| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. д̣̇уд̇ияауг̇г̇асуд̇д̇ам̣
2. Dutiyauggasuttaṃ
22. згам̣ самаяам̣ бхаг̇аваа важ̇ж̇ийсу вихарад̇и хад̇т̇иг̇аамз. д̇ад̇ра ко бхаг̇аваа бхигкуу ааманд̇зси – ‘‘адтахи, бхигкавз, ажчариязхи аб̣бхуд̇зхи д̇хаммзхи саманнааг̇ад̇ам̣ уг̇г̇ам̣ г̇ахабад̇им̣ хад̇т̇иг̇аамагам̣ д̇хаарзт̇аа’’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о удтааяаасанаа вихаарам̣ баависи.
22. Ekaṃ samayaṃ bhagavā vajjīsu viharati hatthigāme. Tatra kho bhagavā bhikkhū āmantesi – ‘‘aṭṭhahi, bhikkhave, acchariyehi abbhutehi dhammehi samannāgataṃ uggaṃ gahapatiṃ hatthigāmakaṃ dhārethā’’ti. Idamavoca bhagavā. Idaṃ vatvāna sugato uṭṭhāyāsanā vihāraṃ pāvisi.
ат̇а ко ан̃н̃ад̇аро бхигку буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна уг̇г̇асса г̇ахабад̇ино хад̇т̇иг̇аамагасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко уг̇г̇о г̇ахабад̇и хад̇т̇иг̇аамаго язна со бхигку д̇знубасан̇гами; убасан̇гамид̇ваа д̇ам̣ бхигкум̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко уг̇г̇ам̣ г̇ахабад̇им̣ хад̇т̇иг̇аамагам̣ со бхигку зд̇ад̣̇авожа – ‘‘адтахи ко д̇вам̣, г̇ахабад̇и, ажчариязхи аб̣бхуд̇зхи д̇хаммзхи саманнааг̇ад̇о бхаг̇авад̇аа б̣яаагад̇о. гад̇амз д̇з, г̇ахабад̇и, адта ажчарияаа аб̣бхуд̇аа д̇хаммаа, язхи д̇вам̣ саманнааг̇ад̇о бхаг̇авад̇аа б̣яаагад̇о’’д̇и?
Atha kho aññataro bhikkhu pubbaṇhasamayaṃ nivāsetvā pattacīvaramādāya yena uggassa gahapatino hatthigāmakassa nivesanaṃ tenupasaṅkami; upasaṅkamitvā paññatte āsane nisīdi. Atha kho uggo gahapati hatthigāmako yena so bhikkhu tenupasaṅkami; upasaṅkamitvā taṃ bhikkhuṃ abhivādetvā ekamantaṃ nisīdi. Ekamantaṃ nisinnaṃ kho uggaṃ gahapatiṃ hatthigāmakaṃ so bhikkhu etadavoca – ‘‘aṭṭhahi kho tvaṃ, gahapati, acchariyehi abbhutehi dhammehi samannāgato bhagavatā byākato. Katame te, gahapati, aṭṭha acchariyā abbhutā dhammā, yehi tvaṃ samannāgato bhagavatā byākato’’ti?
‘‘на ко ахам̣, бханд̇з, ж̇аанаами – гад̇амзхи адтахи ажчариязхи аб̣бхуд̇зхи д̇хаммзхи саманнааг̇ад̇о бхаг̇авад̇аа б̣яаагад̇од̇и. аби жа, бханд̇з, яз мз адта ажчарияаа аб̣бхуд̇аа д̇хаммаа сам̣виж̇ж̇анд̇и, д̇ам̣ сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, г̇ахабад̇ий’’д̇и ко со бхигку уг̇г̇асса г̇ахабад̇ино хад̇т̇иг̇аамагасса бажжассоси. уг̇г̇о г̇ахабад̇и хад̇т̇иг̇аамаго зд̇ад̣̇авожа – ‘‘яад̣̇аахам̣, бханд̇з, нааг̇аванз барижаранд̇о бхаг̇аванд̇ам̣ батамам̣ д̣̇уурад̇ова ад̣̇д̣̇асам̣; саха д̣̇ассанзнзва мз, бханд̇з, бхаг̇авад̇о жид̇д̇ам̣ басийд̣̇и, сураамад̣̇о жа бахийяи. аяам̣ ко мз, бханд̇з, батамо ажчарияо аб̣бхуд̇о д̇хаммо сам̣виж̇ж̇ад̇и.
‘‘Na kho ahaṃ, bhante, jānāmi – katamehi aṭṭhahi acchariyehi abbhutehi dhammehi samannāgato bhagavatā byākatoti. Api ca, bhante, ye me aṭṭha acchariyā abbhutā dhammā saṃvijjanti, taṃ suṇāhi, sādhukaṃ manasi karohi; bhāsissāmī’’ti. ‘‘Evaṃ, gahapatī’’ti kho so bhikkhu uggassa gahapatino hatthigāmakassa paccassosi. Uggo gahapati hatthigāmako etadavoca – ‘‘yadāhaṃ, bhante, nāgavane paricaranto bhagavantaṃ paṭhamaṃ dūratova addasaṃ; saha dassaneneva me, bhante, bhagavato cittaṃ pasīdi, surāmado ca pahīyi. Ayaṃ kho me, bhante, paṭhamo acchariyo abbhuto dhammo saṃvijjati.
‘‘со ко ахам̣, бханд̇з, басаннажид̇д̇о бхаг̇аванд̇ам̣ баяирубаасим̣. д̇асса мз бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣; гаамаанам̣ аад̣̇ийнавам̣ огаарам̣ сам̣гилзсам̣, нзгкаммз аанисам̣сам̣ багаасзси. яад̣̇аа мам̣ бхаг̇аваа ан̃н̃ааси галлажид̇д̇ам̣ муд̣̇ужид̇д̇ам̣ винийваран̣ажид̇д̇ам̣ уд̣̇аг̇г̇ажид̇д̇ам̣ басаннажид̇д̇ам̣, ат̇а яаа б̣уд̣̇д̇хаанам̣ саамуггам̣сигаа д̇хаммад̣̇зсанаа д̇ам̣ багаасзси – д̣̇угкам̣, самуд̣̇аяам̣, нирод̇хам̣, маг̇г̇ам̣. сзяяат̇ааби наама суд̣̇д̇хам̣ вад̇т̇ам̣ абаг̇ад̇агаал̣агам̣ саммад̣̇зва раж̇анам̣ бадиг̇г̇ан̣хзяяа; звамзвам̣ ко мз д̇асмим̣язва аасанз вираж̇ам̣ вийд̇амалам̣ д̇хаммажагкум̣ уд̣̇абаад̣̇и – ‘яам̣ гин̃жи самуд̣̇аяад̇хаммам̣, саб̣б̣ам̣ д̇ам̣ нирод̇хад̇хамма’нд̇и. со ко ахам̣, бханд̇з, д̣̇идтад̇хаммо бад̇д̇ад̇хаммо вид̣̇ид̇ад̇хаммо барияог̇аал̣хад̇хаммо д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз д̇ад̇т̇зва б̣уд̣̇д̇хан̃жа д̇хамман̃жа сан̇гхан̃жа саран̣ам̣ аг̇амаасим̣, б̣рахмажарияабан̃жамаани жа сигкаабад̣̇аани самаад̣̇ияим̣. аяам̣ ко мз, бханд̇з, д̣̇уд̇ияо ажчарияо аб̣бхуд̇о д̇хаммо сам̣виж̇ж̇ад̇и.
‘‘So kho ahaṃ, bhante, pasannacitto bhagavantaṃ payirupāsiṃ. Tassa me bhagavā anupubbiṃ kathaṃ kathesi, seyyathidaṃ – dānakathaṃ sīlakathaṃ saggakathaṃ; kāmānaṃ ādīnavaṃ okāraṃ saṃkilesaṃ, nekkhamme ānisaṃsaṃ pakāsesi. Yadā maṃ bhagavā aññāsi kallacittaṃ muducittaṃ vinīvaraṇacittaṃ udaggacittaṃ pasannacittaṃ, atha yā buddhānaṃ sāmukkaṃsikā dhammadesanā taṃ pakāsesi – dukkhaṃ, samudayaṃ, nirodhaṃ, maggaṃ. Seyyathāpi nāma suddhaṃ vatthaṃ apagatakāḷakaṃ sammadeva rajanaṃ paṭiggaṇheyya; evamevaṃ kho me tasmiṃyeva āsane virajaṃ vītamalaṃ dhammacakkhuṃ udapādi – ‘yaṃ kiñci samudayadhammaṃ, sabbaṃ taṃ nirodhadhamma’nti. So kho ahaṃ, bhante, diṭṭhadhammo pattadhammo viditadhammo pariyogāḷhadhammo tiṇṇavicikiccho vigatakathaṃkatho vesārajjappatto aparappaccayo satthusāsane tattheva buddhañca dhammañca saṅghañca saraṇaṃ agamāsiṃ, brahmacariyapañcamāni ca sikkhāpadāni samādiyiṃ. Ayaṃ kho me, bhante, dutiyo acchariyo abbhuto dhammo saṃvijjati.
‘‘д̇асса маяхам̣, бханд̇з, жад̇ассо гомаарияо баж̇аабад̇ияо ахзсум̣. ат̇а кваахам̣, бханд̇з, язна д̇аа баж̇аабад̇ияо д̇знубасан̇гамим̣; убасан̇гамид̇ваа д̇аа баж̇аабад̇ияо зд̇ад̣̇аважам̣ – ‘маяаа ко, бхаг̇инияо, б̣рахмажарияабан̃жамаани сигкаабад̣̇аани самаад̣̇иннаани. яаа ижчад̇и саа ид̇хзва бхог̇з жа бхун̃ж̇ад̇у бун̃н̃аани жа гарод̇у, сагаани ваа н̃аад̇игулаани г̇ажчад̇у. ход̇и ваа бана бурисаад̇хиббааяо, гасса во д̣̇аммий’д̇и? звам̣ вуд̇д̇з саа, бханд̇з, ж̇здтаа баж̇аабад̇и мам̣ зд̇ад̣̇авожа – ‘ид̇т̇аннаамасса мам̣, аяяабуд̇д̇а, бурисасса д̣̇зхий’д̇и. ат̇а ко ахам̣, бханд̇з, д̇ам̣ бурисам̣ баггосаабзд̇ваа ваамзна хад̇т̇зна баж̇аабад̇им̣ г̇ахзд̇ваа д̣̇агкин̣зна хад̇т̇зна бхин̇г̇аарам̣ г̇ахзд̇ваа д̇асса бурисасса он̣ож̇зсим̣. гомаарим̣ ко банаахам̣, бханд̇з, д̣̇аарам̣ барижжаж̇анд̇о наабхиж̇аанаами жид̇д̇асса ан̃н̃ат̇ад̇д̇ам̣. аяам̣ ко мз, бханд̇з, д̇ад̇ияо ажчарияо аб̣бхуд̇о д̇хаммо сам̣виж̇ж̇ад̇и.
‘‘Tassa mayhaṃ, bhante, catasso komāriyo pajāpatiyo ahesuṃ. Atha khvāhaṃ, bhante, yena tā pajāpatiyo tenupasaṅkamiṃ; upasaṅkamitvā tā pajāpatiyo etadavacaṃ – ‘mayā kho, bhaginiyo, brahmacariyapañcamāni sikkhāpadāni samādinnāni. Yā icchati sā idheva bhoge ca bhuñjatu puññāni ca karotu, sakāni vā ñātikulāni gacchatu. Hoti vā pana purisādhippāyo, kassa vo dammī’ti? Evaṃ vutte sā, bhante, jeṭṭhā pajāpati maṃ etadavoca – ‘itthannāmassa maṃ, ayyaputta, purisassa dehī’ti. Atha kho ahaṃ, bhante, taṃ purisaṃ pakkosāpetvā vāmena hatthena pajāpatiṃ gahetvā dakkhiṇena hatthena bhiṅgāraṃ gahetvā tassa purisassa oṇojesiṃ. Komāriṃ kho panāhaṃ, bhante, dāraṃ pariccajanto nābhijānāmi cittassa aññathattaṃ. Ayaṃ kho me, bhante, tatiyo acchariyo abbhuto dhammo saṃvijjati.
‘‘сам̣виж̇ж̇анд̇и ко бана мз, бханд̇з, гулз бхог̇аа. д̇з жа ко аббадивибхад̇д̇аа сийлаванд̇зхи галяаан̣ад̇хаммзхи. аяам̣ ко мз, бханд̇з, жад̇уд̇т̇о ажчарияо аб̣бхуд̇о д̇хаммо сам̣виж̇ж̇ад̇и.
‘‘Saṃvijjanti kho pana me, bhante, kule bhogā. Te ca kho appaṭivibhattā sīlavantehi kalyāṇadhammehi. Ayaṃ kho me, bhante, catuttho acchariyo abbhuto dhammo saṃvijjati.
‘‘яам̣ ко банаахам̣, бханд̇з, бхигкум̣ баяирубаасаами; саггажжам̣язва баяирубаасаами, но асаггажжам̣. со жз мз ааяасмаа д̇хаммам̣ д̣̇зсзд̇и; саггажжам̣язва сун̣оми, но асаггажжам̣. но жз мз со ааяасмаа д̇хаммам̣ д̣̇зсзд̇и, ахамасса д̇хаммам̣ д̣̇зсзми. аяам̣ ко мз, бханд̇з, бан̃жамо ажчарияо аб̣бхуд̇о д̇хаммо сам̣виж̇ж̇ад̇и.
‘‘Yaṃ kho panāhaṃ, bhante, bhikkhuṃ payirupāsāmi; sakkaccaṃyeva payirupāsāmi, no asakkaccaṃ. So ce me āyasmā dhammaṃ deseti; sakkaccaṃyeva suṇomi, no asakkaccaṃ. No ce me so āyasmā dhammaṃ deseti, ahamassa dhammaṃ desemi. Ayaṃ kho me, bhante, pañcamo acchariyo abbhuto dhammo saṃvijjati.
‘‘анажчарияам̣ ко бана, бханд̇з, сан̇гхз ниманд̇ид̇з д̣̇звад̇аа убасан̇гамид̇ваа аарожзнд̇и – ‘асуго, г̇ахабад̇и, бхигку убхад̇обхааг̇авимуд̇д̇о асуго бан̃н̃аавимуд̇д̇о асуго гааяасагкий асуго д̣̇идтиббад̇д̇о 1 асуго сад̣̇д̇хаавимуд̇д̇о асуго д̇хаммаанусаарий асуго сад̣̇д̇хаанусаарий асуго сийлаваа галяаан̣ад̇хаммо асуго д̣̇уссийло баабад̇хаммо’д̇и. сан̇гхам̣ ко банаахам̣, бханд̇з, баривисанд̇о наабхиж̇аанаами звам̣ жид̇д̇ам̣ уббаад̣̇знд̇о – ‘имасса ваа т̇огам̣ д̣̇зми имасса ваа б̣ахуга’нд̇и. ат̇а кваахам̣, бханд̇з, самажид̇д̇ова д̣̇зми. аяам̣ ко мз, бханд̇з, чадто ажчарияо аб̣бхуд̇о д̇хаммо сам̣виж̇ж̇ад̇и.
‘‘Anacchariyaṃ kho pana, bhante, saṅghe nimantite devatā upasaṅkamitvā ārocenti – ‘asuko, gahapati, bhikkhu ubhatobhāgavimutto asuko paññāvimutto asuko kāyasakkhī asuko diṭṭhippatto 2 asuko saddhāvimutto asuko dhammānusārī asuko saddhānusārī asuko sīlavā kalyāṇadhammo asuko dussīlo pāpadhammo’ti. Saṅghaṃ kho panāhaṃ, bhante, parivisanto nābhijānāmi evaṃ cittaṃ uppādento – ‘imassa vā thokaṃ demi imassa vā bahuka’nti. Atha khvāhaṃ, bhante, samacittova demi. Ayaṃ kho me, bhante, chaṭṭho acchariyo abbhuto dhammo saṃvijjati.
‘‘анажчарияам̣ ко бана мам̣, бханд̇з, д̣̇звад̇аа убасан̇гамид̇ваа аарожзнд̇и – ‘сваагкаад̇о, г̇ахабад̇и, бхаг̇авад̇аа д̇хаммо’д̇и. звам̣ вуд̇д̇з ахам̣, бханд̇з, д̇аа д̣̇звад̇аа звам̣ вад̣̇зми – ‘вад̣̇зяяаат̇а ваа звам̣ ко д̇умхз д̣̇звад̇аа но ваа вад̣̇зяяаат̇а, ат̇а ко сваагкаад̇о бхаг̇авад̇аа д̇хаммо’д̇и. на ко банаахам̣, бханд̇з, абхиж̇аанаами д̇ад̇онид̣̇аанам̣ жид̇д̇асса уннад̇им̣ – ‘мам̣ д̇аа д̣̇звад̇аа убасан̇гаманд̇и, ахам̣ ваа д̣̇звад̇аахи сад̣̇д̇хим̣ саллабаамий’д̇и. аяам̣ ко мз, бханд̇з, сад̇д̇амо ажчарияо аб̣бхуд̇о д̇хаммо сам̣виж̇ж̇ад̇и.
‘‘Anacchariyaṃ kho pana maṃ, bhante, devatā upasaṅkamitvā ārocenti – ‘svākkhāto, gahapati, bhagavatā dhammo’ti. Evaṃ vutte ahaṃ, bhante, tā devatā evaṃ vademi – ‘vadeyyātha vā evaṃ kho tumhe devatā no vā vadeyyātha, atha kho svākkhāto bhagavatā dhammo’ti. Na kho panāhaṃ, bhante, abhijānāmi tatonidānaṃ cittassa unnatiṃ – ‘maṃ tā devatā upasaṅkamanti, ahaṃ vā devatāhi saddhiṃ sallapāmī’ti. Ayaṃ kho me, bhante, sattamo acchariyo abbhuto dhammo saṃvijjati.
‘‘сажз ко банаахам̣, бханд̇з, бхаг̇авад̇о батамад̇арам̣ гаалам̣ гарзяяам̣, анажчарияам̣ ко банзд̇ам̣ яам̣ мам̣ бхаг̇аваа звам̣ б̣яаагарзяяа – ‘над̇т̇и д̇ам̣ сам̣яож̇анам̣ язна сам̣яуд̇д̇о уг̇г̇о г̇ахабад̇и хад̇т̇иг̇аамаго буна имам̣ логам̣ ааг̇ажчзяяаа’д̇и. аяам̣ ко мз, бханд̇з, адтамо ажчарияо аб̣бхуд̇о д̇хаммо сам̣виж̇ж̇ад̇и. имз ко мз, бханд̇з, адта ажчарияаа аб̣бхуд̇аа д̇хаммаа сам̣виж̇ж̇анд̇и. на жа ко ахам̣ ж̇аанаами – гад̇амзхи жаахам̣ адтахи ажчариязхи аб̣бхуд̇зхи д̇хаммзхи саманнааг̇ад̇о бхаг̇авад̇аа б̣яаагад̇о’’д̇и.
‘‘Sace kho panāhaṃ, bhante, bhagavato paṭhamataraṃ kālaṃ kareyyaṃ, anacchariyaṃ kho panetaṃ yaṃ maṃ bhagavā evaṃ byākareyya – ‘natthi taṃ saṃyojanaṃ yena saṃyutto uggo gahapati hatthigāmako puna imaṃ lokaṃ āgaccheyyā’ti. Ayaṃ kho me, bhante, aṭṭhamo acchariyo abbhuto dhammo saṃvijjati. Ime kho me, bhante, aṭṭha acchariyā abbhutā dhammā saṃvijjanti. Na ca kho ahaṃ jānāmi – katamehi cāhaṃ aṭṭhahi acchariyehi abbhutehi dhammehi samannāgato bhagavatā byākato’’ti.
‘‘ат̇а ко со бхигку уг̇г̇асса г̇ахабад̇ино хад̇т̇иг̇аамагасса нивзсанз бин̣д̣абаад̇ам̣ г̇ахзд̇ваа удтааяаасанаа баггаами. ат̇а ко со бхигку бажчаабхад̇д̇ам̣ бин̣д̣абаад̇абадигганд̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бхигку яаавад̇аго ахоси уг̇г̇зна г̇ахабад̇инаа хад̇т̇иг̇аамагзна сад̣̇д̇хим̣ гат̇аасаллаабо, д̇ам̣ саб̣б̣ам̣ бхаг̇авад̇о аарожзси.
‘‘Atha kho so bhikkhu uggassa gahapatino hatthigāmakassa nivesane piṇḍapātaṃ gahetvā uṭṭhāyāsanā pakkāmi. Atha kho so bhikkhu pacchābhattaṃ piṇḍapātapaṭikkanto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu yāvatako ahosi uggena gahapatinā hatthigāmakena saddhiṃ kathāsallāpo, taṃ sabbaṃ bhagavato ārocesi.
‘‘саад̇ху саад̇ху, бхигку! яат̇аа д̇ам̣ уг̇г̇о г̇ахабад̇и хад̇т̇иг̇аамаго саммаа б̣яаагарамаано б̣яаагарзяяа, имзхзва ко бхигку, адтахи ажчариязхи аб̣бхуд̇зхи д̇хаммзхи саманнааг̇ад̇о уг̇г̇о г̇ахабад̇и хад̇т̇иг̇аамаго маяаа б̣яаагад̇о. имзхи жа бана, бхигку, адтахи ажчариязхи аб̣бхуд̇зхи д̇хаммзхи саманнааг̇ад̇ам̣ уг̇г̇ам̣ г̇ахабад̇им̣ хад̇т̇иг̇аамагам̣ д̇хаарзхий’’д̇и. д̣̇уд̇ияам̣.
‘‘Sādhu sādhu, bhikkhu! Yathā taṃ uggo gahapati hatthigāmako sammā byākaramāno byākareyya, imeheva kho bhikkhu, aṭṭhahi acchariyehi abbhutehi dhammehi samannāgato uggo gahapati hatthigāmako mayā byākato. Imehi ca pana, bhikkhu, aṭṭhahi acchariyehi abbhutehi dhammehi samannāgataṃ uggaṃ gahapatiṃ hatthigāmakaṃ dhārehī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. д̣̇уд̇ияауг̇г̇асуд̇д̇аван̣н̣анаа • 2. Dutiyauggasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-7. батамауг̇г̇асуд̇д̇аад̣̇иван̣н̣анаа • 1-7. Paṭhamauggasuttādivaṇṇanā
