| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
8. து³தியததா²க³தஅச்ச²ரியஸுத்தவண்ணனா
8. Dutiyatathāgataacchariyasuttavaṇṇanā
128. அட்ட²மே ஆலீயந்தி ஆரமிதப்³ப³ட்டே²ன ஸேவீயந்தீதி ஆலயா, பஞ்ச காமகு³ணா. ஆரமந்தீதி ரதிங் விந்த³ந்தி கீளந்தி லளந்தி. ஆலீயந்தி வா அல்லீயந்தா அபி⁴ரமணவஸேன ஸேவந்தீதி ஆலயா, தண்ஹாவிசரிதானி. தேஹி ஆலயேஹி ரமந்தீதி ஆலயாராமா. யதே²வ ஹி ஸுஸஜ்ஜிதங் புப்ப²ப²லப⁴ரிதருக்கா²தி³ஸம்பன்னஉய்யானங் பவிட்டோ² ராஜா தாய ஸம்பத்தியா ரமதி, ஸம்முதி³தோ ஆமோதி³தப்பமோதி³தோ ஹோதி, ந உக்கண்டே²தி, ஸாயம்பி நிக்க²மிதுங் ந இச்ச²தி, ஏவமிமேஹி காமாலயதண்ஹாலயேஹி ஸத்தா ரமந்தி, ஸங்ஸாரவட்டே பமுதி³தா அனுக்கண்டி²தா வஸந்தி. தேன தேஸங் ப⁴க³வா து³வித⁴ம்பி ஆலயங் உய்யானபூ⁴மிங் விய த³ஸ்ஸெந்தோ ‘‘ஆலயாராமா’’திஆதி³மாஹ. ஸேஸமெத்த² உத்தானமேவ.
128. Aṭṭhame ālīyanti āramitabbaṭṭhena sevīyantīti ālayā, pañca kāmaguṇā. Āramantīti ratiṃ vindanti kīḷanti laḷanti. Ālīyanti vā allīyantā abhiramaṇavasena sevantīti ālayā, taṇhāvicaritāni. Tehi ālayehi ramantīti ālayārāmā. Yatheva hi susajjitaṃ pupphaphalabharitarukkhādisampannauyyānaṃ paviṭṭho rājā tāya sampattiyā ramati, sammudito āmoditappamodito hoti, na ukkaṇṭheti, sāyampi nikkhamituṃ na icchati, evamimehi kāmālayataṇhālayehi sattā ramanti, saṃsāravaṭṭe pamuditā anukkaṇṭhitā vasanti. Tena tesaṃ bhagavā duvidhampi ālayaṃ uyyānabhūmiṃ viya dassento ‘‘ālayārāmā’’tiādimāha. Sesamettha uttānameva.
து³தியததா²க³தஅச்ச²ரியஸுத்தவண்ணனா நிட்டி²தா.
Dutiyatathāgataacchariyasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. து³தியததா²க³தஅச்ச²ரியஸுத்தங் • 8. Dutiyatathāgataacchariyasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 8. து³தியததா²க³தஅச்ச²ரியஸுத்தவண்ணனா • 8. Dutiyatathāgataacchariyasuttavaṇṇanā
