| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
2. д̣̇уд̇ияаурувзласуд̇д̇аван̣н̣анаа
2. Dutiyauruvelasuttavaṇṇanā
22. д̣̇уд̇ияз самб̣ахулаад̇и б̣ахугаа. б̣раахман̣аад̇и хухуггаж̇аад̇игзна б̣раахман̣зна сад̣̇д̇хим̣ ааг̇ад̇аа б̣раахман̣аа. ж̇ин̣н̣аад̇и ж̇арааж̇ин̣н̣аа. вуд̣дхаад̇и ваяовуд̣̇д̇хаа. махаллагаад̇и ж̇аад̇имахаллагаа. ад̣̇д̇хаг̇ад̇аад̇и д̇аяо ваяз ад̣̇д̇хз ад̇игганд̇аа. суд̇амзд̇анд̇и амхзхи суд̇ам̣ зд̇ам̣. д̇аяид̣̇ам̣ бхо, г̇од̇ама, д̇ат̇зваад̇и бхо, г̇од̇ама, зд̇ам̣ амхзхи суд̇агааран̣ам̣ д̇ат̇аа зва. д̇аяид̣̇ам̣ бхо, г̇од̇ама, на самбаннамзваад̇и д̇ам̣ зд̇ам̣ абхиваад̣̇анаад̣̇иагаран̣ам̣ ананужчавигамзва.
22. Dutiye sambahulāti bahukā. Brāhmaṇāti huhukkajātikena brāhmaṇena saddhiṃ āgatā brāhmaṇā. Jiṇṇāti jarājiṇṇā. Vuḍḍhāti vayovuddhā. Mahallakāti jātimahallakā. Addhagatāti tayo vaye addhe atikkantā. Sutametanti amhehi sutaṃ etaṃ. Tayidaṃ bho, gotama, tathevāti bho, gotama, etaṃ amhehi sutakāraṇaṃ tathā eva. Tayidaṃ bho, gotama, na sampannamevāti taṃ etaṃ abhivādanādiakaraṇaṃ ananucchavikameva.
агаалаваад̣̇ийд̇иаад̣̇ийсу агаалз вад̣̇ад̇ийд̇и агаалаваад̣̇ий. асабхаавам̣ вад̣̇ад̇ийд̇и абхууд̇аваад̣̇ий. анад̇т̇ам̣ вад̣̇ад̇и, но ад̇т̇анд̇и анад̇т̇аваад̣̇ий. ад̇хаммам̣ вад̣̇ад̇и, но д̇хамманд̇и ад̇хаммаваад̣̇ий. авинаяам̣ вад̣̇ад̇и , но винаяанд̇и авинаяаваад̣̇ий. анид̇хаанавад̇им̣ ваажам̣ бхаасид̇аад̇и на хад̣̇аяз нид̇хзд̇аб̣б̣аяуд̇д̇агам̣ ваажам̣ бхаасид̇аа. агаалзнаад̇и гат̇зд̇ум̣ аяуд̇д̇агаалзна. анабад̣̇зсанд̇и абад̣̇зсарахид̇ам̣, саабад̣̇зсам̣ сагааран̣ам̣ гад̇ваа на гат̇зд̇и. абарияанд̇авад̇инд̇и барияанд̇арахид̇ам̣, на барижчзд̣̇ам̣ д̣̇ассзд̇ваа гат̇зд̇и. анад̇т̇асам̣хид̇анд̇и на логияалогуд̇д̇араад̇т̇аниссид̇ам̣ гад̇ваа гат̇зд̇и. б̣аало т̇зрод̇взва сан̇кам̣ г̇ажчад̇ийд̇и анд̇хаб̣аало т̇зрод̇и сан̇кам̣ г̇ажчад̇и.
Akālavādītiādīsu akāle vadatīti akālavādī. Asabhāvaṃ vadatīti abhūtavādī. Anatthaṃ vadati, no atthanti anatthavādī. Adhammaṃ vadati, no dhammanti adhammavādī. Avinayaṃ vadati , no vinayanti avinayavādī. Anidhānavatiṃ vācaṃ bhāsitāti na hadaye nidhetabbayuttakaṃ vācaṃ bhāsitā. Akālenāti kathetuṃ ayuttakālena. Anapadesanti apadesarahitaṃ, sāpadesaṃ sakāraṇaṃ katvā na katheti. Apariyantavatinti pariyantarahitaṃ, na paricchedaṃ dassetvā katheti. Anatthasaṃhitanti na lokiyalokuttaraatthanissitaṃ katvā katheti. Bālo therotveva saṅkhaṃ gacchatīti andhabālo theroti saṅkhaṃ gacchati.
гаалаваад̣̇ийд̇иаад̣̇ийни вуд̇д̇абадибагкавасзна взд̣̇ид̇аб̣б̣аани. бан̣д̣ид̇о т̇зрод̇взва сан̇кам̣ г̇ажчад̇ийд̇и бан̣д̣ижжзна саманнааг̇ад̇ад̇д̇аа бан̣д̣ид̇о, т̇ирабхааваббад̇д̇ияаа т̇зрод̇и сан̇кам̣ г̇ажчад̇и.
Kālavādītiādīni vuttapaṭipakkhavasena veditabbāni. Paṇḍito therotveva saṅkhaṃ gacchatīti paṇḍiccena samannāgatattā paṇḍito, thirabhāvappattiyā theroti saṅkhaṃ gacchati.
б̣ахуссуд̇о ход̇ийд̇и б̣ахум̣ асса суд̇ам̣ ход̇и, наван̇г̇ам̣ сад̇т̇усаасанам̣ баал̣ианусанд̇хибуб̣б̣аабаравасзна уг̇г̇ахид̇ам̣ ход̇ийд̇и ад̇т̇о. суд̇ад̇харод̇и суд̇асса аад̇хаарабхууд̇о. яасса хи ид̇о г̇ахид̇ам̣ ид̇о балааяад̇и, чид̣̇д̣̇агхадз уд̣̇агам̣ вияа на д̇идтад̇и, барисамаж̇жхз згасуд̇д̇ам̣ ваа ж̇аад̇агам̣ ваа гат̇зд̇ум̣ ваа ваажзд̇ум̣ ваа на саггод̇и, аяам̣ на суд̇ад̇харо наама. яасса бана уг̇г̇ахид̇ам̣ б̣уд̣̇д̇хаважанам̣ уг̇г̇ахид̇агааласад̣̇исамзва ход̇и, д̣̇асаби вийсад̇иби вассаани саж̇жхааяам̣ агаронд̇асса нзва нассад̇и, аяам̣ суд̇ад̇харо наама. суд̇асаннижаяод̇и суд̇асса саннижаяабхууд̇о. яасса хи суд̇ам̣ хад̣̇аяаман̃ж̇уусааяа саннижид̇ам̣ силааяа лзкаа вияа суван̣н̣абад̇д̇з багкид̇д̇асийхавасаа вияа жа д̇идтад̇и, аяам̣ суд̇асаннижаяо наама. д̇хаад̇аад̇и д̇хаад̇аа баг̇ун̣аа. згажжасса хи уг̇г̇ахид̇аб̣уд̣̇д̇хаважанам̣ д̇хаад̇ам̣ баг̇ун̣ам̣ нижжалигам̣ на ход̇и, ‘‘асугам̣ суд̇д̇ам̣ ваа ж̇аад̇агам̣ ваа гат̇зхий’’д̇и вуд̇д̇з ‘‘саж̇жхааяид̇ваа сам̣санд̣̇ид̇ваа самануг̇г̇аахид̇ваа ж̇ааниссаамий’’д̇и вад̣̇ад̇и. згажжасса д̇хаад̇ам̣ баг̇ун̣ам̣ бхаван̇г̇асод̇асад̣̇исам̣ ход̇и, ‘‘асугам̣ суд̇д̇ам̣ ваа ж̇аад̇агам̣ ваа гат̇зхий’’д̇и вуд̇д̇з уд̣̇д̇харид̇ваа д̇амзва гат̇зд̇и. д̇ам̣ санд̇хааяа вуд̇д̇ам̣ ‘‘д̇хаад̇аа’’д̇и. важасаа барижид̇аад̇и суд̇д̇ад̣̇асага-ваг̇г̇ад̣̇асагабан̣н̣аасад̣̇асагавасзна ваажааяа саж̇жхааяид̇аа. манасаанубзгкид̇аад̇и жид̇д̇зна анубзгкид̇аа. яасса ваажааяа саж̇жхааяид̇ам̣ б̣уд̣̇д̇хаважанам̣ манасаа жинд̇знд̇асса д̇ад̇т̇а д̇ад̇т̇а баагадам̣ ход̇и, махаад̣̇ийбам̣ ж̇аалзд̇ваа тид̇асса руубаг̇ад̇ам̣ вияа бан̃н̃ааяад̇и, д̇ам̣ санд̇хааязд̇ам̣ вуд̇д̇ам̣. д̣̇идтияаа суббадивид̣̇д̇хаад̇и ад̇т̇ад̇о жа гааран̣ад̇о жа бан̃н̃ааяа суббадивид̣̇д̇хаа.
Bahussuto hotīti bahuṃ assa sutaṃ hoti, navaṅgaṃ satthusāsanaṃ pāḷianusandhipubbāparavasena uggahitaṃ hotīti attho. Sutadharoti sutassa ādhārabhūto. Yassa hi ito gahitaṃ ito palāyati, chiddaghaṭe udakaṃ viya na tiṭṭhati, parisamajjhe ekasuttaṃ vā jātakaṃ vā kathetuṃ vā vācetuṃ vā na sakkoti, ayaṃ na sutadharo nāma. Yassa pana uggahitaṃ buddhavacanaṃ uggahitakālasadisameva hoti, dasapi vīsatipi vassāni sajjhāyaṃ akarontassa neva nassati, ayaṃ sutadharo nāma. Sutasannicayoti sutassa sannicayabhūto. Yassa hi sutaṃ hadayamañjūsāya sannicitaṃ silāya lekhā viya suvaṇṇapatte pakkhittasīhavasā viya ca tiṭṭhati, ayaṃ sutasannicayo nāma. Dhātāti dhātā paguṇā. Ekaccassa hi uggahitabuddhavacanaṃ dhātaṃ paguṇaṃ niccalikaṃ na hoti, ‘‘asukaṃ suttaṃ vā jātakaṃ vā kathehī’’ti vutte ‘‘sajjhāyitvā saṃsanditvā samanuggāhitvā jānissāmī’’ti vadati. Ekaccassa dhātaṃ paguṇaṃ bhavaṅgasotasadisaṃ hoti, ‘‘asukaṃ suttaṃ vā jātakaṃ vā kathehī’’ti vutte uddharitvā tameva katheti. Taṃ sandhāya vuttaṃ ‘‘dhātā’’ti. Vacasāparicitāti suttadasaka-vaggadasakapaṇṇāsadasakavasena vācāya sajjhāyitā. Manasānupekkhitāti cittena anupekkhitā. Yassa vācāya sajjhāyitaṃ buddhavacanaṃ manasā cintentassa tattha tattha pākaṭaṃ hoti, mahādīpaṃ jāletvā ṭhitassa rūpagataṃ viya paññāyati, taṃ sandhāyetaṃ vuttaṃ. Diṭṭhiyā suppaṭividdhāti atthato ca kāraṇato ca paññāya suppaṭividdhā.
аабхижзд̇асигаананд̇и абхижзд̇од̇и абхигганд̇ам̣ висуд̣̇д̇хам̣ жид̇д̇ам̣ вужжад̇и, ад̇хижид̇д̇ам̣ ваа, абхижзд̇аси ж̇аад̇аани аабхижзд̇асигаани, абхижзд̇осанниссид̇аанийд̇и ваа аабхижзд̇асигаани. д̣̇идтад̇хаммасукавихаараананд̇и д̣̇идтад̇хаммз сукавихаараанам̣. д̣̇идтад̇хаммод̇и бажжагко ад̇д̇абхааво вужжад̇и, д̇ад̇т̇а сукавихаарабхууд̇аананд̇и ад̇т̇о. руубааважараж̇жхаанаанамзд̇ам̣ ад̇хиважанам̣. д̇аани хи аббзд̇ваа нисиннаа жхааяино имасмим̣язва ад̇д̇абхаавз асам̣гилидтанзгкаммасукам̣ винд̣̇анд̇и, д̇асмаа ‘‘д̣̇идтад̇хаммасукавихаарааний’’д̇и вужжад̇и. нигаамалаабхийд̇и нигаамзна лаабхий, ад̇д̇ано ижчаавасзна лаабхий, ижчид̇ижчид̇агкан̣з самаабаж̇ж̇ид̇ум̣ самад̇т̇од̇и вуд̇д̇ам̣ ход̇и. агижчалаабхийд̇и сукзнзва бажжанийгад̇хаммз вигкамбхзд̇ваа самаабаж̇ж̇ид̇ум̣ самад̇т̇од̇и вуд̇д̇ам̣ ход̇и. агасиралаабхийд̇и агасираанам̣ лаабхий вибулаанам̣, яат̇аабарижчзд̣̇зна вудтаад̇ум̣ самад̇т̇од̇и вуд̇д̇ам̣ ход̇и. згажжо хи лаабхийязва ход̇и, на бана ижчид̇ижчид̇агкан̣з саггод̇и самаабаж̇ж̇ид̇ум̣. згажжо саггод̇и д̇ат̇аасамаабаж̇ж̇ид̇ум̣, баарибант̇игз жа бана гижчзна вигкамбхзд̇и. згажжо д̇ат̇аа жа самаабаж̇ж̇ад̇и, баарибант̇игз жа агижчзнзва вигкамбхзд̇и, на саггод̇и наал̣игаяанд̇ам̣ вияа яат̇аабарижчзд̣̇зязва вудтаад̇ум̣. яасса бана аяам̣ д̇ивид̇хааби самбад̣̇аа ад̇т̇и, со ‘‘агижчалаабхий агасиралаабхий’’д̇и вужжад̇и. аасаваанам̣ каяаад̇иаад̣̇ийни вуд̇д̇ад̇т̇аанзва. звамид̇ха сийламби б̣аахусажжамби кийн̣аасавассзва сийлам̣ б̣аахусажжан̃жа, жхаанааниби кийн̣аасавассзва вал̣ан̃ж̇анагаж̇жхаанаани гат̇ид̇аани. ‘‘аасаваанам̣ каяаа’’д̇иаад̣̇ийхи бана арахад̇д̇ам̣ гат̇ид̇ам̣. палзна жзд̇т̇а маг̇г̇агижжам̣ багаасид̇анд̇и взд̣̇ид̇аб̣б̣ам̣.
Ābhicetasikānanti abhicetoti abhikkantaṃ visuddhaṃ cittaṃ vuccati, adhicittaṃ vā, abhicetasi jātāni ābhicetasikāni, abhicetosannissitānīti vā ābhicetasikāni. Diṭṭhadhammasukhavihārānanti diṭṭhadhamme sukhavihārānaṃ. Diṭṭhadhammoti paccakkho attabhāvo vuccati, tattha sukhavihārabhūtānanti attho. Rūpāvacarajjhānānametaṃ adhivacanaṃ. Tāni hi appetvā nisinnā jhāyino imasmiṃyeva attabhāve asaṃkiliṭṭhanekkhammasukhaṃ vindanti, tasmā ‘‘diṭṭhadhammasukhavihārānī’’ti vuccati. Nikāmalābhīti nikāmena lābhī, attano icchāvasena lābhī, icchiticchitakkhaṇe samāpajjituṃ samatthoti vuttaṃ hoti. Akicchalābhīti sukheneva paccanīkadhamme vikkhambhetvā samāpajjituṃ samatthoti vuttaṃ hoti. Akasiralābhīti akasirānaṃ lābhī vipulānaṃ, yathāparicchedena vuṭṭhātuṃ samatthoti vuttaṃ hoti. Ekacco hi lābhīyeva hoti, na pana icchiticchitakkhaṇe sakkoti samāpajjituṃ. Ekacco sakkoti tathāsamāpajjituṃ, pāripanthike ca pana kicchena vikkhambheti. Ekacco tathā ca samāpajjati, pāripanthike ca akiccheneva vikkhambheti, na sakkoti nāḷikayantaṃ viya yathāparicchedeyeva vuṭṭhātuṃ. Yassa pana ayaṃ tividhāpi sampadā atthi, so ‘‘akicchalābhī akasiralābhī’’ti vuccati. Āsavānaṃ khayātiādīni vuttatthāneva. Evamidha sīlampi bāhusaccampi khīṇāsavasseva sīlaṃ bāhusaccañca, jhānānipi khīṇāsavasseva vaḷañjanakajjhānāni kathitāni. ‘‘Āsavānaṃ khayā’’tiādīhi pana arahattaṃ kathitaṃ. Phalena cettha maggakiccaṃ pakāsitanti veditabbaṃ.
уд̣̇д̇хад̇знаад̇и уд̣̇д̇хажжасахаг̇ад̇зна. сампанд̇и балаабагат̇ам̣. асамаахид̇асан̇габбод̇и адтабид̇асан̇габбо. маг̇од̇и маг̇асад̣̇исо. аараад̇и д̣̇уурз. т̇ааварзяяамхаад̇и т̇ааварабхаавад̇о. баабад̣̇идтийд̇и лаамагад̣̇идти. анаад̣̇арод̇и аад̣̇арарахид̇о. суд̇аваад̇и суд̇зна убаг̇ад̇о. бадибхаанаваад̇и д̣̇увид̇хзна бадибхаанзна саманнааг̇ад̇о. бан̃н̃ааяад̇т̇ам̣ вибассад̇ийд̇и сахавибассанааяа маг̇г̇абан̃н̃ааяа жад̇уннам̣ сажжаанам̣ ад̇т̇ам̣ винивиж̇жхид̇ваа бассад̇и. баараг̇уу саб̣б̣ад̇хаммаананд̇и саб̣б̣зсам̣ канд̇хаад̣̇ид̇хаммаанам̣ баарам̣ г̇ад̇о, абхин̃н̃аабаараг̇уу, барин̃н̃аабаараг̇уу, бахаанабаараг̇уу, бхааванаабаараг̇уу, сажчигирияаабаараг̇уу, самаабад̇д̇ибаараг̇ууд̇и звам̣ чаб̣б̣ид̇хзна баараг̇аманзна саб̣б̣ад̇хаммаанам̣ баарам̣ барияосаанам̣ г̇ад̇о. акилод̇и рааг̇акилаад̣̇ивирахид̇о. бадибхаанаваад̇и д̣̇увид̇хзнзва бадибхаанзна саманнааг̇ад̇о. б̣рахмажарияасса гзвалийд̇и сагалаб̣рахмажарияо. сзсамзд̇т̇а уд̇д̇аанамзваад̇и.
Uddhatenāti uddhaccasahagatena. Samphanti palāpakathaṃ. Asamāhitasaṅkappoti aṭṭhapitasaṅkappo. Magoti magasadiso. Ārāti dūre. Thāvareyyamhāti thāvarabhāvato. Pāpadiṭṭhīti lāmakadiṭṭhi. Anādaroti ādararahito. Sutavāti sutena upagato. Paṭibhānavāti duvidhena paṭibhānena samannāgato. Paññāyatthaṃ vipassatīti sahavipassanāya maggapaññāya catunnaṃ saccānaṃ atthaṃ vinivijjhitvā passati. Pāragū sabbadhammānanti sabbesaṃ khandhādidhammānaṃ pāraṃ gato, abhiññāpāragū, pariññāpāragū, pahānapāragū, bhāvanāpāragū, sacchikiriyāpāragū, samāpattipāragūti evaṃ chabbidhena pāragamanena sabbadhammānaṃ pāraṃ pariyosānaṃ gato. Akhiloti rāgakhilādivirahito. Paṭibhānavāti duvidheneva paṭibhānena samannāgato. Brahmacariyassa kevalīti sakalabrahmacariyo. Sesamettha uttānamevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. д̣̇уд̇ияаурувзласуд̇д̇ам̣ • 2. Dutiyauruvelasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 2.д̣̇уд̇ияаурувзласуд̇д̇аван̣н̣анаа • 2.Dutiyauruvelasuttavaṇṇanā
