| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. ဒုတိယဥဂ္ဂသုတ္တဝဏ္ဏနာ
2. Dutiyauggasuttavaṇṇanā
၂၂. ဒုတိယေ နာဂဝနေတိ တသ္သ ကိရ သေဋ္ဌိနော နာဂဝနံ နာမ ဥယ္ယာနံ, သော တတ္ထ ပုရေဘတ္တံ ဂန္ဓမာလာဒီနိ ဂာဟာပေတ္ဝာ ဥယ္ယာနကီဠိကံ ကီဠိတုကာမော ဂန္တ္ဝာ ပရိစာရိယမာနော ဘဂဝန္တံ အဒ္ဒသ။ သဟ ဒသ္သနေနေဝသ္သ ပုရိမနယေနေဝ စိတ္တံ ပသီဒိ, သုရာပာနေန စ ဥပ္ပန္နမန္ဒော တင္ခဏံယေဝ ပဟီယိ။ တံ သန္ဓာယေဝမာဟ။ ဩဏောဇေသိန္တိ ဥဒကံ ဟတ္ထေ ပာတေတ္ဝာ အဒာသိံ။ အသုကောတိ အမုကော။ သမစိတ္တောဝ ဒေမီတိ ‘‘ဣမသ္သ ထောကံ, ဣမသ္သ ဗဟုက’’န္တိ ဧဝံ စိတ္တနာနတ္တံ န ကရောမိ, ဒေယ္ယဓမ္မံ ပန ဧကသဒိသံ ကရောမီတိ ဒသ္သေတိ။ အာရောစေန္တီတိ အာကာသေ ဌတ္ဝာ အာရောစေန္တိ။ နတ္ထိ တံ သံယောဇနန္တိ ဣမိနာ ဥပာသကော အတ္တနော အနာဂာမိဖလံ ဗ္ယာကရောတိ။
22. Dutiye nāgavaneti tassa kira seṭṭhino nāgavanaṃ nāma uyyānaṃ, so tattha purebhattaṃ gandhamālādīni gāhāpetvā uyyānakīḷikaṃ kīḷitukāmo gantvā paricāriyamāno bhagavantaṃ addasa. Saha dassanenevassa purimanayeneva cittaṃ pasīdi, surāpānena ca uppannamando taṅkhaṇaṃyeva pahīyi. Taṃ sandhāyevamāha. Oṇojesinti udakaṃ hatthe pātetvā adāsiṃ. Asukoti amuko. Samacittova demīti ‘‘imassa thokaṃ, imassa bahuka’’nti evaṃ cittanānattaṃ na karomi, deyyadhammaṃ pana ekasadisaṃ karomīti dasseti. Ārocentīti ākāse ṭhatvā ārocenti. Natthi taṃ saṃyojananti iminā upāsako attano anāgāmiphalaṃ byākaroti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. ဒုတိယဥဂ္ဂသုတ္တံ • 2. Dutiyauggasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၇. ပဌမဥဂ္ဂသုတ္တာဒိဝဏ္ဏနာ • 1-7. Paṭhamauggasuttādivaṇṇanā
