| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༢. དུཏིཡཨུགྒསུཏྟཝཎྞནཱ
2. Dutiyauggasuttavaṇṇanā
༢༢. དུཏིཡེ ནཱགཝནེཏི ཏསྶ ཀིར སེཊྛིནོ ནཱགཝནཾ ནཱམ ཨུཡྻཱནཾ, སོ ཏཏྠ པུརེབྷཏྟཾ གནྡྷམཱལཱདཱིནི གཱཧཱཔེཏྭཱ ཨུཡྻཱནཀཱིལི༹ཀཾ ཀཱིལི༹ཏུཀཱམོ གནྟྭཱ པརིཙཱརིཡམཱནོ བྷགཝནྟཾ ཨདྡས། སཧ དསྶནེནེཝསྶ པུརིམནཡེནེཝ ཙིཏྟཾ པསཱིདི, སུརཱཔཱནེན ཙ ཨུཔྤནྣམནྡོ ཏངྑཎཾཡེཝ པཧཱིཡི། ཏཾ སནྡྷཱཡེཝམཱཧ། ཨོཎོཛེསིནྟི ཨུདཀཾ ཧཏྠེ པཱཏེཏྭཱ ཨདཱསིཾ། ཨསུཀོཏི ཨམུཀོ། སམཙིཏྟོཝ དེམཱིཏི ‘‘ཨིམསྶ ཐོཀཾ, ཨིམསྶ བཧུཀ’’ནྟི ཨེཝཾ ཙིཏྟནཱནཏྟཾ ན ཀརོམི, དེཡྻདྷམྨཾ པན ཨེཀསདིསཾ ཀརོམཱིཏི དསྶེཏི། ཨཱརོཙེནྟཱིཏི ཨཱཀཱསེ ཋཏྭཱ ཨཱརོཙེནྟི། ནཏྠི ཏཾ སཾཡོཛནནྟི ཨིམིནཱ ཨུཔཱསཀོ ཨཏྟནོ ཨནཱགཱམིཕལཾ བྱཱཀརོཏི།
22. Dutiye nāgavaneti tassa kira seṭṭhino nāgavanaṃ nāma uyyānaṃ, so tattha purebhattaṃ gandhamālādīni gāhāpetvā uyyānakīḷikaṃ kīḷitukāmo gantvā paricāriyamāno bhagavantaṃ addasa. Saha dassanenevassa purimanayeneva cittaṃ pasīdi, surāpānena ca uppannamando taṅkhaṇaṃyeva pahīyi. Taṃ sandhāyevamāha. Oṇojesinti udakaṃ hatthe pātetvā adāsiṃ. Asukoti amuko. Samacittova demīti ‘‘imassa thokaṃ, imassa bahuka’’nti evaṃ cittanānattaṃ na karomi, deyyadhammaṃ pana ekasadisaṃ karomīti dasseti. Ārocentīti ākāse ṭhatvā ārocenti. Natthi taṃ saṃyojananti iminā upāsako attano anāgāmiphalaṃ byākaroti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༢. དུཏིཡཨུགྒསུཏྟཾ • 2. Dutiyauggasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. པཋམཨུགྒསུཏྟཱདིཝཎྞནཱ • 1-7. Paṭhamauggasuttādivaṇṇanā
