| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. དུཏིཡཏཐཱགཏཨཙྪརིཡསུཏྟཾ
8. Dutiyatathāgataacchariyasuttaṃ
༡༢༨. ‘‘ཏཐཱགཏསྶ, བྷིཀྑཝེ, ཨརཧཏོ སམྨཱསམྦུདྡྷསྶ པཱཏུབྷཱཝཱ ཙཏྟཱརོ ཨཙྪརིཡཱ ཨབྦྷུཏཱ དྷམྨཱ པཱཏུབྷཝནྟི། ཀཏམེ ཙཏྟཱརོ? ཨཱལཡཱརཱམཱ 1, བྷིཀྑཝེ, པཛཱ ཨཱལཡརཏཱ ཨཱལཡསམྨུདིཏཱ; སཱ ཏཐཱགཏེན ཨནཱལཡེ དྷམྨེ དེསིཡམཱནེ སུསྶཱུསཏི སོཏཾ ཨོདཧཏི ཨཉྙཱ ཙིཏྟཾ ཨུཔཊྛཔེཏི ། ཏཐཱགཏསྶ, བྷིཀྑཝེ, ཨརཧཏོ སམྨཱསམྦུདྡྷསྶ པཱཏུབྷཱཝཱ ཨཡཾ པཋམོ ཨཙྪརིཡོ ཨབྦྷུཏོ དྷམྨོ པཱཏུབྷཝཏི།
128. ‘‘Tathāgatassa, bhikkhave, arahato sammāsambuddhassa pātubhāvā cattāro acchariyā abbhutā dhammā pātubhavanti. Katame cattāro? Ālayārāmā 2, bhikkhave, pajā ālayaratā ālayasammuditā; sā tathāgatena anālaye dhamme desiyamāne sussūsati sotaṃ odahati aññā cittaṃ upaṭṭhapeti . Tathāgatassa, bhikkhave, arahato sammāsambuddhassa pātubhāvā ayaṃ paṭhamo acchariyo abbhuto dhammo pātubhavati.
‘‘མཱནཱརཱམཱ , བྷིཀྑཝེ, པཛཱ མཱནརཏཱ མཱནསམྨུདིཏཱ། སཱ ཏཐཱགཏེན མཱནཝིནཡེ དྷམྨེ དེསིཡམཱནེ སུསྶཱུསཏི སོཏཾ ཨོདཧཏི ཨཉྙཱ ཙིཏྟཾ ཨུཔཊྛཔེཏི། ཏཐཱགཏསྶ, བྷིཀྑཝེ, ཨརཧཏོ སམྨཱསམྦུདྡྷསྶ པཱཏུབྷཱཝཱ ཨཡཾ དུཏིཡོ ཨཙྪརིཡོ ཨབྦྷུཏོ དྷམྨོ པཱཏུབྷཝཏི།
‘‘Mānārāmā , bhikkhave, pajā mānaratā mānasammuditā. Sā tathāgatena mānavinaye dhamme desiyamāne sussūsati sotaṃ odahati aññā cittaṃ upaṭṭhapeti. Tathāgatassa, bhikkhave, arahato sammāsambuddhassa pātubhāvā ayaṃ dutiyo acchariyo abbhuto dhammo pātubhavati.
‘‘ཨནུཔསམཱརཱམཱ, བྷིཀྑཝེ, པཛཱ ཨནུཔསམརཏཱ ཨནུཔསམསམྨུདིཏཱ། སཱ ཏཐཱགཏེན ཨོཔསམིཀེ དྷམྨེ དེསིཡམཱནེ སུསྶཱུསཏི སོཏཾ ཨོདཧཏི ཨཉྙཱ ཙིཏྟཾ ཨུཔཊྛཔེཏི། ཏཐཱགཏསྶ , བྷིཀྑཝེ, ཨརཧཏོ སམྨཱསམྦུདྡྷསྶ པཱཏུབྷཱཝཱ ཨཡཾ ཏཏིཡོ ཨཙྪརིཡོ ཨབྦྷུཏོ དྷམྨོ པཱཏུབྷཝཏི།
‘‘Anupasamārāmā, bhikkhave, pajā anupasamaratā anupasamasammuditā. Sā tathāgatena opasamike dhamme desiyamāne sussūsati sotaṃ odahati aññā cittaṃ upaṭṭhapeti. Tathāgatassa , bhikkhave, arahato sammāsambuddhassa pātubhāvā ayaṃ tatiyo acchariyo abbhuto dhammo pātubhavati.
‘‘ཨཝིཛྫཱགཏཱ, བྷིཀྑཝེ, པཛཱ ཨཎྜབྷཱུཏཱ པརིཡོནདྡྷཱ། སཱ ཏཐཱགཏེན ཨཝིཛྫཱཝིནཡེ དྷམྨེ དེསིཡམཱནེ སུསྶཱུསཏི སོཏཾ ཨོདཧཏི ཨཉྙཱ ཙིཏྟཾ ཨུཔཊྛཔེཏི། ཏཐཱགཏསྶ, བྷིཀྑཝེ, ཨརཧཏོ སམྨཱསམྦུདྡྷསྶ པཱཏུབྷཱཝཱ ཨཡཾ ཙཏུཏྠོ ཨཙྪརིཡོ ཨབྦྷུཏོ དྷམྨོ པཱཏུབྷཝཏི། ཏཐཱགཏསྶ, བྷིཀྑཝེ, ཨརཧཏོ སམྨཱསམྦུདྡྷསྶ པཱཏུབྷཱཝཱ ཨིམེ ཙཏྟཱརོ ཨཙྪརིཡཱ ཨབྦྷུཏཱ དྷམྨཱ པཱཏུབྷཝནྟཱི’’ཏི། ཨཊྛམཾ།
‘‘Avijjāgatā, bhikkhave, pajā aṇḍabhūtā pariyonaddhā. Sā tathāgatena avijjāvinaye dhamme desiyamāne sussūsati sotaṃ odahati aññā cittaṃ upaṭṭhapeti. Tathāgatassa, bhikkhave, arahato sammāsambuddhassa pātubhāvā ayaṃ catuttho acchariyo abbhuto dhammo pātubhavati. Tathāgatassa, bhikkhave, arahato sammāsambuddhassa pātubhāvā ime cattāro acchariyā abbhutā dhammā pātubhavantī’’ti. Aṭṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༨. དུཏིཡཏཐཱགཏཨཙྪརིཡསུཏྟཝཎྞནཱ • 8. Dutiyatathāgataacchariyasuttavaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༨. དུཏིཡཏཐཱགཏཨཙྪརིཡསུཏྟཝཎྞནཱ • 8. Dutiyatathāgataacchariyasuttavaṇṇanā
