, භික්‌ඛවෙ, ධම්‌මෙ පහාය භබ්‌බො පඨමං ඣානං උපසම්‌පජ්‌ජ විහරිතුං. කතමෙ ඡ? කාමවිතක්‌කං, බ්‍යාපාදවිතක්‌කං, විහිංසාවිතක්‌කං, කාමසඤ්‌ඤං, බ්‍යාපාදසඤ්‌ඤං, විහිංසාසඤ්‌ඤං – ඉමෙ ඛො, භික්‌ඛවෙ, ඡ ධම්‌මෙ පහාය භබ්‌බො පඨමං ඣානං උපසම්‌පජ්‌ජ විහරිතු’’න්‌ති. දසමං.
‘‘Cha, bhikkhave, dhamme pahāya bhabbo paṭhamaṃ jhānaṃ upasampajja viharituṃ. Katame cha? Kāmavitakkaṃ, byāpādavitakkaṃ, vihiṃsāvitakkaṃ, kāmasaññaṃ, byāpādasaññaṃ, vihiṃsāsaññaṃ – ime kho, bhikkhave, cha dhamme pahāya bhabbo paṭhamaṃ jhānaṃ upasampajja viharitu’’nti. Dasamaṃ.
තස්‌සුද්‌දානං –
Tassuddānaṃ –
අනාගාමි අරහං මිත්‌තා, සඞ්‌ගණිකාරාමදෙවතා;
Anāgāmi arahaṃ mittā, saṅgaṇikārāmadevatā;
සමාධි සක්‌ඛිභබ්‌බං බලං, තජ්‌ඣානා අපරෙ දුවෙති.
Samādhi sakkhibhabbaṃ balaṃ, tajjhānā apare duveti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 9-10. තජ්‌ඣානසුත්‌තද්‌වයවණ්‌ණනා • 9-10. Tajjhānasuttadvayavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7-10. සක්‌ඛිභබ්‌බසුත්‌තාදිවණ්‌ණනා • 7-10. Sakkhibhabbasuttādivaṇṇanā
