| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੯. ਦੁਤਿਯਉਚ੍ਚਾਰਛਡ੍ਡਨਸਿਕ੍ਖਾਪਦવਣ੍ਣਨਾ
9. Dutiyauccārachaḍḍanasikkhāpadavaṇṇanā
ਭਿਕ੍ਖੁਨਿਯਾਪੀਤਿ ਪਿ-ਸਦ੍ਦੇਨ ਭਿਕ੍ਖੁਂ ਸਮੁਚ੍ਚਿਨੋਤਿ। ਅਨਿਕ੍ਖਿਤ੍ਤਬੀਜੇਸੁ (ਪਾਚਿ॰ ਅਟ੍ਠ॰ ੮੩੦) ਪਨ ਖੇਤ੍ਤੇਸੁ ਕੋਣਾਦੀਸੁ વਾ ਅਸਞ੍ਜਾਤਰੋਪਿਮੇਸੁ ਖੇਤ੍ਤਮਰਿਯਾਦਾਦੀਸੁ વਾ ਛਡ੍ਡੇਤੁਂ વਟ੍ਟਤਿ। ਮਨੁਸ੍ਸਾਨਂ ਕਚવਰਛਡ੍ਡਨਟ੍ਠਾਨੇਪਿ વਟ੍ਟਤਿਯੇવ। ਛਡ੍ਡਿਤਖੇਤ੍ਤੇਤਿ ਮਨੁਸ੍ਸੇਸੁ ਸਸ੍ਸਂ ਉਦ੍ਧਰਿਤ੍વਾ ਗਤੇਸੁ ਛਡ੍ਡਿਤਖੇਤ੍ਤਂ ਨਾਮ ਹੋਤਿ, ਤਤ੍ਥ વਟ੍ਟਤਿ। ਯਤ੍ਥ ਪਨ ‘‘ਲਾਯਿਤਮ੍ਪਿ ਪੁਬ੍ਬਣ੍ਣਾਦਿ ਪੁਨ ਉਟ੍ਠਹਿਸ੍ਸਤੀ’’ਤਿ ਰਕ੍ਖਨ੍ਤਿ, ਤਤ੍ਥ ਯਥਾવਤ੍ਥੁਕਮੇવ। ਸਾਮਿਕੇ ਅਪਲੋਕੇਤ੍વਾਤਿ ਏਤ੍ਥ ਖੇਤ੍ਤਪਾਲਕਾ, ਆਰਾਮਾਦਿਗੋਪਕਾ ਚ ਸਾਮਿਕਾવ। ਇਮਿਨਾ ਚ ਸਙ੍ਘਸਨ੍ਤਕੇ ਭਿਕ੍ਖੁਸ੍ਸ ਛਡ੍ਡੇਤੁਂ વਟ੍ਟਤਿ ਸਙ੍ਘਪਰਿਯਾਪਨ੍ਨਤ੍ਤਾ, ਨ ਭਿਕ੍ਖੁਨੀਨਂ। ਭਿਕ੍ਖੁਨੀਨਂ ਪਨ ਅਤ੍ਤਨੋ ਸਨ੍ਤਕੇ ਭਿਕ੍ਖੁਸਨ੍ਤਕੇ વੁਤ੍ਤਨਯੇਨੇવ વਟ੍ਟਤੀਤਿ ਦਸ੍ਸੇਤਿ, ਏવਂ ਸਨ੍ਤੇਪਿ ਸਾਰੁਪ੍ਪવਸੇਨ ਕਾਤਬ੍ਬਂ।
Bhikkhuniyāpīti pi-saddena bhikkhuṃ samuccinoti. Anikkhittabījesu (pāci. aṭṭha. 830) pana khettesu koṇādīsu vā asañjātaropimesu khettamariyādādīsu vā chaḍḍetuṃ vaṭṭati. Manussānaṃ kacavarachaḍḍanaṭṭhānepi vaṭṭatiyeva. Chaḍḍitakhetteti manussesu sassaṃ uddharitvā gatesu chaḍḍitakhettaṃ nāma hoti, tattha vaṭṭati. Yattha pana ‘‘lāyitampi pubbaṇṇādi puna uṭṭhahissatī’’ti rakkhanti, tattha yathāvatthukameva. Sāmike apaloketvāti ettha khettapālakā, ārāmādigopakā ca sāmikāva. Iminā ca saṅghasantake bhikkhussa chaḍḍetuṃ vaṭṭati saṅghapariyāpannattā, na bhikkhunīnaṃ. Bhikkhunīnaṃ pana attano santake bhikkhusantake vuttanayeneva vaṭṭatīti dasseti, evaṃ santepi sāruppavasena kātabbaṃ.
ਦੁਤਿਯਉਚ੍ਚਾਰਛਡ੍ਡਨਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyauccārachaḍḍanasikkhāpadavaṇṇanā niṭṭhitā.
