| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. து³தியததா²க³தஅச்ச²ரியஸுத்தவண்ணனா
8. Dutiyatathāgataacchariyasuttavaṇṇanā
128. அட்ட²மே தண்ஹாதி³ட்டீ²ஹி அல்லீயிதப்³ப³ட்டே²ன ஆலயோதி பஞ்ச காமகு³ணா, ஸகலமேவ வா வட்டங். ஆரமந்தி எத்தா²தி ஆராமோ, ஆலயோ ஆராமோ ஏதிஸ்ஸாதி ஆலயாராமா. ஆலயே ரதாதி ஆலயரதா . ஆலயே ஸம்முதி³தாதி ஆலயஸம்முதி³தா. அனாலயே த⁴ம்மேதி ஆலயபடிபக்கே² விவட்டூபனிஸ்ஸிதே அரியத⁴ம்மே. ஸுஸ்ஸூஸதீதி ஸோதுகாமோ ஹோதி. ஸோதங் ஓத³ஹதீதி ஸோதங் ட²பேதி. அஞ்ஞா சித்தங் உபட்ட²பேதீதி ஆஜானநத்தா²ய சித்தங் பச்சுபட்ட²பேதி. மானோதி மஞ்ஞனா, மஞ்ஞிதப்³ப³ட்டே²ன வா ஸகலங் வட்டமேவ. மானவினயே த⁴ம்மேதி மானவினயத⁴ம்மே. உபஸமபடிபக்கோ² அனுபஸமோ, அனுபஸந்தட்டே²ன வா வட்டமேவ அனுபஸமோ நாம. ஓபஸமிகேதி உபஸமகரே விவட்டூபனிஸ்ஸிதே. அவிஜ்ஜாய க³தா ஸமன்னாக³தாதி அவிஜ்ஜாக³தா. அவிஜ்ஜண்ட³கோஸேன பரியோனத்³த⁴த்தா அண்ட³ங் விய பூ⁴தாதி அண்ட³பூ⁴தா. ஸமந்ததோ ஓனத்³தா⁴தி பரியோனத்³தா⁴. அவிஜ்ஜாவினயேதி அவிஜ்ஜாவினயோ வுச்சதி அரஹத்தங், தங்னிஸ்ஸிதே த⁴ம்மே தே³ஸியமானேதி அத்தோ². இதி இமஸ்மிங் ஸுத்தே சதூஸு டா²னேஸு வட்டங், சதூஸு விவட்டங் கதி²தங்.
128. Aṭṭhame taṇhādiṭṭhīhi allīyitabbaṭṭhena ālayoti pañca kāmaguṇā, sakalameva vā vaṭṭaṃ. Āramanti etthāti ārāmo, ālayo ārāmo etissāti ālayārāmā. Ālaye ratāti ālayaratā. Ālaye sammuditāti ālayasammuditā. Anālaye dhammeti ālayapaṭipakkhe vivaṭṭūpanissite ariyadhamme. Sussūsatīti sotukāmo hoti. Sotaṃ odahatīti sotaṃ ṭhapeti. Aññā cittaṃ upaṭṭhapetīti ājānanatthāya cittaṃ paccupaṭṭhapeti. Mānoti maññanā, maññitabbaṭṭhena vā sakalaṃ vaṭṭameva. Mānavinaye dhammeti mānavinayadhamme. Upasamapaṭipakkho anupasamo, anupasantaṭṭhena vā vaṭṭameva anupasamo nāma. Opasamiketi upasamakare vivaṭṭūpanissite. Avijjāya gatā samannāgatāti avijjāgatā. Avijjaṇḍakosena pariyonaddhattā aṇḍaṃ viya bhūtāti aṇḍabhūtā. Samantato onaddhāti pariyonaddhā. Avijjāvinayeti avijjāvinayo vuccati arahattaṃ, taṃnissite dhamme desiyamāneti attho. Iti imasmiṃ sutte catūsu ṭhānesu vaṭṭaṃ, catūsu vivaṭṭaṃ kathitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. து³தியததா²க³தஅச்ச²ரியஸுத்தங் • 8. Dutiyatathāgataacchariyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. து³தியததா²க³தஅச்ச²ரியஸுத்தவண்ணனா • 8. Dutiyatathāgataacchariyasuttavaṇṇanā
