Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya

2. д̣̇уд̇ияаурувзласуд̇д̇ам̣

2. Dutiyauruvelasuttaṃ

22. ‘‘згамид̣̇аахам̣ , бхигкавз, самаяам̣ урувзлааяам̣ вихараами наж̇ж̇аа нзран̃ж̇арааяа д̇ийрз аж̇абааланиг̇род̇хз батамаабхисамб̣уд̣̇д̇хо. ат̇а ко, бхигкавз, самб̣ахулаа б̣раахман̣аа ж̇ин̣н̣аа вуд̣̇д̇хаа махаллагаа ад̣̇д̇хаг̇ад̇аа ваяоануббад̇д̇аа язнаахам̣ д̇знубасан̇гамим̣су; убасан̇гамид̇ваа маяаа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко, бхигкавз, д̇з б̣раахман̣аа мам̣ зд̇ад̣̇авожум̣ – ‘суд̇ам̣ нзд̇ам̣ ¹, бхо г̇од̇ама – на саман̣о г̇од̇амо б̣раахман̣з ж̇ин̣н̣з вуд̣̇д̇хз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇ийд̇и. д̇аяид̣̇ам̣, бхо г̇од̇ама, д̇ат̇зва. на хи бхавам̣ г̇од̇амо б̣раахман̣з ж̇ин̣н̣з вуд̣̇д̇хз махаллагз ад̣̇д̇хаг̇ад̇з ваяоануббад̇д̇з абхиваад̣̇зд̇и ваа бажжудтзд̇и ваа аасанзна ваа ниманд̇зд̇и. д̇аяид̣̇ам̣, бхо г̇од̇ама, на самбаннамзваа’’’д̇и.

22. ‘‘Ekamidāhaṃ , bhikkhave, samayaṃ uruvelāyaṃ viharāmi najjā nerañjarāya tīre ajapālanigrodhe paṭhamābhisambuddho. Atha kho, bhikkhave, sambahulā brāhmaṇā jiṇṇā vuddhā mahallakā addhagatā vayoanuppattā yenāhaṃ tenupasaṅkamiṃsu; upasaṅkamitvā mayā saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho, bhikkhave, te brāhmaṇā maṃ etadavocuṃ – ‘sutaṃ netaṃ ², bho gotama – na samaṇo gotamo brāhmaṇe jiṇṇe vuddhe mahallake addhagate vayoanuppatte abhivādeti vā paccuṭṭheti vā āsanena vā nimantetīti. Tayidaṃ, bho gotama, tatheva. Na hi bhavaṃ gotamo brāhmaṇe jiṇṇe vuddhe mahallake addhagate vayoanuppatte abhivādeti vā paccuṭṭheti vā āsanena vā nimanteti. Tayidaṃ, bho gotama, na sampannamevā’’’ti.

‘‘д̇асса маяхам̣, бхигкавз, зд̇ад̣̇ахоси – ‘наяимз ³ ааяасманд̇о ж̇аананд̇и т̇зрам̣ ваа т̇зрагаран̣з ваа д̇хаммз’д̇и. вуд̣̇д̇хо жзби, бхигкавз, ход̇и аасийд̇иго ваа наавуд̇иго ваа вассасад̇иго ваа ж̇аад̇ияаа. со жа ход̇и агаалаваад̣̇ий абхууд̇аваад̣̇ий анад̇т̇аваад̣̇ий ад̇хаммаваад̣̇ий авинаяаваад̣̇ий, анид̇хаанавад̇им̣ ваажам̣ бхаасид̇аа агаалзна анабад̣̇зсам̣ абарияанд̇авад̇им̣ анад̇т̇асам̣хид̇ам̣. ат̇а ко со ‘б̣аало т̇зро’д̇взва ⁴ сан̇кам̣ г̇ажчад̇и.

‘‘Tassa mayhaṃ, bhikkhave, etadahosi – ‘nayime ⁵ āyasmanto jānanti theraṃ vā therakaraṇe vā dhamme’ti. Vuddho cepi, bhikkhave, hoti āsītiko vā nāvutiko vā vassasatiko vā jātiyā. So ca hoti akālavādī abhūtavādī anatthavādī adhammavādī avinayavādī, anidhānavatiṃ vācaṃ bhāsitā akālena anapadesaṃ apariyantavatiṃ anatthasaṃhitaṃ. Atha kho so ‘bālo thero’tveva ⁶ saṅkhaṃ gacchati.

‘‘д̣̇ахаро жзби, бхигкавз, ход̇и яуваа сусугаал̣агзсо бхад̣̇рзна яоб̣б̣анзна саманнааг̇ад̇о батамзна ваяасаа . со жа ход̇и гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий нид̇хаанавад̇им̣ ваажам̣ бхаасид̇аа гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣. ат̇а ко со ‘бан̣д̣ид̇о т̇зро’д̇взва сан̇кам̣ г̇ажчад̇и.

‘‘Daharo cepi, bhikkhave, hoti yuvā susukāḷakeso bhadrena yobbanena samannāgato paṭhamena vayasā . So ca hoti kālavādī bhūtavādī atthavādī dhammavādī vinayavādī nidhānavatiṃ vācaṃ bhāsitā kālena sāpadesaṃ pariyantavatiṃ atthasaṃhitaṃ. Atha kho so ‘paṇḍito thero’tveva saṅkhaṃ gacchati.

‘‘жад̇д̇ааромз , бхигкавз, т̇зрагаран̣аа д̇хаммаа. гад̇амз жад̇д̇ааро? ид̇ха, бхигкавз, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу, б̣ахуссуд̇о ход̇и суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ ⁷ гзвалабарибун̣н̣ам̣ ⁸ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа ⁹ важасаа барижид̇аа манасаанубзгкид̇аа, д̣̇идтияаа суббадивид̣̇д̇хаа, жад̇уннам̣ жхаанаанам̣ аабхижзд̇асигаанам̣ д̣̇идтад̇хаммасукавихаараанам̣ нигаамалаабхий ход̇и агижчалаабхий агасиралаабхий, аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. имз ко, бхигкавз, жад̇д̇ааро т̇зрагаран̣аа д̇хаммаа’’д̇и.

‘‘Cattārome , bhikkhave, therakaraṇā dhammā. Katame cattāro? Idha, bhikkhave, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu, bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ ¹⁰ kevalaparipuṇṇaṃ ¹¹ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā ¹² vacasā paricitā manasānupekkhitā, diṭṭhiyā suppaṭividdhā, catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī, āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ime kho, bhikkhave, cattāro therakaraṇā dhammā’’ti.

‘‘яо уд̣̇д̇хад̇зна жид̇д̇зна, сампан̃жа б̣аху бхаасад̇и;

‘‘Yo uddhatena cittena, samphañca bahu bhāsati;

асамаахид̇асан̇габбо, асад̣̇д̇хаммарад̇о маг̇о;

Asamāhitasaṅkappo, asaddhammarato mago;

аараа со т̇ааварзяяамхаа, баабад̣̇идти анаад̣̇аро.

Ārā so thāvareyyamhā, pāpadiṭṭhi anādaro.

‘‘яо жа сийлзна самбанно, суд̇аваа бадибхаанаваа;

‘‘Yo ca sīlena sampanno, sutavā paṭibhānavā;

сан̃н̃ад̇о д̇хийро д̇хаммзсу ¹³, бан̃н̃ааяад̇т̇ам̣ вибассад̇и.

Saññato dhīro dhammesu ¹⁴, paññāyatthaṃ vipassati.

‘‘баараг̇уу саб̣б̣ад̇хаммаанам̣, акило бадибхаанаваа;

‘‘Pāragū sabbadhammānaṃ, akhilo paṭibhānavā;

бахийнаж̇аад̇имаран̣о, б̣рахмажарияасса гзвалий.

Pahīnajātimaraṇo, brahmacariyassa kevalī.

‘‘д̇амахам̣ вад̣̇аами т̇зрод̇и, яасса но санд̇и аасаваа;

‘‘Tamahaṃ vadāmi theroti, yassa no santi āsavā;

аасаваанам̣ каяаа бхигку, со т̇зрод̇и бавужжад̇ий’’д̇и. д̣̇уд̇ияам̣;

Āsavānaṃ khayā bhikkhu, so theroti pavuccatī’’ti. dutiyaṃ;

Next: 3. логасуд̇д̇ам̣ • 3. Lokasuttaṃ

Footnotes:

1. мзд̇ам̣ (сий. сяаа. гам̣. га.)

2. metaṃ (sī. syā. kaṃ. ka.)

3. на вад̇а мз (сий. бий.), на жаяимз (сяаа. гам̣.), на вад̇имз (?)

4. д̇зва (сий. бий.)

5. na vata me (sī. pī.), na cayime (syā. kaṃ.), na vatime (?)

6. teva (sī. pī.)

7. саад̇т̇аа саб̣яан̃ж̇анаа (сий. бий.)

8. гзвалабарибун̣н̣аа (сий.)

9. д̇хад̇аа (сий. сяаа. гам̣. бий.)

10. sātthā sabyañjanā (sī. pī.)

11. kevalaparipuṇṇā (sī.)

12. dhatā (sī. syā. kaṃ. pī.)

13. сан̃н̃ад̇о д̇хийрад̇хаммзсу (сий.), сам̣яуд̇д̇о т̇ирад̇хаммзсу (сяаа. гам̣.)

14. saññato dhīradhammesu (sī.), saṃyutto thiradhammesu (syā. kaṃ.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. д̣̇уд̇ияаурувзласуд̇д̇аван̣н̣анаа • 2. Dutiyauruvelasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2.д̣̇уд̇ияаурувзласуд̇д̇аван̣н̣анаа • 2.Dutiyauruvelasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact