| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
9. д̣̇уд̇ияаубагкадасигкаабад̣̇ам̣
9. Dutiyaupakkhaṭasikkhāpadaṃ
532. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро бурисо ан̃н̃ад̇арам̣ бурисам̣ зд̇ад̣̇авожа – ‘‘аяяам̣ убананд̣̇ам̣ жийварзна ажчаад̣̇зссаамий’’д̇и. соби звамааха – ‘‘ахамби аяяам̣ убананд̣̇ам̣ жийварзна ажчаад̣̇зссаамий’’д̇и. ассоси ко ан̃н̃ад̇аро бин̣д̣ажаариго бхигку д̇зсам̣ бурисаанам̣ имам̣ гат̇аасаллаабам̣. ат̇а ко со бхигку язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘махаабун̃н̃оси д̇вам̣, аавусо убананд̣̇а. амугасмим̣ огаасз ан̃н̃ад̇аро бурисо ан̃н̃ад̇арам̣ бурисам̣ зд̇ад̣̇авожа – ‘аяяам̣ убананд̣̇ам̣ жийварзна ажчаад̣̇зссаамий’д̇и. соби звамааха – ‘ахамби аяяам̣ убананд̣̇ам̣ жийварзна ажчаад̣̇зссаамий’’’д̇и. ‘‘ад̇т̇аавусо, мам̣ д̇з убадтаагаа’’д̇и.
532. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro puriso aññataraṃ purisaṃ etadavoca – ‘‘ayyaṃ upanandaṃ cīvarena acchādessāmī’’ti. Sopi evamāha – ‘‘ahampi ayyaṃ upanandaṃ cīvarena acchādessāmī’’ti. Assosi kho aññataro piṇḍacāriko bhikkhu tesaṃ purisānaṃ imaṃ kathāsallāpaṃ. Atha kho so bhikkhu yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ etadavoca – ‘‘mahāpuññosi tvaṃ, āvuso upananda. Amukasmiṃ okāse aññataro puriso aññataraṃ purisaṃ etadavoca – ‘ayyaṃ upanandaṃ cīvarena acchādessāmī’ti. Sopi evamāha – ‘ahampi ayyaṃ upanandaṃ cīvarena acchādessāmī’’’ti. ‘‘Atthāvuso, maṃ te upaṭṭhākā’’ti.
ат̇а ко ааяасмаа убананд̣̇о сагяабуд̇д̇о язна д̇з бурисаа д̇знубасан̇гами; убасан̇гамид̇ваа д̇з бурисз зд̇ад̣̇авожа – ‘‘сажжам̣ гира мам̣ д̇умхз, аавусо, жийварзхи ажчаад̣̇зд̇угаамаад̇т̇аа’’д̇и? ‘‘аби наяяа, звам̣ ход̇и – ‘аяяам̣ убананд̣̇ам̣ жийварзхи ажчаад̣̇зссаамаа’’’д̇и. ‘‘сажз ко мам̣ д̇умхз , аавусо, жийварзхи ажчаад̣̇зд̇угаамаад̇т̇а, зваруубзна жийварзна ажчаад̣̇зт̇а, гяаахам̣ д̇зхи ажчанноби гариссаами, яаанаахам̣ на барибхун̃ж̇иссаамий’’д̇и . ат̇а ко д̇з бурисаа уж̇жхааяанд̇и кияяанд̇и вибаажзнд̇и – ‘‘махижчаа имз саман̣аа сагяабуд̇д̇ияаа асанд̇удтаа. наяимз сугараа жийварзхи ажчаад̣̇зд̇ум̣. гат̇ан̃хи наама аяяо убананд̣̇о амхзхи буб̣б̣з аббаваарид̇о убасан̇гамид̇ваа жийварз вигаббам̣ аабаж̇ж̇иссад̇ий’’д̇и!
Atha kho āyasmā upanando sakyaputto yena te purisā tenupasaṅkami; upasaṅkamitvā te purise etadavoca – ‘‘saccaṃ kira maṃ tumhe, āvuso, cīvarehi acchādetukāmātthā’’ti? ‘‘Api nayya, evaṃ hoti – ‘ayyaṃ upanandaṃ cīvarehi acchādessāmā’’’ti. ‘‘Sace kho maṃ tumhe , āvuso, cīvarehi acchādetukāmāttha, evarūpena cīvarena acchādetha, kyāhaṃ tehi acchannopi karissāmi, yānāhaṃ na paribhuñjissāmī’’ti . Atha kho te purisā ujjhāyanti khiyyanti vipācenti – ‘‘mahicchā ime samaṇā sakyaputtiyā asantuṭṭhā. Nayime sukarā cīvarehi acchādetuṃ. Kathañhi nāma ayyo upanando amhehi pubbe appavārito upasaṅkamitvā cīvare vikappaṃ āpajjissatī’’ti!
ассосум̣ ко бхигкуу д̇зсам̣ бурисаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о буб̣б̣з аббаваарид̇о г̇ахабад̇игз убасан̇гамид̇ваа жийварз вигаббам̣ аабаж̇ж̇иссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, буб̣б̣з аббаваарид̇о г̇ахабад̇игз убасан̇гамид̇ваа жийварз вигаббам̣ аабаж̇ж̇асий’’д̇и? ‘‘сажжам̣, бхаг̇аваа’’д̇и. ‘‘н̃аад̇агаа д̇з, убананд̣̇а, ан̃н̃аад̇агаа’’д̇и? ‘‘ан̃н̃аад̇агаа, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇агаанам̣ на ж̇аанаад̇и бад̇ируубам̣ ваа аббад̇ируубам̣ ваа санд̇ам̣ ваа асанд̇ам̣ ваа. д̇ад̇т̇а наама д̇вам̣, могхабуриса, буб̣б̣з аббаваарид̇о ан̃н̃аад̇агз г̇ахабад̇игз убасан̇гамид̇ваа жийварз вигаббам̣ аабаж̇ж̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Assosuṃ kho bhikkhū tesaṃ purisānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto pubbe appavārito gahapatike upasaṅkamitvā cīvare vikappaṃ āpajjissatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, pubbe appavārito gahapatike upasaṅkamitvā cīvare vikappaṃ āpajjasī’’ti? ‘‘Saccaṃ, bhagavā’’ti. ‘‘Ñātakā te, upananda, aññātakā’’ti? ‘‘Aññātakā, bhagavā’’ti. ‘‘Aññātako, moghapurisa, aññātakānaṃ na jānāti patirūpaṃ vā appatirūpaṃ vā santaṃ vā asantaṃ vā. Tattha nāma tvaṃ, moghapurisa, pubbe appavārito aññātake gahapatike upasaṅkamitvā cīvare vikappaṃ āpajjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
533. ‘‘бхигкум̣ банзва уд̣̇д̣̇исса убхиннам̣ ан̃н̃аад̇агаанам̣ г̇ахабад̇ийнам̣ ваа г̇ахабад̇аанийнам̣ ваа бажжзгажийваражзд̇аабаннаани убагкадаани хонд̇и – ‘имзхи маяам̣ бажжзгажийваражзд̇аабаннзхи бажжзгажийвараани жзд̇аабзд̇ваа ид̇т̇аннаамам̣ бхигкум̣ жийварзхи ажчаад̣̇зссаамаа’д̇и ; д̇ад̇ра жз со бхигку буб̣б̣з аббаваарид̇о убасан̇гамид̇ваа жийварз вигаббам̣ аабаж̇ж̇зяяа – ‘саад̇ху вад̇а мам̣ ааяасманд̇о имзхи бажжзгажийваражзд̇аабаннзхи зваруубам̣ ваа зваруубам̣ ваа жийварам̣ жзд̇аабзд̇ваа ажчаад̣̇зт̇а, убхова санд̇аа згзнаа’д̇и, галяаан̣агамяад̇ам̣ убаад̣̇ааяа, ниссаг̇г̇ияам̣ баажид̇д̇ияа’’нд̇и.
533.‘‘Bhikkhuṃ paneva uddissa ubhinnaṃ aññātakānaṃ gahapatīnaṃ vā gahapatānīnaṃ vā paccekacīvaracetāpannāni upakkhaṭāni honti – ‘imehi mayaṃ paccekacīvaracetāpannehi paccekacīvarāni cetāpetvā itthannāmaṃ bhikkhuṃ cīvarehi acchādessāmā’ti ; tatra ce so bhikkhu pubbe appavārito upasaṅkamitvā cīvare vikappaṃ āpajjeyya – ‘sādhu vata maṃ āyasmanto imehi paccekacīvaracetāpannehi evarūpaṃ vā evarūpaṃ vā cīvaraṃ cetāpetvā acchādetha, ubhova santā ekenā’ti, kalyāṇakamyataṃ upādāya, nissaggiyaṃ pācittiya’’nti.
534. бхигкум̣ банзва уд̣̇д̣̇иссаад̇и бхигкуссад̇т̇ааяа, бхигкум̣ аарамман̣ам̣ гарид̇ваа, бхигкум̣ ажчаад̣̇зд̇угаамаа.
534.Bhikkhuṃpaneva uddissāti bhikkhussatthāya, bhikkhuṃ ārammaṇaṃ karitvā, bhikkhuṃ acchādetukāmā.
убхиннанд̇и д̣̇виннам̣.
Ubhinnanti dvinnaṃ.
ан̃н̃аад̇агаа наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хаа.
Aññātakā nāma mātito vā pitito vā yāva sattamā pitāmahayugā asambaddhā.
г̇ахабад̇ий наама яз гзжи аг̇аара аж̇жхаавасанд̇и.
Gahapatī nāma ye keci agāra ajjhāvasanti.
г̇ахабад̇аанияо наама яаа гаажи аг̇аарам̣ аж̇жхаавасанд̇и.
Gahapatāniyo nāma yā kāci agāraṃ ajjhāvasanti.
жийваражзд̇аабаннаани наама хиран̃н̃аа ваа суван̣н̣аа ваа муд̇д̇аа ваа ман̣ий ваа баваал̣аа ваа палигаа ваа бадагаа ваа суд̇д̇аа ваа габбаасаа ваа.
Cīvaracetāpannāni nāma hiraññā vā suvaṇṇā vā muttā vā maṇī vā pavāḷā vā phalikā vā paṭakā vā suttā vā kappāsā vā.
имзхи бажжзгажийваражзд̇аабаннзхид̇и бажжубадтид̇зхи.
Imehi paccekacīvaracetāpannehiti paccupaṭṭhitehi.
жзд̇аабзд̇ваад̇и баривад̇д̇зд̇ваа.
Cetāpetvāti parivattetvā.
ажчаад̣̇зссаамаад̇и д̣̇ассаама.
Acchādessāmāti dassāma.
д̇ад̇ра жз со бхигкууд̇и яам̣ бхигкум̣ уд̣̇д̣̇исса жийваражзд̇аабаннаани убагкадаани хонд̇и со бхигку.
Tatra ce so bhikkhūti yaṃ bhikkhuṃ uddissa cīvaracetāpannāni upakkhaṭāni honti so bhikkhu.
буб̣б̣з аббаваарид̇од̇и буб̣б̣з авуд̇д̇о ход̇и – ‘‘гийд̣̇исзна д̇з, бханд̇з, жийварзна ад̇т̇о, гийд̣̇исам̣ д̇з жийварам̣ жзд̇аабзмаа’’д̇и.
Pubbe appavāritoti pubbe avutto hoti – ‘‘kīdisena te, bhante, cīvarena attho, kīdisaṃ te cīvaraṃ cetāpemā’’ti.
убасан̇гамид̇ваад̇и гхарам̣ г̇анд̇ваа яад̇т̇а гад̇т̇ажи убасан̇гамид̇ваа.
Upasaṅkamitvāti gharaṃ gantvā yattha katthaci upasaṅkamitvā.
жийварз вигаббам̣ аабаж̇ж̇зяяаад̇и ааяад̇ам̣ ваа ход̇у вид̇т̇ад̇ам̣ ваа аббид̇ам̣ ваа сан̣хам̣ ваа.
Cīvare vikappaṃ āpajjeyyāti āyataṃ vā hotu vitthataṃ vā appitaṃ vā saṇhaṃ vā.
имзхи бажжзгажийваражзд̇аабаннзхийд̇и бажжубадтид̇зхи.
Imehi paccekacīvaracetāpannehīti paccupaṭṭhitehi.
зваруубам̣ ваа зваруубам̣ ваад̇и ааяад̇ам̣ ваа вид̇т̇ад̇ам̣ ваа аббид̇ам̣ ваа сан̣хам̣ ваа.
Evarūpaṃ vā evarūpaṃ vāti āyataṃ vā vitthataṃ vā appitaṃ vā saṇhaṃ vā.
жзд̇аабзд̇ваад̇и баривад̇д̇зд̇ваа.
Cetāpetvāti parivattetvā.
ажчаад̣̇зт̇аад̇и д̣̇аж̇ж̇зт̇а.
Acchādethāti dajjetha.
убхова санд̇аа згзнаад̇и д̣̇взби ж̇анаа згзна.
Ubhova santā ekenāti dvepi janā ekena.
галяаан̣агамяад̇ам̣ убаад̣̇ааяаад̇и саад̇хад̇т̇иго махаг̇гхад̇т̇иго.
Kalyāṇakamyataṃ upādāyāti sādhatthiko mahagghatthiko.
д̇асса важанзна ааяад̇ам̣ ваа вид̇т̇ад̇ам̣ ваа аббид̇ам̣ ваа сан̣хам̣ ваа жзд̇аабзнд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, жийварам̣ буб̣б̣з аббаваарид̇о ан̃н̃аад̇агз г̇ахабад̇игз убасан̇гамид̇ваа жийварз вигаббам̣ аабаннам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Tassa vacanena āyataṃ vā vitthataṃ vā appitaṃ vā saṇhaṃ vā cetāpenti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, cīvaraṃ pubbe appavārito aññātake gahapatike upasaṅkamitvā cīvare vikappaṃ āpannaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
535. ан̃н̃аад̇агз ан̃н̃аад̇агасан̃н̃ий буб̣б̣з аббаваарид̇о г̇ахабад̇игз убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣. ан̃н̃аад̇агз взмад̇иго буб̣б̣з аббаваарид̇о г̇ахабад̇игз убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣. ан̃н̃аад̇агз н̃аад̇агасан̃н̃ий буб̣б̣з аббаваарид̇о г̇ахабад̇игз убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣.
535. Aññātake aññātakasaññī pubbe appavārito gahapatike upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake vematiko pubbe appavārito gahapatike upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake ñātakasaññī pubbe appavārito gahapatike upasaṅkamitvā cīvare vikappaṃ āpajjati, nissaggiyaṃ pācittiyaṃ.
н̃аад̇агз ан̃н̃аад̇агасан̃н̃ий, аабад̇д̇и д̣̇уггадасса. н̃аад̇агз взмад̇иго, аабад̇д̇и д̣̇уггадасса. н̃аад̇агз н̃аад̇агасан̃н̃ий, анаабад̇д̇и.
Ñātake aññātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.
536. анаабад̇д̇и – н̃аад̇агаанам̣, баваарид̇аанам̣, ан̃н̃ассад̇т̇ааяа, ад̇д̇ано д̇ханзна, махаг̇гхам̣ жзд̇аабзд̇угаамаанам̣ аббаг̇гхам̣ жзд̇аабзд̇и, уммад̇д̇агасса, аад̣̇игаммигассаад̇и.
536. Anāpatti – ñātakānaṃ, pavāritānaṃ, aññassatthāya, attano dhanena, mahagghaṃ cetāpetukāmānaṃ appagghaṃ cetāpeti, ummattakassa, ādikammikassāti.
д̣̇уд̇ияаубагкадасигкаабад̣̇ам̣ нидтид̇ам̣ навамам̣.
Dutiyaupakkhaṭasikkhāpadaṃ niṭṭhitaṃ navamaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. д̣̇уд̇ияаубагкадасигкаабад̣̇аван̣н̣анаа • 9. Dutiyaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. д̣̇уд̇ияаубагкадасигкаабад̣̇аван̣н̣анаа • 9. Dutiyaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇уд̇ияаубагкадасигкаабад̣̇аван̣н̣анаа • 9. Dutiyaupakkhaṭasikkhāpadavaṇṇanā
