| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
2. து³தியஉக்³க³ஸுத்தவண்ணனா
2. Dutiyauggasuttavaṇṇanā
22. து³தியே நாக³வனேதி தஸ்ஸ கிர ஸெட்டி²னோ நாக³வனங் நாம உய்யானங், ஸோ தத்த² புரேப⁴த்தங் க³ந்த⁴மாலாதீ³னி கா³ஹாபெத்வா உய்யானகீளிகங் கீளிதுகாமோ க³ந்த்வா பரிசாரியமானோ ப⁴க³வந்தங் அத்³த³ஸ. ஸஹ த³ஸ்ஸனேனேவஸ்ஸ புரிமனயேனேவ சித்தங் பஸீதி³, ஸுராபானேன ச உப்பன்னமந்தோ³ தங்க²ணங்யேவ பஹீயி. தங் ஸந்தா⁴யேவமாஹ. ஓணோஜேஸிந்தி உத³கங் ஹத்தே² பாதெத்வா அதா³ஸிங். அஸுகோதி அமுகோ. ஸமசித்தோவ தே³மீதி ‘‘இமஸ்ஸ தோ²கங், இமஸ்ஸ ப³ஹுக’’ந்தி ஏவங் சித்தனானத்தங் ந கரோமி, தெ³ய்யத⁴ம்மங் பன ஏகஸதி³ஸங் கரோமீதி த³ஸ்ஸேதி. ஆரோசெந்தீதி ஆகாஸே ட²த்வா ஆரோசெந்தி. நத்தி² தங் ஸங்யோஜனந்தி இமினா உபாஸகோ அத்தனோ அனாகா³மிப²லங் ப்³யாகரோதி.
22. Dutiye nāgavaneti tassa kira seṭṭhino nāgavanaṃ nāma uyyānaṃ, so tattha purebhattaṃ gandhamālādīni gāhāpetvā uyyānakīḷikaṃ kīḷitukāmo gantvā paricāriyamāno bhagavantaṃ addasa. Saha dassanenevassa purimanayeneva cittaṃ pasīdi, surāpānena ca uppannamando taṅkhaṇaṃyeva pahīyi. Taṃ sandhāyevamāha. Oṇojesinti udakaṃ hatthe pātetvā adāsiṃ. Asukoti amuko. Samacittova demīti ‘‘imassa thokaṃ, imassa bahuka’’nti evaṃ cittanānattaṃ na karomi, deyyadhammaṃ pana ekasadisaṃ karomīti dasseti. Ārocentīti ākāse ṭhatvā ārocenti. Natthi taṃ saṃyojananti iminā upāsako attano anāgāmiphalaṃ byākaroti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 2. து³தியஉக்³க³ஸுத்தங் • 2. Dutiyauggasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-7. பட²மஉக்³க³ஸுத்தாதி³வண்ணனா • 1-7. Paṭhamauggasuttādivaṇṇanā
