| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৮. দুতিযতথাগতঅচ্ছরিযসুত্তৰণ্ণনা
8. Dutiyatathāgataacchariyasuttavaṇṇanā
১২৮. অট্ঠমে আলীযন্তি আরমিতব্বট্ঠেন সেৰীযন্তীতি আলযা, পঞ্চ কামগুণা। আরমন্তীতি রতিং ৰিন্দন্তি কীল়ন্তি লল়ন্তি। আলীযন্তি ৰা অল্লীযন্তা অভিরমণৰসেন সেৰন্তীতি আলযা, তণ্হাৰিচরিতানি। তেহি আলযেহি রমন্তীতি আলযারামা। যথেৰ হি সুসজ্জিতং পুপ্ফফলভরিতরুক্খাদিসম্পন্নউয্যানং পৰিট্ঠো রাজা তায সম্পত্তিযা রমতি, সম্মুদিতো আমোদিতপ্পমোদিতো হোতি, ন উক্কণ্ঠেতি, সাযম্পি নিক্খমিতুং ন ইচ্ছতি, এৰমিমেহি কামালযতণ্হালযেহি সত্তা রমন্তি, সংসারৰট্টে পমুদিতা অনুক্কণ্ঠিতা ৰসন্তি। তেন তেসং ভগৰা দুৰিধম্পি আলযং উয্যানভূমিং ৰিয দস্সেন্তো ‘‘আলযারামা’’তিআদিমাহ। সেসমেত্থ উত্তানমেৰ।
128. Aṭṭhame ālīyanti āramitabbaṭṭhena sevīyantīti ālayā, pañca kāmaguṇā. Āramantīti ratiṃ vindanti kīḷanti laḷanti. Ālīyanti vā allīyantā abhiramaṇavasena sevantīti ālayā, taṇhāvicaritāni. Tehi ālayehi ramantīti ālayārāmā. Yatheva hi susajjitaṃ pupphaphalabharitarukkhādisampannauyyānaṃ paviṭṭho rājā tāya sampattiyā ramati, sammudito āmoditappamodito hoti, na ukkaṇṭheti, sāyampi nikkhamituṃ na icchati, evamimehi kāmālayataṇhālayehi sattā ramanti, saṃsāravaṭṭe pamuditā anukkaṇṭhitā vasanti. Tena tesaṃ bhagavā duvidhampi ālayaṃ uyyānabhūmiṃ viya dassento ‘‘ālayārāmā’’tiādimāha. Sesamettha uttānameva.
দুতিযতথাগতঅচ্ছরিযসুত্তৰণ্ণনা নিট্ঠিতা।
Dutiyatathāgataacchariyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৮. দুতিযতথাগতঅচ্ছরিযসুত্তং • 8. Dutiyatathāgataacchariyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৮. দুতিযতথাগতঅচ্ছরিযসুত্তৰণ্ণনা • 8. Dutiyatathāgataacchariyasuttavaṇṇanā
