| Library / Tipiṭaka / ติปิฎก • Tipiṭaka / วชิรพุทฺธิ-ฎีกา • Vajirabuddhi-ṭīkā |
๒-๓-๔. ทุติยตติยจตุตฺถสิกฺขาปทวณฺณนา
2-3-4. Dutiyatatiyacatutthasikkhāpadavaṇṇanā
๘๔๒-๖. ทุติยตติยจตุตฺถานิ อุตฺตานานิฯ สพฺพตฺถ ‘‘สลฺลปตีติ ยํ กิญฺจิ ติรจฺฉานกถํ กเถตี’’ติ โปราณคณฺฐิปเท วุตฺตํฯ
842-6. Dutiyatatiyacatutthāni uttānāni. Sabbattha ‘‘sallapatīti yaṃ kiñci tiracchānakathaṃ kathetī’’ti porāṇagaṇṭhipade vuttaṃ.
๘๕๒. จตุเตฺถ ปนายํ วิเสโส – ‘‘เอเกเนกา’’ติ ปฐมํ วุตฺตตฺตา ทุติยิกํ วา ภิกฺขุนีนํ อุโยฺยเชยฺย, ปาจิตฺติยํ น สมฺภวตีติ เจ? สมฺภวติฯ กสฺมา? สนฺติฎฺฐนาทิตฺตยมตฺตาเปกฺขตฺตา, ตสฺส วจนสฺสาปิ วา อญฺญายปิ รโหเปกฺขนสฺสาทสมฺภเว สติ อุภินฺนํ เอกตฺถสมฺภวโต จ สาธิตเมตํฯ ‘‘หตฺถปาสํ วิชหิตฺวา สนฺติฎฺฐติ วา สลฺลปติ วา’’ติ เอตฺตกเมว วุตฺตํฯ กสฺมา ‘‘นิกณฺณิกํ วา ชเปฺปตี’’ติ น วุตฺตํ? หตฺถปาสาติกฺกเม อสมฺภวโตฯ ตสฺส ตติยสฺส ปทสฺส ปจฺฉินฺนตฺตา สมฺภวนฺตมฺปิ ‘‘ทุติยิกํ วา อุโยฺยเชตี’’ติ น วุตฺตํ, ตสฺมา อตฺถโต หตฺถปาสํ วิชหิตฺวา สนฺติฎฺฐติ วา สลฺลปติ วา ทุติยิกํ วา อุโยฺยเชติ, อาปตฺติ ทุกฺกฎสฺสาติ วุตฺตํ โหติฯ เอส นโย ยเกฺขน วาติอาทีสุปิฯ ตตฺถ ‘‘หตฺถปาเส’’ติ วา ‘‘หตฺถปาสํ วิชหิตฺวา’’ติ วา น วุตฺตํ อุภยตฺถ ทุกฺกฎตฺตาฯ อนาปตฺติวาเรปิ อสมฺภวโต ‘‘นิกณฺณิกํ วา ชเปฺปตี’’ติ น วุตฺตนฺติ เจ? สมฺภวติ สติ กรณีเย นิกณฺณิกํ วา ชเปฺปตีติ สมฺภวโตฯ อถ กสฺมา เอวํ น วุตฺตนฺติ เจ? อนวชฺชกถายํ นิกณฺณิกชปฺปเน ปโยชนาภาวา, ธมฺมกถายมฺปิ อุทายิํ อารพฺภ ปฎิสิทฺธตฺตา จฯ
852. Catutthe panāyaṃ viseso – ‘‘ekenekā’’ti paṭhamaṃ vuttattā dutiyikaṃ vā bhikkhunīnaṃ uyyojeyya, pācittiyaṃ na sambhavatīti ce? Sambhavati. Kasmā? Santiṭṭhanādittayamattāpekkhattā, tassa vacanassāpi vā aññāyapi rahopekkhanassādasambhave sati ubhinnaṃ ekatthasambhavato ca sādhitametaṃ. ‘‘Hatthapāsaṃ vijahitvā santiṭṭhati vā sallapati vā’’ti ettakameva vuttaṃ. Kasmā ‘‘nikaṇṇikaṃ vā jappetī’’ti na vuttaṃ? Hatthapāsātikkame asambhavato. Tassa tatiyassa padassa pacchinnattā sambhavantampi ‘‘dutiyikaṃ vā uyyojetī’’ti na vuttaṃ, tasmā atthato hatthapāsaṃ vijahitvā santiṭṭhati vā sallapati vā dutiyikaṃ vā uyyojeti, āpatti dukkaṭassāti vuttaṃ hoti. Esa nayo yakkhena vātiādīsupi. Tattha ‘‘hatthapāse’’ti vā ‘‘hatthapāsaṃ vijahitvā’’ti vā na vuttaṃ ubhayattha dukkaṭattā. Anāpattivārepi asambhavato ‘‘nikaṇṇikaṃ vā jappetī’’ti na vuttanti ce? Sambhavati sati karaṇīye nikaṇṇikaṃ vā jappetīti sambhavato. Atha kasmā evaṃ na vuttanti ce? Anavajjakathāyaṃ nikaṇṇikajappane payojanābhāvā, dhammakathāyampi udāyiṃ ārabbha paṭisiddhattā ca.
ทุติยตติยจตุตฺถสิกฺขาปทวณฺณนา นิฎฺฐิตาฯ
Dutiyatatiyacatutthasikkhāpadavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / ภิกฺขุนีวิภงฺค • Bhikkhunīvibhaṅga
๒. ทุติยสิกฺขาปทํ • 2. Dutiyasikkhāpadaṃ
๓. ตติยสิกฺขาปทํ • 3. Tatiyasikkhāpadaṃ
๔. จตุตฺถสิกฺขาปทํ • 4. Catutthasikkhāpadaṃ
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / ภิกฺขุนีวิภงฺค-อฎฺฐกถา • Bhikkhunīvibhaṅga-aṭṭhakathā
๒. ทุติยสิกฺขาปทวณฺณนา • 2. Dutiyasikkhāpadavaṇṇanā
๓. ตติยสิกฺขาปทวณฺณนา • 3. Tatiyasikkhāpadavaṇṇanā
๔. จตุตฺถสิกฺขาปทวณฺณนา • 4. Catutthasikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / ๒. อนฺธการวคฺควณฺณนา • 2. Andhakāravaggavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / วิมติวิโนทนี-ฎีกา • Vimativinodanī-ṭīkā / ๑. ปฐมาทิสิกฺขาปทวณฺณนา • 1. Paṭhamādisikkhāpadavaṇṇanā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / ปาจิตฺยาทิโยชนาปาฬิ • Pācityādiyojanāpāḷi
๒. ทุติยสิกฺขาปทํ • 2. Dutiyasikkhāpadaṃ
๓. ตติยสิกฺขาปทํ • 3. Tatiyasikkhāpadaṃ
