| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
2-3-4. து³தியததியசதுத்த²ஸிக்கா²பத³வண்ணனா
2-3-4. Dutiyatatiyacatutthasikkhāpadavaṇṇanā
842-6. து³தியததியசதுத்தா²னி உத்தானானி. ஸப்³ப³த்த² ‘‘ஸல்லபதீதி யங் கிஞ்சி திரச்சா²னகத²ங் கதே²தீ’’தி போராணக³ண்டி²பதே³ வுத்தங்.
842-6. Dutiyatatiyacatutthāni uttānāni. Sabbattha ‘‘sallapatīti yaṃ kiñci tiracchānakathaṃ kathetī’’ti porāṇagaṇṭhipade vuttaṃ.
852. சதுத்தே² பனாயங் விஸேஸோ – ‘‘ஏகேனேகா’’தி பட²மங் வுத்தத்தா து³தியிகங் வா பி⁴க்கு²னீனங் உய்யோஜெய்ய, பாசித்தியங் ந ஸம்ப⁴வதீதி சே? ஸம்ப⁴வதி. கஸ்மா? ஸந்திட்ட²னாதி³த்தயமத்தாபெக்க²த்தா, தஸ்ஸ வசனஸ்ஸாபி வா அஞ்ஞாயபி ரஹோபெக்க²னஸ்ஸாத³ஸம்ப⁴வே ஸதி உபி⁴ன்னங் ஏகத்த²ஸம்ப⁴வதோ ச ஸாதி⁴தமேதங். ‘‘ஹத்த²பாஸங் விஜஹித்வா ஸந்திட்ட²தி வா ஸல்லபதி வா’’தி எத்தகமேவ வுத்தங். கஸ்மா ‘‘நிகண்ணிகங் வா ஜப்பேதீ’’தி ந வுத்தங்? ஹத்த²பாஸாதிக்கமே அஸம்ப⁴வதோ. தஸ்ஸ ததியஸ்ஸ பத³ஸ்ஸ பச்சி²ன்னத்தா ஸம்ப⁴வந்தம்பி ‘‘து³தியிகங் வா உய்யோஜேதீ’’தி ந வுத்தங், தஸ்மா அத்த²தோ ஹத்த²பாஸங் விஜஹித்வா ஸந்திட்ட²தி வா ஸல்லபதி வா து³தியிகங் வா உய்யோஜேதி, ஆபத்தி து³க்கடஸ்ஸாதி வுத்தங் ஹோதி. ஏஸ நயோ யக்கே²ன வாதிஆதீ³ஸுபி. தத்த² ‘‘ஹத்த²பாஸே’’தி வா ‘‘ஹத்த²பாஸங் விஜஹித்வா’’தி வா ந வுத்தங் உப⁴யத்த² து³க்கடத்தா. அனாபத்திவாரேபி அஸம்ப⁴வதோ ‘‘நிகண்ணிகங் வா ஜப்பேதீ’’தி ந வுத்தந்தி சே? ஸம்ப⁴வதி ஸதி கரணீயே நிகண்ணிகங் வா ஜப்பேதீதி ஸம்ப⁴வதோ. அத² கஸ்மா ஏவங் ந வுத்தந்தி சே? அனவஜ்ஜகதா²யங் நிகண்ணிகஜப்பனே பயோஜனாபா⁴வா, த⁴ம்மகதா²யம்பி உதா³யிங் ஆரப்³ப⁴ படிஸித்³த⁴த்தா ச.
852. Catutthe panāyaṃ viseso – ‘‘ekenekā’’ti paṭhamaṃ vuttattā dutiyikaṃ vā bhikkhunīnaṃ uyyojeyya, pācittiyaṃ na sambhavatīti ce? Sambhavati. Kasmā? Santiṭṭhanādittayamattāpekkhattā, tassa vacanassāpi vā aññāyapi rahopekkhanassādasambhave sati ubhinnaṃ ekatthasambhavato ca sādhitametaṃ. ‘‘Hatthapāsaṃ vijahitvā santiṭṭhati vā sallapati vā’’ti ettakameva vuttaṃ. Kasmā ‘‘nikaṇṇikaṃ vā jappetī’’ti na vuttaṃ? Hatthapāsātikkame asambhavato. Tassa tatiyassa padassa pacchinnattā sambhavantampi ‘‘dutiyikaṃ vā uyyojetī’’ti na vuttaṃ, tasmā atthato hatthapāsaṃ vijahitvā santiṭṭhati vā sallapati vā dutiyikaṃ vā uyyojeti, āpatti dukkaṭassāti vuttaṃ hoti. Esa nayo yakkhena vātiādīsupi. Tattha ‘‘hatthapāse’’ti vā ‘‘hatthapāsaṃ vijahitvā’’ti vā na vuttaṃ ubhayattha dukkaṭattā. Anāpattivārepi asambhavato ‘‘nikaṇṇikaṃ vā jappetī’’ti na vuttanti ce? Sambhavati sati karaṇīye nikaṇṇikaṃ vā jappetīti sambhavato. Atha kasmā evaṃ na vuttanti ce? Anavajjakathāyaṃ nikaṇṇikajappane payojanābhāvā, dhammakathāyampi udāyiṃ ārabbha paṭisiddhattā ca.
து³தியததியசதுத்த²ஸிக்கா²பத³வண்ணனா நிட்டி²தா.
Dutiyatatiyacatutthasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga
2. து³தியஸிக்கா²பத³ங் • 2. Dutiyasikkhāpadaṃ
3. ததியஸிக்கா²பத³ங் • 3. Tatiyasikkhāpadaṃ
4. சதுத்த²ஸிக்கா²பத³ங் • 4. Catutthasikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā
2. து³தியஸிக்கா²பத³வண்ணனா • 2. Dutiyasikkhāpadavaṇṇanā
3. ததியஸிக்கா²பத³வண்ணனா • 3. Tatiyasikkhāpadavaṇṇanā
4. சதுத்த²ஸிக்கா²பத³வண்ணனா • 4. Catutthasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 2. அந்த⁴காரவக்³க³வண்ணனா • 2. Andhakāravaggavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 1. பட²மாதி³ஸிக்கா²பத³வண்ணனா • 1. Paṭhamādisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
2. து³தியஸிக்கா²பத³ங் • 2. Dutiyasikkhāpadaṃ
3. ததியஸிக்கா²பத³ங் • 3. Tatiyasikkhāpadaṃ
