| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၄. ဒုတိယဥပနိသသုတ္တံ
4. Dutiyaupanisasuttaṃ
၄. 1 တတ္ရ ခော အာယသ္မာ သာရိပုတ္တော ဘိက္ခူ အာမန္တေသိ – ‘‘ဒုသ္သီလသ္သ, အာဝုသော, သီလဝိပန္နသ္သ ဟတူပနိသော ဟောတိ အဝိပ္ပဋိသာရော; အဝိပ္ပဋိသာရေ အသတိ အဝိပ္ပဋိသာရဝိပန္နသ္သ ဟတူပနိသံ ဟောတိ။ပေ.။ ဝိမုတ္တိဉာဏဒသ္သနံ။ သေယ္ယထာပိ, အာဝုသော, ရုက္ခော သာခာပလာသဝိပန္နော။ တသ္သ ပပဋိကာပိ န ပာရိပူရိံ ဂစ္ဆတိ, တစောပိ။ ဖေဂ္ဂုပိ။ သာရောပိ န ပာရိပူရိံ ဂစ္ဆတိ။ ဧဝမေဝံ ခော, အာဝုသော, ဒုသ္သီလသ္သ သီလဝိပန္နသ္သ ဟတူပနိသော ဟောတိ အဝိပ္ပဋိသာရော; အဝိပ္ပဋိသာရေ အသတိ အဝိပ္ပဋိသာရဝိပန္နသ္သ ဟတူပနိသံ ဟောတိ။ပေ.။ ဝိမုတ္တိဉာဏဒသ္သနံ။
4.2 Tatra kho āyasmā sāriputto bhikkhū āmantesi – ‘‘dussīlassa, āvuso, sīlavipannassa hatūpaniso hoti avippaṭisāro; avippaṭisāre asati avippaṭisāravipannassa hatūpanisaṃ hoti…pe… vimuttiñāṇadassanaṃ. Seyyathāpi, āvuso, rukkho sākhāpalāsavipanno. Tassa papaṭikāpi na pāripūriṃ gacchati, tacopi… pheggupi… sāropi na pāripūriṃ gacchati. Evamevaṃ kho, āvuso, dussīlassa sīlavipannassa hatūpaniso hoti avippaṭisāro; avippaṭisāre asati avippaṭisāravipannassa hatūpanisaṃ hoti…pe… vimuttiñāṇadassanaṃ.
‘‘သီလဝတော , အာဝုသော, သီလသမ္ပန္နသ္သ ဥပနိသသမ္ပန္နော ဟောတိ အဝိပ္ပဋိသာရော; အဝိပ္ပဋိသာရေ သတိ အဝိပ္ပဋိသာရသမ္ပန္နသ္သ ဥပနိသသမ္ပန္နံ ဟောတိ။ပေ. ။ ဝိမုတ္တိဉာဏဒသ္သနံ။ သေယ္ယထာပိ, အာဝုသော, ရုက္ခော သာခာပလာသသမ္ပန္နော။ တသ္သ ပပဋိကာပိ ပာရိပူရိံ ဂစ္ဆတိ, တစောပိ။ ဖေဂ္ဂုပိ။ သာရောပိ ပာရိပူရိံ ဂစ္ဆတိ။ ဧဝမေဝံ ခော, အာဝုသော, သီလဝတော သီလသမ္ပန္နသ္သ ဥပနိသသမ္ပန္နော ဟောတိ အဝိပ္ပဋိသာရော; အဝိပ္ပဋိသာရေ သတိ အဝိပ္ပဋိသာရသမ္ပန္နသ္သ ဥပနိသသမ္ပန္နံ ဟောတိ။ပေ.။ ဝိမုတ္တိဉာဏဒသ္သန’’န္တိ။ စတုတ္ထံ။
‘‘Sīlavato , āvuso, sīlasampannassa upanisasampanno hoti avippaṭisāro; avippaṭisāre sati avippaṭisārasampannassa upanisasampannaṃ hoti…pe. … vimuttiñāṇadassanaṃ. Seyyathāpi, āvuso, rukkho sākhāpalāsasampanno. Tassa papaṭikāpi pāripūriṃ gacchati, tacopi… pheggupi… sāropi pāripūriṃ gacchati. Evamevaṃ kho, āvuso, sīlavato sīlasampannassa upanisasampanno hoti avippaṭisāro; avippaṭisāre sati avippaṭisārasampannassa upanisasampannaṃ hoti…pe… vimuttiñāṇadassana’’nti. Catutthaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၃-၅. ဥပနိသသုတ္တတ္တယဝဏ္ဏနာ • 3-5. Upanisasuttattayavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၇. အဝိဇ္ဇာသုတ္တာဒိဝဏ္ဏနာ • 1-7. Avijjāsuttādivaṇṇanā
