| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̣̇уд̇ияаубаад̣̇аабарид̇ассанаасуд̇д̇ам̣
8. Dutiyaupādāparitassanāsuttaṃ
8. саавад̇т̇инид̣̇аанам̣ . ‘‘убаад̣̇аабарид̇ассанан̃жа во, бхигкавз, д̣̇зсзссаами анубаад̣̇ааабарид̇ассанан̃жа. д̇ам̣ сун̣аат̇а…бз… гат̇ан̃жа, бхигкавз, убаад̣̇аабарид̇ассанаа ход̇и? ид̇ха, бхигкавз, ассуд̇аваа бут̇уж̇ж̇ано руубам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и. д̇асса д̇ам̣ руубам̣ вибарин̣амад̇и ан̃н̃ат̇аа ход̇и. д̇асса руубавибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа. взд̣̇анам̣ зд̇ам̣ мама…бз… сан̃н̃ам̣ зд̇ам̣ мама… сан̇каарз зд̇ам̣ мама… вин̃н̃аан̣ам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и. д̇асса д̇ам̣ вин̃н̃аан̣ам̣ вибарин̣амад̇и ан̃н̃ат̇аа ход̇и. д̇асса вин̃н̃аан̣авибарин̣ааман̃н̃ат̇аабхааваа уббаж̇ж̇анд̇и согабарид̣̇звад̣̇угкад̣̇оманассубааяаасаа. звам̣ ко, бхигкавз, убаад̣̇аабарид̇ассанаа ход̇и.
8. Sāvatthinidānaṃ . ‘‘Upādāparitassanañca vo, bhikkhave, desessāmi anupādāaparitassanañca. Taṃ suṇātha…pe… kathañca, bhikkhave, upādāparitassanā hoti? Idha, bhikkhave, assutavā puthujjano rūpaṃ ‘etaṃ mama, esohamasmi, eso me attā’ti samanupassati. Tassa taṃ rūpaṃ vipariṇamati aññathā hoti. Tassa rūpavipariṇāmaññathābhāvā uppajjanti sokaparidevadukkhadomanassupāyāsā. Vedanaṃ etaṃ mama…pe… saññaṃ etaṃ mama… saṅkhāre etaṃ mama… viññāṇaṃ ‘etaṃ mama, esohamasmi, eso me attā’ti samanupassati. Tassa taṃ viññāṇaṃ vipariṇamati aññathā hoti. Tassa viññāṇavipariṇāmaññathābhāvā uppajjanti sokaparidevadukkhadomanassupāyāsā. Evaṃ kho, bhikkhave, upādāparitassanā hoti.
‘‘гат̇ан̃жа, бхигкавз, анубаад̣̇ааабарид̇ассанаа ход̇и? ид̇ха , бхигкавз, суд̇аваа арияасааваго руубам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. д̇асса д̇ам̣ руубам̣ вибарин̣амад̇и ан̃н̃ат̇аа ход̇и. д̇асса руубавибарин̣ааман̃н̃ат̇аабхааваа нуббаж̇ж̇анд̇и согабарид̣̇звад̣̇угкад̣̇оманассубааяаасаа. взд̣̇анам̣ нзд̇ам̣ мама… сан̃н̃ам̣ нзд̇ам̣ мама… сан̇каарз нзд̇ам̣ мама… вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и саманубассад̇и. д̇асса д̇ам̣ вин̃н̃аан̣ам̣ вибарин̣амад̇и ан̃н̃ат̇аа ход̇и. д̇асса вин̃н̃аан̣авибарин̣ааман̃н̃ат̇аабхааваа нуббаж̇ж̇анд̇и согабарид̣̇звад̣̇угкад̣̇оманассубааяаасаа . звам̣ ко, бхигкавз, анубаад̣̇ааабарид̇ассанаа ход̇ий’’д̇и. адтамам̣.
‘‘Kathañca, bhikkhave, anupādāaparitassanā hoti? Idha , bhikkhave, sutavā ariyasāvako rūpaṃ ‘netaṃ mama, nesohamasmi, na meso attā’ti samanupassati. Tassa taṃ rūpaṃ vipariṇamati aññathā hoti. Tassa rūpavipariṇāmaññathābhāvā nuppajjanti sokaparidevadukkhadomanassupāyāsā. Vedanaṃ netaṃ mama… saññaṃ netaṃ mama… saṅkhāre netaṃ mama… viññāṇaṃ ‘netaṃ mama, nesohamasmi, na meso attā’ti samanupassati. Tassa taṃ viññāṇaṃ vipariṇamati aññathā hoti. Tassa viññāṇavipariṇāmaññathābhāvā nuppajjanti sokaparidevadukkhadomanassupāyāsā . Evaṃ kho, bhikkhave, anupādāaparitassanā hotī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̣̇уд̇ияаубаад̣̇аабарид̇ассанаасуд̇д̇аван̣н̣анаа • 8. Dutiyaupādāparitassanāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. д̣̇уд̇ияаубаад̣̇аабарид̇ассанаасуд̇д̇аван̣н̣анаа • 8. Dutiyaupādāparitassanāsuttavaṇṇanā
