| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
9. д̣̇уд̇ияаубагкадасигкаабад̣̇аван̣н̣анаа
9. Dutiyaupakkhaṭasikkhāpadavaṇṇanā
532. д̣̇уд̇ияаубагкадзна гим̣баяож̇ананд̇и? над̇т̇и, гзвалам̣ адтуббад̇д̇ивасзна бан̃н̃ад̇д̇ам̣ бхигкунияаа рахонисаж̇ж̇асигкаабад̣̇ам̣ вияа. звам̣ санд̇з д̇анд̇и анааробзд̇аб̣б̣ам̣ бхавзяяа винааби д̇зна д̇ад̣̇ад̇т̇асид̣̇д̇хид̇о, аниссарад̇д̇аа, анааробзд̇ум̣ анун̃н̃аад̇ад̇д̇аа жа. вуд̇д̇ан̃хзд̇ам̣ ‘‘ааган̇камаано, аананд̣̇а, сан̇гхо…бз… самууханзяяаа’’д̇и (д̣̇ий. ни. 2.216). ид̣̇ам̣ саб̣б̣амагааран̣ам̣. на хи б̣уд̣̇д̇хаа аббаяож̇анам̣ ваажам̣ нижчаарзнд̇и, баг̇зва сигкаабад̣̇ам̣, д̇знзвааха адтагат̇ааяам̣ ‘‘д̇ан̃хи имасса анубан̃н̃ад̇д̇исад̣̇иса’’нд̇иаад̣̇и. анубан̃н̃ад̇д̇и жа ниббаяож̇анаа над̇т̇и, д̇ам̣сад̣̇исан̃жзд̇ам̣, на ниббаяож̇ананд̇и д̣̇ассид̇ам̣ ход̇и, звам̣ санд̇з го банзд̇т̇а висзсод̇и? д̇ад̇о ааха ‘‘батамасигкаабад̣̇з згасса бийл̣аа гад̇аа, д̣̇уд̇ияз д̣̇виннам̣, аяамзд̇т̇а висзсо’’д̇и. иминаа ад̇т̇ависзсзна го банан̃н̃о ад̇ирзгад̇т̇о д̣̇ассид̇од̇и? бораан̣аг̇ан̣тибад̣̇з д̇аава вуд̇д̇ам̣ ‘‘згасмимби вад̇т̇усмим̣ убхиннам̣ бийл̣аа гаад̇ум̣ ваддад̇ийд̇и аяамад̇ирзгад̇т̇о д̣̇ассид̇о’’д̇и. д̇знзд̇ам̣ д̣̇ийбзд̇и ‘‘на гзвалам̣ бадилад̣̇д̇хажийвараг̇ан̣анааязва аабад̇д̇иг̇ан̣анаа, бийл̣ид̇абуг̇г̇аласан̇каад̇авад̇т̇уг̇ан̣анааяабий’’д̇и.
532. Dutiyaupakkhaṭena kiṃpayojananti? Natthi, kevalaṃ aṭṭhuppattivasena paññattaṃ bhikkhuniyā rahonisajjasikkhāpadaṃ viya. Evaṃ sante tanti anāropetabbaṃ bhaveyya vināpi tena tadatthasiddhito, anissarattā, anāropetuṃ anuññātattā ca. Vuttañhetaṃ ‘‘ākaṅkhamāno, ānanda, saṅgho…pe… samūhaneyyā’’ti (dī. ni. 2.216). Idaṃ sabbamakāraṇaṃ. Na hi buddhā appayojanaṃ vācaṃ nicchārenti, pageva sikkhāpadaṃ, tenevāha aṭṭhakathāyaṃ ‘‘tañhi imassa anupaññattisadisa’’ntiādi. Anupaññatti ca nippayojanā natthi, taṃsadisañcetaṃ, na nippayojananti dassitaṃ hoti, evaṃ sante ko panettha visesoti? Tato āha ‘‘paṭhamasikkhāpade ekassa pīḷā katā, dutiye dvinnaṃ, ayamettha viseso’’ti. Iminā atthavisesena ko panañño atirekattho dassitoti? Porāṇagaṇṭhipade tāva vuttaṃ ‘‘ekasmimpi vatthusmiṃ ubhinnaṃ pīḷā kātuṃ vaṭṭatīti ayamatirekattho dassito’’ti. Tenetaṃ dīpeti ‘‘na kevalaṃ paṭiladdhacīvaragaṇanāyeva āpattigaṇanā, pīḷitapuggalasaṅkhātavatthugaṇanāyapī’’ti.
хонд̇и жзд̇т̇а –
Honti cettha –
‘‘вад̇т̇уд̇о г̇ан̣анааяааби, сияаа аабад̇д̇и нзгад̇аа;
‘‘Vatthuto gaṇanāyāpi, siyā āpatti nekatā;
ид̇и санд̣̇ассанад̇т̇ан̃жа, д̣̇уд̇ияуубагкадам̣ ид̇ха.
Iti sandassanatthañca, dutiyūpakkhaṭaṃ idha.
‘‘гааяасам̣саг̇г̇асигкааяа, вибхан̇г̇з вияа гинд̇зд̇ам̣;
‘‘Kāyasaṃsaggasikkhāya, vibhaṅge viya kintetaṃ;
згид̇т̇ияааби нзгад̇аа, аабад̇д̇ийнам̣ баяог̇ад̇о’’д̇и.
Ekitthiyāpi nekatā, āpattīnaṃ payogato’’ti.
абижзд̇ам̣ сигкаабад̣̇ам̣ д̇ам̣ж̇аад̇игзсу сигкаабад̣̇зсу саб̣б̣зсуби г̇ахзд̇аб̣б̣авинижчаяасса наяад̣̇ассанаббаяож̇ананд̇и взд̣̇ид̇аб̣б̣ам̣. ааха жа –
Apicetaṃ sikkhāpadaṃ taṃjātikesu sikkhāpadesu sabbesupi gahetabbavinicchayassa nayadassanappayojananti veditabbaṃ. Āha ca –
‘‘ан̃н̃аад̇игааяа б̣ахуд̇ааяа вимиссад̇ааяа,
‘‘Aññātikāya bahutāya vimissatāya,
аабад̇д̇ияааби б̣ахуд̇аа жа вимиссад̇аа жа;
Āpattiyāpi bahutā ca vimissatā ca;
ижжзвамаад̣̇ивид̇хисамбхавад̣̇ассанад̇т̇ам̣,
Iccevamādividhisambhavadassanatthaṃ,
сад̇т̇аа убагкадамид̣̇ам̣ д̣̇уд̇ияам̣ авожаа’’д̇и.
Satthā upakkhaṭamidaṃ dutiyaṃ avocā’’ti.
д̇ассааяам̣ сан̇кзбад̇о ад̇хиббааяабуб̣б̣ан̇г̇амаа вижааран̣аа – бураан̣ажийварам̣ згамзва бхигку бхигкунийхи д̣̇вийхи, б̣ахуухи ваа д̇ховаабзд̇и, бхигкуниг̇ан̣анааяа баажид̇д̇ияаг̇ан̣анаа, д̇ат̇аа д̣̇виннам̣, б̣ахуунам̣ ваа саад̇хааран̣ам̣ згамзва жийварам̣ ан̃н̃ад̇ра бааривад̇д̇агаа бадиг̇г̇ан̣хаад̇и, ид̇хааби д̇ат̇аа д̣̇виннам̣, б̣ахуунам̣ ваа саад̇хааран̣амзгам̣ вин̃н̃аабзд̇и, вин̃н̃ад̇д̇абуг̇г̇алаг̇ан̣анааяа аабад̇д̇иг̇ан̣анаа. д̇ат̇аа ан̃н̃зсуби зваруубзсу сигкаабад̣̇зсу наяо нзд̇аб̣б̣о. аяам̣ д̇аава б̣ахуд̇ааяа наяо. миссад̇ааяа бана н̃аад̇игааяа, ан̃н̃аад̇игааяа жа згам̣ д̇ховаабзд̇и, згад̇о нидтаабанз згам̣ баажид̇д̇ияам̣. ат̇а н̃аад̇игаа батамам̣ т̇огам̣ д̇ховид̇ваа тид̇аа, буна ан̃н̃аад̇игаа суд̇ход̇ам̣ гарод̇и, ниссаг̇г̇ияам̣. ат̇а ан̃н̃аад̇игаа батамам̣ д̇ховад̇и, бажчаа н̃аад̇игаа суд̇ход̇ам̣ гарод̇и, ан̃н̃аад̇игааяа баяог̇авасзна бхигкуно д̣̇уггадамзва. ан̃н̃аад̇игааяа жа н̃аад̇игааяа жа ан̃н̃аад̇игасан̃н̃ий, взмад̇иго, н̃аад̇игасан̃н̃ий ваа д̇ховаабзд̇и, яат̇аавуд̇д̇анаязна ниссаг̇г̇ияад̣̇уггадаад̣̇иаабад̇д̇ибхзд̣̇аг̇ан̣анаа взд̣̇ид̇аб̣б̣аа. д̇ат̇аа ан̃н̃аад̇игааяа жа н̃аад̇игааяа жа санд̇агам̣ жийварам̣ убхохи згад̇о д̣̇ияяамаанам̣ бадиг̇г̇ан̣ханд̇асса , ан̃н̃аад̇игааяа зва хад̇т̇ад̇о бадиг̇г̇ан̣ханд̇асса жа ниссаг̇г̇ияамзва. ат̇а н̃аад̇игааяа анаабад̇д̇и. ат̇а убхосу ан̃н̃аад̇игаад̣̇исан̃н̃ий вуд̇д̇анаязнзва ниссаг̇г̇ияад̣̇уггадаад̣̇иаабад̇д̇ибхзд̣̇аг̇ан̣анаа взд̣̇ид̇аб̣б̣аа. д̇ат̇аа ан̃н̃аад̇агавин̃н̃ад̇д̇исигкаабад̣̇зсуби яат̇аасамбхавам̣ наяо нзд̇аб̣б̣о. аяам̣ миссад̇ааяа наяо. аад̣̇и-сад̣̇д̣̇зна бана анзгз ан̃н̃аад̇игаа вин̃н̃ад̇д̇аавин̃н̃ад̇д̇абуг̇г̇алаг̇ан̣анааяа д̣̇уггадам̣. зго д̣̇зд̇и, зго на д̣̇зд̇и, ниссаг̇г̇ияам̣. ат̇а авин̃н̃ад̇д̇о д̣̇зд̇и, на ниссаг̇г̇ияам̣. ат̇а вин̃н̃ад̇д̇аавин̃н̃ад̇д̇аанам̣ саад̇хааран̣ам̣ вин̃н̃ад̇д̇о д̣̇зд̇и, ниссаг̇г̇ияамзва. убхо д̣̇знд̇и, ниссаг̇г̇ияамзва. авин̃н̃ад̇д̇о д̣̇зд̇и, ниссаг̇г̇иязна анаабад̇д̇и. вин̃н̃ад̇д̇асса важанзна авин̃н̃ад̇д̇о д̣̇зд̇и, анаабад̇д̇и зва. д̇ат̇аа убагкадаад̣̇ийсуби яат̇аасамбхавам̣ наяо нзд̇аб̣б̣о.
Tassāyaṃ saṅkhepato adhippāyapubbaṅgamā vicāraṇā – purāṇacīvaraṃ ekameva bhikkhu bhikkhunīhi dvīhi, bahūhi vā dhovāpeti, bhikkhunigaṇanāya pācittiyagaṇanā, tathā dvinnaṃ, bahūnaṃ vā sādhāraṇaṃ ekameva cīvaraṃ aññatra pārivattakā paṭiggaṇhāti, idhāpi tathā dvinnaṃ, bahūnaṃ vā sādhāraṇamekaṃ viññāpeti, viññattapuggalagaṇanāya āpattigaṇanā. Tathā aññesupi evarūpesu sikkhāpadesu nayo netabbo. Ayaṃ tāva bahutāya nayo. Missatāya pana ñātikāya, aññātikāya ca ekaṃ dhovāpeti, ekato niṭṭhāpane ekaṃ pācittiyaṃ. Atha ñātikā paṭhamaṃ thokaṃ dhovitvā ṭhitā, puna aññātikā sudhotaṃ karoti, nissaggiyaṃ. Atha aññātikā paṭhamaṃ dhovati, pacchā ñātikā sudhotaṃ karoti, aññātikāya payogavasena bhikkhuno dukkaṭameva. Aññātikāya ca ñātikāya ca aññātikasaññī, vematiko, ñātikasaññī vā dhovāpeti, yathāvuttanayena nissaggiyadukkaṭādiāpattibhedagaṇanā veditabbā. Tathā aññātikāya ca ñātikāya ca santakaṃ cīvaraṃ ubhohi ekato diyyamānaṃ paṭiggaṇhantassa , aññātikāya eva hatthato paṭiggaṇhantassa ca nissaggiyameva. Atha ñātikāya anāpatti. Atha ubhosu aññātikādisaññī vuttanayeneva nissaggiyadukkaṭādiāpattibhedagaṇanā veditabbā. Tathā aññātakaviññattisikkhāpadesupi yathāsambhavaṃ nayo netabbo. Ayaṃ missatāya nayo. Ādi-saddena pana aneke aññātikā viññattāviññattapuggalagaṇanāya dukkaṭaṃ. Eko deti, eko na deti, nissaggiyaṃ. Atha aviññatto deti, na nissaggiyaṃ. Atha viññattāviññattānaṃ sādhāraṇaṃ viññatto deti, nissaggiyameva. Ubho denti, nissaggiyameva. Aviññatto deti, nissaggiyena anāpatti. Viññattassa vacanena aviññatto deti, anāpatti eva. Tathā upakkhaṭādīsupi yathāsambhavaṃ nayo netabbo.
д̣̇уд̇ияаубагкадасигкаабад̣̇аван̣н̣анаа нидтид̇аа.
Dutiyaupakkhaṭasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. д̣̇уд̇ияаубагкадасигкаабад̣̇ам̣ • 9. Dutiyaupakkhaṭasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. д̣̇уд̇ияаубагкадасигкаабад̣̇аван̣н̣анаа • 9. Dutiyaupakkhaṭasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамаубагкадасигкаабад̣̇аван̣н̣анаа • 8. Paṭhamaupakkhaṭasikkhāpadavaṇṇanā
