| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਦੁਤਿਯਤਥਾਗਤਅਚ੍ਛਰਿਯਸੁਤ੍ਤવਣ੍ਣਨਾ
8. Dutiyatathāgataacchariyasuttavaṇṇanā
੧੨੮. ਅਟ੍ਠਮੇ ਤਣ੍ਹਾਦਿਟ੍ਠੀਹਿ ਅਲ੍ਲੀਯਿਤਬ੍ਬਟ੍ਠੇਨ ਆਲਯੋਤਿ ਪਞ੍ਚ ਕਾਮਗੁਣਾ, ਸਕਲਮੇવ વਾ વਟ੍ਟਂ। ਆਰਮਨ੍ਤਿ ਏਤ੍ਥਾਤਿ ਆਰਾਮੋ, ਆਲਯੋ ਆਰਾਮੋ ਏਤਿਸ੍ਸਾਤਿ ਆਲਯਾਰਾਮਾ। ਆਲਯੇ ਰਤਾਤਿ ਆਲਯਰਤਾ । ਆਲਯੇ ਸਮ੍ਮੁਦਿਤਾਤਿ ਆਲਯਸਮ੍ਮੁਦਿਤਾ। ਅਨਾਲਯੇ ਧਮ੍ਮੇਤਿ ਆਲਯਪਟਿਪਕ੍ਖੇ વਿવਟ੍ਟੂਪਨਿਸ੍ਸਿਤੇ ਅਰਿਯਧਮ੍ਮੇ। ਸੁਸ੍ਸੂਸਤੀਤਿ ਸੋਤੁਕਾਮੋ ਹੋਤਿ। ਸੋਤਂ ਓਦਹਤੀਤਿ ਸੋਤਂ ਠਪੇਤਿ। ਅਞ੍ਞਾ ਚਿਤ੍ਤਂ ਉਪਟ੍ਠਪੇਤੀਤਿ ਆਜਾਨਨਤ੍ਥਾਯ ਚਿਤ੍ਤਂ ਪਚ੍ਚੁਪਟ੍ਠਪੇਤਿ। ਮਾਨੋਤਿ ਮਞ੍ਞਨਾ, ਮਞ੍ਞਿਤਬ੍ਬਟ੍ਠੇਨ વਾ ਸਕਲਂ વਟ੍ਟਮੇવ। ਮਾਨવਿਨਯੇ ਧਮ੍ਮੇਤਿ ਮਾਨવਿਨਯਧਮ੍ਮੇ। ਉਪਸਮਪਟਿਪਕ੍ਖੋ ਅਨੁਪਸਮੋ, ਅਨੁਪਸਨ੍ਤਟ੍ਠੇਨ વਾ વਟ੍ਟਮੇવ ਅਨੁਪਸਮੋ ਨਾਮ। ਓਪਸਮਿਕੇਤਿ ਉਪਸਮਕਰੇ વਿવਟ੍ਟੂਪਨਿਸ੍ਸਿਤੇ। ਅવਿਜ੍ਜਾਯ ਗਤਾ ਸਮਨ੍ਨਾਗਤਾਤਿ ਅવਿਜ੍ਜਾਗਤਾ। ਅવਿਜ੍ਜਣ੍ਡਕੋਸੇਨ ਪਰਿਯੋਨਦ੍ਧਤ੍ਤਾ ਅਣ੍ਡਂ વਿਯ ਭੂਤਾਤਿ ਅਣ੍ਡਭੂਤਾ। ਸਮਨ੍ਤਤੋ ਓਨਦ੍ਧਾਤਿ ਪਰਿਯੋਨਦ੍ਧਾ। ਅવਿਜ੍ਜਾવਿਨਯੇਤਿ ਅવਿਜ੍ਜਾવਿਨਯੋ વੁਚ੍ਚਤਿ ਅਰਹਤ੍ਤਂ, ਤਂਨਿਸ੍ਸਿਤੇ ਧਮ੍ਮੇ ਦੇਸਿਯਮਾਨੇਤਿ ਅਤ੍ਥੋ। ਇਤਿ ਇਮਸ੍ਮਿਂ ਸੁਤ੍ਤੇ ਚਤੂਸੁ ਠਾਨੇਸੁ વਟ੍ਟਂ, ਚਤੂਸੁ વਿવਟ੍ਟਂ ਕਥਿਤਂ।
128. Aṭṭhame taṇhādiṭṭhīhi allīyitabbaṭṭhena ālayoti pañca kāmaguṇā, sakalameva vā vaṭṭaṃ. Āramanti etthāti ārāmo, ālayo ārāmo etissāti ālayārāmā. Ālaye ratāti ālayaratā. Ālaye sammuditāti ālayasammuditā. Anālaye dhammeti ālayapaṭipakkhe vivaṭṭūpanissite ariyadhamme. Sussūsatīti sotukāmo hoti. Sotaṃ odahatīti sotaṃ ṭhapeti. Aññā cittaṃ upaṭṭhapetīti ājānanatthāya cittaṃ paccupaṭṭhapeti. Mānoti maññanā, maññitabbaṭṭhena vā sakalaṃ vaṭṭameva. Mānavinaye dhammeti mānavinayadhamme. Upasamapaṭipakkho anupasamo, anupasantaṭṭhena vā vaṭṭameva anupasamo nāma. Opasamiketi upasamakare vivaṭṭūpanissite. Avijjāya gatā samannāgatāti avijjāgatā. Avijjaṇḍakosena pariyonaddhattā aṇḍaṃ viya bhūtāti aṇḍabhūtā. Samantato onaddhāti pariyonaddhā. Avijjāvinayeti avijjāvinayo vuccati arahattaṃ, taṃnissite dhamme desiyamāneti attho. Iti imasmiṃ sutte catūsu ṭhānesu vaṭṭaṃ, catūsu vivaṭṭaṃ kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਦੁਤਿਯਤਥਾਗਤਅਚ੍ਛਰਿਯਸੁਤ੍ਤਂ • 8. Dutiyatathāgataacchariyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮. ਦੁਤਿਯਤਥਾਗਤਅਚ੍ਛਰਿਯਸੁਤ੍ਤવਣ੍ਣਨਾ • 8. Dutiyatathāgataacchariyasuttavaṇṇanā
