| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
८. दुतियतथागतअच्छरियसुत्तवण्णना
8. Dutiyatathāgataacchariyasuttavaṇṇanā
१२८. अट्ठमे आलीयन्ति आरमितब्बट्ठेन सेवीयन्तीति आलया, पञ्च कामगुणा। आरमन्तीति रतिं विन्दन्ति कीळन्ति लळन्ति। आलीयन्ति वा अल्लीयन्ता अभिरमणवसेन सेवन्तीति आलया, तण्हाविचरितानि। तेहि आलयेहि रमन्तीति आलयारामा। यथेव हि सुसज्जितं पुप्फफलभरितरुक्खादिसम्पन्नउय्यानं पविट्ठो राजा ताय सम्पत्तिया रमति, सम्मुदितो आमोदितप्पमोदितो होति, न उक्कण्ठेति, सायम्पि निक्खमितुं न इच्छति, एवमिमेहि कामालयतण्हालयेहि सत्ता रमन्ति, संसारवट्टे पमुदिता अनुक्कण्ठिता वसन्ति। तेन तेसं भगवा दुविधम्पि आलयं उय्यानभूमिं विय दस्सेन्तो ‘‘आलयारामा’’तिआदिमाह। सेसमेत्थ उत्तानमेव।
128. Aṭṭhame ālīyanti āramitabbaṭṭhena sevīyantīti ālayā, pañca kāmaguṇā. Āramantīti ratiṃ vindanti kīḷanti laḷanti. Ālīyanti vā allīyantā abhiramaṇavasena sevantīti ālayā, taṇhāvicaritāni. Tehi ālayehi ramantīti ālayārāmā. Yatheva hi susajjitaṃ pupphaphalabharitarukkhādisampannauyyānaṃ paviṭṭho rājā tāya sampattiyā ramati, sammudito āmoditappamodito hoti, na ukkaṇṭheti, sāyampi nikkhamituṃ na icchati, evamimehi kāmālayataṇhālayehi sattā ramanti, saṃsāravaṭṭe pamuditā anukkaṇṭhitā vasanti. Tena tesaṃ bhagavā duvidhampi ālayaṃ uyyānabhūmiṃ viya dassento ‘‘ālayārāmā’’tiādimāha. Sesamettha uttānameva.
दुतियतथागतअच्छरियसुत्तवण्णना निट्ठिता।
Dutiyatathāgataacchariyasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. दुतियतथागतअच्छरियसुत्तं • 8. Dutiyatathāgataacchariyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ८. दुतियतथागतअच्छरियसुत्तवण्णना • 8. Dutiyatathāgataacchariyasuttavaṇṇanā
