| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
9. து³தியஉச்சாரச²ட்³ட³னஸிக்கா²பத³வண்ணனா
9. Dutiyauccārachaḍḍanasikkhāpadavaṇṇanā
பி⁴க்கு²னியாபீதி பி-ஸத்³தே³ன பி⁴க்கு²ங் ஸமுச்சினோதி. அனிக்கி²த்தபீ³ஜேஸு (பாசி॰ அட்ட²॰ 830) பன கெ²த்தேஸு கோணாதீ³ஸு வா அஸஞ்ஜாதரோபிமேஸு கெ²த்தமரியாதா³தீ³ஸு வா ச²ட்³டே³துங் வட்டதி. மனுஸ்ஸானங் கசவரச²ட்³ட³னட்டா²னேபி வட்டதியேவ. ச²ட்³டி³தகெ²த்தேதி மனுஸ்ஸேஸு ஸஸ்ஸங் உத்³த⁴ரித்வா க³தேஸு ச²ட்³டி³தகெ²த்தங் நாம ஹோதி, தத்த² வட்டதி. யத்த² பன ‘‘லாயிதம்பி புப்³ப³ண்ணாதி³ புன உட்ட²ஹிஸ்ஸதீ’’தி ரக்க²ந்தி, தத்த² யதா²வத்து²கமேவ. ஸாமிகே அபலோகெத்வாதி எத்த² கெ²த்தபாலகா, ஆராமாதி³கோ³பகா ச ஸாமிகாவ. இமினா ச ஸங்க⁴ஸந்தகே பி⁴க்கு²ஸ்ஸ ச²ட்³டே³துங் வட்டதி ஸங்க⁴பரியாபன்னத்தா, ந பி⁴க்கு²னீனங். பி⁴க்கு²னீனங் பன அத்தனோ ஸந்தகே பி⁴க்கு²ஸந்தகே வுத்தனயேனேவ வட்டதீதி த³ஸ்ஸேதி, ஏவங் ஸந்தேபி ஸாருப்பவஸேன காதப்³ப³ங்.
Bhikkhuniyāpīti pi-saddena bhikkhuṃ samuccinoti. Anikkhittabījesu (pāci. aṭṭha. 830) pana khettesu koṇādīsu vā asañjātaropimesu khettamariyādādīsu vā chaḍḍetuṃ vaṭṭati. Manussānaṃ kacavarachaḍḍanaṭṭhānepi vaṭṭatiyeva. Chaḍḍitakhetteti manussesu sassaṃ uddharitvā gatesu chaḍḍitakhettaṃ nāma hoti, tattha vaṭṭati. Yattha pana ‘‘lāyitampi pubbaṇṇādi puna uṭṭhahissatī’’ti rakkhanti, tattha yathāvatthukameva. Sāmike apaloketvāti ettha khettapālakā, ārāmādigopakā ca sāmikāva. Iminā ca saṅghasantake bhikkhussa chaḍḍetuṃ vaṭṭati saṅghapariyāpannattā, na bhikkhunīnaṃ. Bhikkhunīnaṃ pana attano santake bhikkhusantake vuttanayeneva vaṭṭatīti dasseti, evaṃ santepi sāruppavasena kātabbaṃ.
து³தியஉச்சாரச²ட்³ட³னஸிக்கா²பத³வண்ணனா நிட்டி²தா.
Dutiyauccārachaḍḍanasikkhāpadavaṇṇanā niṭṭhitā.
