| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၈. ဒုတိယတထာဂတအစ္ဆရိယသုတ္တဝဏ္ဏနာ
8. Dutiyatathāgataacchariyasuttavaṇṇanā
၁၂၈. အဋ္ဌမေ အာလီယန္တိ အာရမိတဗ္ဗဋ္ဌေန သေဝီယန္တီတိ အာလယာ, ပဉ္စ ကာမဂုဏာ။ အာရမန္တီတိ ရတိံ ဝိန္ဒန္တိ ကီဠန္တိ လဠန္တိ။ အာလီယန္တိ ဝာ အလ္လီယန္တာ အဘိရမဏဝသေန သေဝန္တီတိ အာလယာ, တဏ္ဟာဝိစရိတာနိ။ တေဟိ အာလယေဟိ ရမန္တီတိ အာလယာရာမာ။ ယထေဝ ဟိ သုသဇ္ဇိတံ ပုပ္ဖဖလဘရိတရုက္ခာဒိသမ္ပန္နဥယ္ယာနံ ပဝိဋ္ဌော ရာဇာ တာယ သမ္ပတ္တိယာ ရမတိ, သမ္မုဒိတော အာမောဒိတပ္ပမောဒိတော ဟောတိ, န ဥက္ကဏ္ဌေတိ, သာယမ္ပိ နိက္ခမိတုံ န ဣစ္ဆတိ, ဧဝမိမေဟိ ကာမာလယတဏ္ဟာလယေဟိ သတ္တာ ရမန္တိ, သံသာရဝဋ္ဋေ ပမုဒိတာ အနုက္ကဏ္ဌိတာ ဝသန္တိ။ တေန တေသံ ဘဂဝာ ဒုဝိဓမ္ပိ အာလယံ ဥယ္ယာနဘူမိံ ဝိယ ဒသ္သေန္တော ‘‘အာလယာရာမာ’’တိအာဒိမာဟ။ သေသမေတ္ထ ဥတ္တာနမေဝ။
128. Aṭṭhame ālīyanti āramitabbaṭṭhena sevīyantīti ālayā, pañca kāmaguṇā. Āramantīti ratiṃ vindanti kīḷanti laḷanti. Ālīyanti vā allīyantā abhiramaṇavasena sevantīti ālayā, taṇhāvicaritāni. Tehi ālayehi ramantīti ālayārāmā. Yatheva hi susajjitaṃ pupphaphalabharitarukkhādisampannauyyānaṃ paviṭṭho rājā tāya sampattiyā ramati, sammudito āmoditappamodito hoti, na ukkaṇṭheti, sāyampi nikkhamituṃ na icchati, evamimehi kāmālayataṇhālayehi sattā ramanti, saṃsāravaṭṭe pamuditā anukkaṇṭhitā vasanti. Tena tesaṃ bhagavā duvidhampi ālayaṃ uyyānabhūmiṃ viya dassento ‘‘ālayārāmā’’tiādimāha. Sesamettha uttānameva.
ဒုတိယတထာဂတအစ္ဆရိယသုတ္တဝဏ္ဏနာ နိဋ္ဌိတာ။
Dutiyatathāgataacchariyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. ဒုတိယတထာဂတအစ္ဆရိယသုတ္တံ • 8. Dutiyatathāgataacchariyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၈. ဒုတိယတထာဂတအစ္ဆရိယသုတ္တဝဏ္ဏနာ • 8. Dutiyatathāgataacchariyasuttavaṇṇanā
