| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៨. ទុតិយតថាគតអច្ឆរិយសុត្តវណ្ណនា
8. Dutiyatathāgataacchariyasuttavaṇṇanā
១២៨. អដ្ឋមេ អាលីយន្តិ អារមិតព្ពដ្ឋេន សេវីយន្តីតិ អាលយា, បញ្ច កាមគុណា។ អារមន្តីតិ រតិំ វិន្ទន្តិ កីឡន្តិ លឡន្តិ។ អាលីយន្តិ វា អល្លីយន្តា អភិរមណវសេន សេវន្តីតិ អាលយា, តណ្ហាវិចរិតានិ។ តេហិ អាលយេហិ រមន្តីតិ អាលយារាមា។ យថេវ ហិ សុសជ្ជិតំ បុប្ផផលភរិតរុក្ខាទិសម្បន្នឧយ្យានំ បវិដ្ឋោ រាជា តាយ សម្បត្តិយា រមតិ, សម្មុទិតោ អាមោទិតប្បមោទិតោ ហោតិ, ន ឧក្កណ្ឋេតិ, សាយម្បិ និក្ខមិតុំ ន ឥច្ឆតិ, ឯវមិមេហិ កាមាលយតណ្ហាលយេហិ សត្តា រមន្តិ, សំសារវដ្ដេ បមុទិតា អនុក្កណ្ឋិតា វសន្តិ។ តេន តេសំ ភគវា ទុវិធម្បិ អាលយំ ឧយ្យានភូមិំ វិយ ទស្សេន្តោ ‘‘អាលយារាមា’’តិអាទិមាហ។ សេសមេត្ថ ឧត្តានមេវ។
128. Aṭṭhame ālīyanti āramitabbaṭṭhena sevīyantīti ālayā, pañca kāmaguṇā. Āramantīti ratiṃ vindanti kīḷanti laḷanti. Ālīyanti vā allīyantā abhiramaṇavasena sevantīti ālayā, taṇhāvicaritāni. Tehi ālayehi ramantīti ālayārāmā. Yatheva hi susajjitaṃ pupphaphalabharitarukkhādisampannauyyānaṃ paviṭṭho rājā tāya sampattiyā ramati, sammudito āmoditappamodito hoti, na ukkaṇṭheti, sāyampi nikkhamituṃ na icchati, evamimehi kāmālayataṇhālayehi sattā ramanti, saṃsāravaṭṭe pamuditā anukkaṇṭhitā vasanti. Tena tesaṃ bhagavā duvidhampi ālayaṃ uyyānabhūmiṃ viya dassento ‘‘ālayārāmā’’tiādimāha. Sesamettha uttānameva.
ទុតិយតថាគតអច្ឆរិយសុត្តវណ្ណនា និដ្ឋិតា។
Dutiyatathāgataacchariyasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. ទុតិយតថាគតអច្ឆរិយសុត្តំ • 8. Dutiyatathāgataacchariyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៨. ទុតិយតថាគតអច្ឆរិយសុត្តវណ្ណនា • 8. Dutiyatathāgataacchariyasuttavaṇṇanā
