| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̣̇уд̇ияад̇ат̇ааг̇ад̇аажчарияасуд̇д̇ам̣
8. Dutiyatathāgataacchariyasuttaṃ
128. ‘‘д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа жад̇д̇ааро ажчарияаа аб̣бхуд̇аа д̇хаммаа баад̇убхаванд̇и. гад̇амз жад̇д̇ааро? аалаяаараамаа 1, бхигкавз, баж̇аа аалаяарад̇аа аалаяасаммуд̣̇ид̇аа; саа д̇ат̇ааг̇ад̇зна анаалаяз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и . д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ батамо ажчарияо аб̣бхуд̇о д̇хаммо баад̇убхавад̇и.
128. ‘‘Tathāgatassa, bhikkhave, arahato sammāsambuddhassa pātubhāvā cattāro acchariyā abbhutā dhammā pātubhavanti. Katame cattāro? Ālayārāmā 2, bhikkhave, pajā ālayaratā ālayasammuditā; sā tathāgatena anālaye dhamme desiyamāne sussūsati sotaṃ odahati aññā cittaṃ upaṭṭhapeti . Tathāgatassa, bhikkhave, arahato sammāsambuddhassa pātubhāvā ayaṃ paṭhamo acchariyo abbhuto dhammo pātubhavati.
‘‘маанаараамаа , бхигкавз, баж̇аа маанарад̇аа маанасаммуд̣̇ид̇аа. саа д̇ат̇ааг̇ад̇зна маанавинаяз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̣̇уд̇ияо ажчарияо аб̣бхуд̇о д̇хаммо баад̇убхавад̇и.
‘‘Mānārāmā , bhikkhave, pajā mānaratā mānasammuditā. Sā tathāgatena mānavinaye dhamme desiyamāne sussūsati sotaṃ odahati aññā cittaṃ upaṭṭhapeti. Tathāgatassa, bhikkhave, arahato sammāsambuddhassa pātubhāvā ayaṃ dutiyo acchariyo abbhuto dhammo pātubhavati.
‘‘анубасамаараамаа, бхигкавз, баж̇аа анубасамарад̇аа анубасамасаммуд̣̇ид̇аа. саа д̇ат̇ааг̇ад̇зна обасамигз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и. д̇ат̇ааг̇ад̇асса , бхигкавз, арахад̇о саммаасамб̣уд̣̇д̇хасса баад̇убхааваа аяам̣ д̇ад̇ияо ажчарияо аб̣бхуд̇о д̇хаммо баад̇убхавад̇и.
‘‘Anupasamārāmā, bhikkhave, pajā anupasamaratā anupasamasammuditā. Sā tathāgatena opasamike dhamme desiyamāne sussūsati sotaṃ odahati aññā cittaṃ upaṭṭhapeti. Tathāgatassa , bhikkhave, arahato sammāsambuddhassa pātubhāvā ayaṃ tatiyo acchariyo abbhuto dhammo pātubhavati.
‘‘авиж̇ж̇ааг̇ад̇аа, бхигкавз, баж̇аа ан̣д̣абхууд̇аа барияонад̣̇д̇хаа. саа д̇ат̇ааг̇ад̇зна авиж̇ж̇аавинаяз д̇хаммз д̣̇зсияамаанз суссуусад̇и сод̇ам̣ од̣̇ахад̇и ан̃н̃аа жид̇д̇ам̣ убадтабзд̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа аяам̣ жад̇уд̇т̇о ажчарияо аб̣бхуд̇о д̇хаммо баад̇убхавад̇и. д̇ат̇ааг̇ад̇асса, бхигкавз, арахад̇о саммаасамб̣уд̣̇д̇хасса баад̇убхааваа имз жад̇д̇ааро ажчарияаа аб̣бхуд̇аа д̇хаммаа баад̇убхаванд̇ий’’д̇и. адтамам̣.
‘‘Avijjāgatā, bhikkhave, pajā aṇḍabhūtā pariyonaddhā. Sā tathāgatena avijjāvinaye dhamme desiyamāne sussūsati sotaṃ odahati aññā cittaṃ upaṭṭhapeti. Tathāgatassa, bhikkhave, arahato sammāsambuddhassa pātubhāvā ayaṃ catuttho acchariyo abbhuto dhammo pātubhavati. Tathāgatassa, bhikkhave, arahato sammāsambuddhassa pātubhāvā ime cattāro acchariyā abbhutā dhammā pātubhavantī’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̣̇уд̇ияад̇ат̇ааг̇ад̇аажчарияасуд̇д̇аван̣н̣анаа • 8. Dutiyatathāgataacchariyasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. д̣̇уд̇ияад̇ат̇ааг̇ад̇аажчарияасуд̇д̇аван̣н̣анаа • 8. Dutiyatathāgataacchariyasuttavaṇṇanā
