| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
8. д̣̇уд̇ияад̇ат̇ааг̇ад̇аажчарияасуд̇д̇аван̣н̣анаа
8. Dutiyatathāgataacchariyasuttavaṇṇanā
128. адтамз д̇ан̣хаад̣̇идтийхи аллийяид̇аб̣б̣адтзна аалаяод̇и бан̃жа гаамаг̇ун̣аа, сагаламзва ваа ваддам̣. аараманд̇и зд̇т̇аад̇и аараамо, аалаяо аараамо зд̇иссаад̇и аалаяаараамаа. аалаяз рад̇аад̇и аалаяарад̇аа . аалаяз саммуд̣̇ид̇аад̇и аалаяасаммуд̣̇ид̇аа. анаалаяз д̇хаммзд̇и аалаяабадибагкз виваддуубаниссид̇з арияад̇хаммз. суссуусад̇ийд̇и сод̇угаамо ход̇и. сод̇ам̣ од̣̇ахад̇ийд̇и сод̇ам̣ табзд̇и. ан̃н̃аа жид̇д̇ам̣ убадтабзд̇ийд̇и ааж̇аананад̇т̇ааяа жид̇д̇ам̣ бажжубадтабзд̇и. маанод̇и ман̃н̃анаа, ман̃н̃ид̇аб̣б̣адтзна ваа сагалам̣ ваддамзва. маанавинаяз д̇хаммзд̇и маанавинаяад̇хаммз. убасамабадибагко анубасамо, анубасанд̇адтзна ваа ваддамзва анубасамо наама. обасамигзд̇и убасамагарз виваддуубаниссид̇з. авиж̇ж̇ааяа г̇ад̇аа саманнааг̇ад̇аад̇и авиж̇ж̇ааг̇ад̇аа. авиж̇ж̇ан̣д̣агосзна барияонад̣̇д̇хад̇д̇аа ан̣д̣ам̣ вияа бхууд̇аад̇и ан̣д̣абхууд̇аа. саманд̇ад̇о онад̣̇д̇хаад̇и барияонад̣̇д̇хаа. авиж̇ж̇аавинаязд̇и авиж̇ж̇аавинаяо вужжад̇и арахад̇д̇ам̣, д̇ам̣ниссид̇з д̇хаммз д̣̇зсияамаанзд̇и ад̇т̇о. ид̇и имасмим̣ суд̇д̇з жад̇уусу таанзсу ваддам̣, жад̇уусу виваддам̣ гат̇ид̇ам̣.
128. Aṭṭhame taṇhādiṭṭhīhi allīyitabbaṭṭhena ālayoti pañca kāmaguṇā, sakalameva vā vaṭṭaṃ. Āramanti etthāti ārāmo, ālayo ārāmo etissāti ālayārāmā. Ālaye ratāti ālayaratā. Ālaye sammuditāti ālayasammuditā. Anālaye dhammeti ālayapaṭipakkhe vivaṭṭūpanissite ariyadhamme. Sussūsatīti sotukāmo hoti. Sotaṃ odahatīti sotaṃ ṭhapeti. Aññā cittaṃ upaṭṭhapetīti ājānanatthāya cittaṃ paccupaṭṭhapeti. Mānoti maññanā, maññitabbaṭṭhena vā sakalaṃ vaṭṭameva. Mānavinaye dhammeti mānavinayadhamme. Upasamapaṭipakkho anupasamo, anupasantaṭṭhena vā vaṭṭameva anupasamo nāma. Opasamiketi upasamakare vivaṭṭūpanissite. Avijjāya gatā samannāgatāti avijjāgatā. Avijjaṇḍakosena pariyonaddhattā aṇḍaṃ viya bhūtāti aṇḍabhūtā. Samantato onaddhāti pariyonaddhā. Avijjāvinayeti avijjāvinayo vuccati arahattaṃ, taṃnissite dhamme desiyamāneti attho. Iti imasmiṃ sutte catūsu ṭhānesu vaṭṭaṃ, catūsu vivaṭṭaṃ kathitaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 8. д̣̇уд̇ияад̇ат̇ааг̇ад̇аажчарияасуд̇д̇ам̣ • 8. Dutiyatathāgataacchariyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8. д̣̇уд̇ияад̇ат̇ааг̇ад̇аажчарияасуд̇д̇аван̣н̣анаа • 8. Dutiyatathāgataacchariyasuttavaṇṇanā
