| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൨. ദുതിയഉഗ്ഗസുത്തവണ്ണനാ
2. Dutiyauggasuttavaṇṇanā
൨൨. ദുതിയേ നാഗവനേതി തസ്സ കിര സേട്ഠിനോ നാഗവനം നാമ ഉയ്യാനം, സോ തത്ഥ പുരേഭത്തം ഗന്ധമാലാദീനി ഗാഹാപേത്വാ ഉയ്യാനകീളികം കീളിതുകാമോ ഗന്ത്വാ പരിചാരിയമാനോ ഭഗവന്തം അദ്ദസ. സഹ ദസ്സനേനേവസ്സ പുരിമനയേനേവ ചിത്തം പസീദി, സുരാപാനേന ച ഉപ്പന്നമന്ദോ തങ്ഖണംയേവ പഹീയി. തം സന്ധായേവമാഹ. ഓണോജേസിന്തി ഉദകം ഹത്ഥേ പാതേത്വാ അദാസിം. അസുകോതി അമുകോ. സമചിത്തോവ ദേമീതി ‘‘ഇമസ്സ ഥോകം, ഇമസ്സ ബഹുക’’ന്തി ഏവം ചിത്തനാനത്തം ന കരോമി, ദേയ്യധമ്മം പന ഏകസദിസം കരോമീതി ദസ്സേതി. ആരോചേന്തീതി ആകാസേ ഠത്വാ ആരോചേന്തി. നത്ഥി തം സംയോജനന്തി ഇമിനാ ഉപാസകോ അത്തനോ അനാഗാമിഫലം ബ്യാകരോതി.
22. Dutiye nāgavaneti tassa kira seṭṭhino nāgavanaṃ nāma uyyānaṃ, so tattha purebhattaṃ gandhamālādīni gāhāpetvā uyyānakīḷikaṃ kīḷitukāmo gantvā paricāriyamāno bhagavantaṃ addasa. Saha dassanenevassa purimanayeneva cittaṃ pasīdi, surāpānena ca uppannamando taṅkhaṇaṃyeva pahīyi. Taṃ sandhāyevamāha. Oṇojesinti udakaṃ hatthe pātetvā adāsiṃ. Asukoti amuko. Samacittova demīti ‘‘imassa thokaṃ, imassa bahuka’’nti evaṃ cittanānattaṃ na karomi, deyyadhammaṃ pana ekasadisaṃ karomīti dasseti. Ārocentīti ākāse ṭhatvā ārocenti. Natthi taṃ saṃyojananti iminā upāsako attano anāgāmiphalaṃ byākaroti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൨. ദുതിയഉഗ്ഗസുത്തം • 2. Dutiyauggasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൭. പഠമഉഗ്ഗസുത്താദിവണ്ണനാ • 1-7. Paṭhamauggasuttādivaṇṇanā
